ФАЛСИФИКАТОРИ

„Професори“ со фалсификат дипломи, кумановската полиција покрена три кривични пријави
Apr 12, 2018 1311 0

Три кривични пријави се поднесени за вработувања со фалсификувани дипломи. Кумановската полиција покрена истрага против 47-годишното лице М.М. од градот, осомничено за употреба на документ со лажни податоци, но под истрага се и 46-годишниот Б.Р и 58-годишен В.М од Скопје, за фалсификување на службени документи. Во целата операција, со кривична пријава е опфатен и 37-годишниот А.И. од Штип, кој се сомничи за злоупотреба на службената положба и овластувања

„Осомниченото лице Б.Р. како раководител на студентски прашања на Универзитетот „ФОН“ Скопје во електронското и материјалното досие на М.М. внела невистинити податоци дека тој, инаку главен инспектор во отсекот за странци и реадмисија во Регионален центар за Гранични работи „Север“, положил испит, по што изготвила уверение и го дала на потпис и потврдување кај деканот на Факултетот за правни науки и ректорот на универзитетот. Дипломата била употребена при запишување втор циклус студии, каде Б.Р. повторно фалсификувал документи. И оваа диплома М.М. ја искористил за вработување во МВР“, велат од МВР.

Недостатоци во образовниот систем признава и заменик-министерот за образование, Арбр Адеми, почнувајќи од предучилишната настава па до универзитетите.

Тие се должат на несоодветниот кадар, како што вели Адеми, кој прстот го вперува кон Државниот просветен инспекторат , да преземе мерки за проверка на сите сомнителни дипломи кои му послужиле на наставниот кадар да стигнат до позициите.

„Секако дека ваквите отстапувања и ваквите кривични дела, влијаат врз намалување на кредибилитетот на образованието, генерално во нашата земја. Знаете дека Државниот просветен инспекторат може да делува и врз основа на анонимни претставки за почитување на законот. Сигурно дека надлежните институции треба да преземат вакви дејствија, должни се да ги преземат“, порача Адеми.

Според податоците на полицијата, лицето М.М. три години со фалсификувани дипломи предавал како професор на Универзитетот во Свети Николе, за што примил надомест во износ од околу 4 и пол илјади евра.

Тој спорните дипломи ги употребил и за запишување на пост-дипломски студии на приватниот универзитет за бизнис студии „Еуро Колеџ”во Куманово, па потоа за запишување докторски студии на Факултетот за туризам во Охрид, а на крајот дури и се пријавил за полагање правосуден испит во Министерството за правда.

Аднан Ќаили

/tv21.tv/mk/?p=174117

cela drzava ke ja urnisaat bez znaenje so falsifikuvani diplomi ....najsvez primer no i najstrashen e smrtnosta na doenchinjata ,shto mislite tamu nema idioti so falsifikuvani diplomi koi pojma nemaat pa zatoa umiraat bebinjata .....