Referendum

Започнува камапањата „Излези за ГТЦ!“



Во понеделник во 20 часот во паркот „Жена – Борец” официјално започнува камапањата „Излези за ГТЦ!“ во организација на иницијативата „Го Сакам ГТЦ“.

На овој прв собир со граѓаните активистите на „Го сакам ГТЦ“ ќе ги повикаат граѓаните на Центар да гласаат за задржување на автентичноста на симболот на Скопје на претстојниот референдум во Општина Центар.

На настанот ќе говорат архитекти и активисти, а ќе има и богата музичка програма од музичари – поддржувачи: Ана Костовска и Симон Киселички, The John, Џака Накот, Бон Праскиза и Donplaya и други.

Успехот на првиот локален референдум во Македонија од една страна ќе заштити културно наследство и гордост на Скопје, а од друга, ќе отвори пат за многу други низ останатите општини. Референдумот е најавтентична форма на директна демократија која што нашироко се користи во развиените земји.

Во случајов, тоа прашање е задржувањето на автентичниот изглед на ГТЦ и граѓаните на Општина Центар на 26 април, недела, ќе можат да се изјаснат „за” или „против”.

Референдумот е обврзувачки за локалните и државните власти и неговиот успех е условен од излезноста (+50%). Затоа, „ГоСакам ГТЦ“ повикува на масовност и сплотеност меѓу граѓаните за што поголем одзив.

Иницијаторите во наредните 20 дена ќе делат флаери, одржуваат средби со граѓани, ќе организираат многу настани низ Општина Центар и ГТЦ, за да ги мотивираат граѓаните да излезат и да се изјаснат за сочувуњето на автентичните изглед и дух на гордоста на Скопје.

Центарци ќе гласаат на истите гласачки места како и на последните избори, а избирачкиот список може да се провери во просториите на општината или http://izbirackispisok.gov.mk/

http://plusinfo.mk/vest/21086/zapocnuva-kamapanjata-izlezi-za-gtc

Hamad bim Khalifa напиша:Ovoj put ne samo SHAMARCINA! Ovoj put ke izedat KJOTEK (vo brojki mislev) kako nikogash do sega. A vistinskiot kjotek sledi za nekoja nedela dve!

p.s. Bash da vidime kolku centarci-pustencani ke dojdat ?!?!?

Жерновски - Власта не се бори за нов мандат, туку за главата

Имаме работа со луѓе, коишто се спремни буквално сè да направат за да останат на власт. Тие не мислат да дадат оставка, затоа што не се борат за уште еден мандат, тие се борат за својата глава, вели градоначалникот на Општина Центар, Андреј Жерновски во неделното интервју на Радио Слободна Европа.

Господине Жерновски, кон крајот на април центарци ќе гласаат на референдум за изгледот на ГТЦ. Стравувате ли дека може да се случи нов Пустец?

Не, не може да се случи нов Пустец или не би требало да се случи нов Пустец, бидејќи ценам дека паметот им дошол, особено по објавување на снимките. Но, и да се случи Пустец и два Пустеца да се случат, граѓаните ќе излезат. Од оние анкети што ги направивме, се очекува поголема излезност дури и од локалните и од парламентарните избори, така што не се сомневам во успешноста на референдумот.

Рилкоски смета дека на списокот за Центар уште има по 40-50 гласачи во еден стан



-Можам да ви кажам дека сигурно ги има, меѓутоа ќе го почекаме званично да ни стаса избирачкиот список и тогаш званично ќе кажеме дека ги има.

Вака претседателот на Државната Изборна Комисија (ДИК) – Никола Рилкоски одговори на новинарско прашање дали на списокот на гласачи во Центар, кои ги чека референдум сè уште има по 40 – 50 станари во еден ист стан.

Државната Изборна Комисија денеска го усвои Упатството за спроведување на референдумот за ГТЦ, кој ќе се одржи на 26. април. На овој датум Центарци ќе се изјаснат на прашањето „Дали сте за тоа да се задржи сегашниот изглед на фасадата на Градскиот Трговски Центар во Скопје?“, а идејата доаѓа од Иницијативата за спас на објектот ГТЦ, за кого е најавена барокна реконструкција.

Од Државната Изборна Комисија велат дека досега бројот на запишани избирачи изнесува 43 461, но официјалната бројка ќе се знае по јавниот увид кој треба да се случи деновиве.

