ТИКВИЦИ ВО ОЦЕТ -НЕВООБИЧАЕНА ЗИМНИЦА

Необична зимница: Кисели тиквици
Written by Готвимкд Editor on 2017-09-16 in Салати
Ако сакате да пробате нешто необично и многу вкусно тогаш овој рецепт е за вас!

СОСТОЈКИ:

1 кг млади тиквици
200 гр кромид
6 дл јаболков оцет
5 дл вода
150 гр шеќер
4 лажици сол
ловоров лист
црн и бел бибер
сува пиперка
чили пиперка
НАЧИН НА ПОДГОТОВКА:

Зовријте оцет, вода, шеќер и сол.
Исечете ги тиквиците на ленти (коцки или кругови), како ви одговара.
Исечете го кромидот. Кога водата ќе зоврие ставете мала количина сечкани тиквици и поклопете. Смесата со вода и оцет тогаш ќе „запре“, а тиквиците се готови кога повторно ќе зоврие.
Повторете додека не ја употребите целата количина. Повторете ја постапката и со пиперките (сечкани на парчиња).
Во добро измиени и исушени тегли, кои сте ги ставиле 20-тина минути на 100 степени во рерна, ставете лажица бебер во зрно, 2 ловорови листови, пиперчиња. Преку тоа наредете ги тиквиците и прелијте со смесата од вода и оцет. Теглите веднаш добро затворете ги.