Рилкоски смета дека ако претседателот на Општинската изборна комисија во Центар не си поднесе оставка до следната седница на Државната изборна комисија, претседателот на ДИК ќе покрене постапка за негово разрешување од функцијата.

-По она што можевме да го чуеме, барем според моето лично мислење, овој човек барем од морален аспект нема кредибилитет да биде претседател на изборна комисија - вели Рилковски.

Референдумот во општина Центар ќе го спроведат избирачките одбори кои беа одбрани за време на изборите и на кои мандатот сè уште им трае.

Дали ваква одлука е во ред или не е единствената дилема околу која членовите на ДИК имаат спротивставени мислења, но сепак едногласно го усвоија Упатството за спроведување на референдумот.

-Решението на ДИК беше референдумот да го спроведе Избирачкиот одбор во состав од тројца членови избрани од Општинската изборна комисија на веќе постојните, само од редот на јавните службеници и вработени во администрацијата на општина Центар. Мислам дека решението е правично, законито, од причина што и да вршеле нов избор, повторно изборот ќе треба да биде од редот на јавни државни службеници, изјави Бедредин Ибраими – член на ДИК.

Според Виолета Дума, член на ДИК, за референдумот треба да се состави нов избирачки одбор чија намена ќе биде само за референдум на локално или државно ниво.

-Лично сметам дека не може да се игнорира Законот за референдум кој се уште е во сила и да не се анализира членот и ставовите кај што точно е наведено кој и кога ги бира избирачките одбори. Сметам дека треба да се изберат нови членови, само за референдумот, бидејќи по законот нивното траење е само за намената за референдум на локално ниво или референдум на државно ниво. Од тие причини ќе гласам за, бидејќи сметам дека сработени се другите глави од упатството за референдумот, меѓутоа моето мислење само по однос за избирање на нови членови на Одборот го држам уште, посочи Дума.

За време на референдумот, првпат во Република Македонија нема да се обележуваат граѓаните со мастило или УВ ламба. Според членовите на ДИК ова е еден демократски исчекор кој и во иднина би требало да се применува.

http://novatv.mk/index.php?p=1&navig=8&cat=2&vest=21497

Жерновски: Следниот референдум во Центар ќе биде за Водно

Градоначалникот на општина Центар, Андреј Жерновски, ги покани жителите на Водно на 26 април да излезат на референдум на избирачките места на кои гласаат за сите избори и да се изјаснат дали се за зачувување на автентичниот изглед на ГТЦ.

- Идната година повторно ќе одвоиме средства од буџетот на општината за организирање на референдум на локално ниво. Следниот референдум на општина Центар ќе биде за Водно. Со него, ќе ја ограничиме висината на Водно, за да не може ниту една власт да го узурпира просторот - рече Жерновски.



Жерновски најави дека идниот месец продолжува акцијата на општина Центар – “Цел Центар на Точак“, која се покажа како успешна минатата година. Секој заинтересиран кој сака да вози нов велосипед, ќе биде субвенциониран од општината.

Градоначалникот и општинските служби, на средбата на која присуствуваа стотина граѓани, како и советниците од општината, информираа за наредните планови, за изградбата и реконструкцијата на неколку улици кои што се во надлежност на општина Центар.

Проблеми, но и идеи и планови за подобрување на паркирањето во овој дел на Центар, општината е отворена за граѓаните кои веќе договорија средби со надлежните околу ДУП-овите, легализацијата на објектите, состојбите со канализациите, зеленилото и хигиената.

http://plusinfo.mk/vest/21591/-galerija-zernovski-sledniot-referendum-vo-centar-kje-bide-za-vodno

Граѓанската иницијатива „Го сакам ГТЦ“ утре во 19 часот во паркот Жена-борец кај споменикот на Славко Јаневски организира форум на кој ќе се зборува за културните, општествените и архитектонските вредности на Градскиот трговски центар и потребата тој да биде зачуван во неговиот автентичен изглед.

Овој јавен настан е дел од кампањата „Излези за ГТЦ“ која има цел да ги мотивира граѓаните во Општина Центар да излезат на претстојниот референдум кој ќе се одржи на 26-ти април и на кој граѓаните на Општина Центар ќе одлучуваат за изгледот на ГТЦ.

Свое излагање на Форумот ќе имаат: Даница Павловска архитект, Панда Зографска архитект, Донка Барџиева Трајковска историчарка на уметност, Драган Поповски карикатурист, Јовица Ивановски поет, Софија Гошева жителка на Центар.

Форумот ќе биде од отворен карактер и на него можат да учествуваат сите заинтересирани граѓани.

ГТЦ Форум е eден од серијата настани во склоп на референдумот за заштита на Градскиот трговски центар од предлог проектот за нова фасада и негова доградба со која целосно би се уништила архитектурата на објектот, како и неговата урбанистичка улога на „улица“ низ централното градско јадро.

Седумдесет отсто од објектот на ГТЦ е јавен простор. Тој, архитектонски претставува „реплика“ на агора/форум, која ги канализира, и физички ги опслужува општествените потреби на граѓаните на Скопје во последните четири децении. Во таа смисла, ГТЦ Форум претставува надоврзување на основната функција на овој објект како јавен простор. ГТЦ Форум е гласот за спас на овој модернистички објект, симбол на слободата на движење и поврзување на спротивности на градот Скопје.
ГТЦ Форум повикува на слободниот глас на граѓаните за спас на ГТЦ, за спас на правото на јавниот простор, за правото на град!

http://plusinfo.mk/vest/22241/forum-za-gtc-utre-vo-parkot-zena-borec

Лажни архитекти ги убедувале центарци дека референдумот за ГТЦ е невалиден и нелигитимен, алармираат од Општина Центар.

Од таму велат дека голем број граѓани на Центар пријавиле дека биле посетувани од активисти кои лажно се претставувале дека се членови на невладино здружение на архитекти и ги лажеле граѓаните дека референдумот во недела е откажан.

Голем концерт и гушкање на ГТЦ вечерва во 20 часот пред неделниот референдум

За вечерва, со почеток во 20:00 часот, граѓанската иницијатива „Го Сакам ГТЦ“ најавува голем концерт и гушкање на ГТЦ со кој практично ќе заврши широката граѓанска кампања  „Излези за ГТЦ“ по повод референдумот за изгледот на градскиот трговски центар кој ќе се одржи в недела.

http://libertas.mk/%D0%B3%D0%BE%D0%BB%D0%B5%D0%BC-%D0%BA%D0%BE%D0%BD%D1%86%D0%B5%D1%80%D1%82-%D0%B8-%D0%B3%D1%83%D1%88%D0%BA%D0%B0%D1%9A%D0%B5-%D0%BD%D0%B0-%D0%B3%D1%82%D1%86-%D0%B2%D0%B5%D1%87%D0%B5%D1%80%D0%B2%D0%B0/

Референдум за ГТЦ: РЕГИСТРИРАНИ ПРВИТЕ СЛУЧАИ НА НЕРЕГУЛАРНОСТИ

Извештај во 08:45 часот

ЦИВИЛ веќе ја распореди првата смена набљудувачи на Референдумот за ГТЦ утринава. Во текот на ноќта имаше јавувања од граѓан(к)и на дежурниот телефон 075 565 830 и по социјалните мрежи.

На улица Народен фронт бр. 19 и на уште две адреси на улица Коста Шашов во населбата Капиштец, општина Центар, лифтовите намерно се расипани, според сведочењата на граѓан(к)ите. Плакатите од кампањата на Референдумот за ГТЦ се кинеа и во текот на минатата ноќ. И пред седиштето на ЦИВИЛ, плакатите на кампањата беа скинати и фрлени пред влезот.

Во гласачкото место број 2809 на ул. Народен Фронт бр. 21, Избирачкиот одбор откина осум гласачки ливчиња сосе делот кој треба да остане во кочанот.

Веќе почнаа проблемите и притисоците врз нашите набљудувачи. На гласачкото место број 2850 во ОУ „Гоце Делчев“ (поранаешно „Ленин“), на нашата набљудувачка ѝ е одземено овластувањето од ЦИВИЛ, под образложението: „Мораме да имаме нешто“. Ова е незаконско однесување на Избирачкиот одбор и ја повикуваме Општинската изборна комисија да интервенира во овој и другите случаи на нерегуларности при спроведување на Референдумот за ГТЦ.

ЦИВИЛ го набљудува Референдумот за ГТЦ со над 100 набљудувачи, од кои 79 се акредитирани во ОИК. Ги повикуваме граѓанките и граѓаните да пријават нерегуларностите на телефоните 02/5209 176 или 075 565 830.

http://civil.org.mk/rfrndum-za-gtz-rjegistrirani-prvitje-slutchai-na-njerjegularnosti/?lang=mk