Камелија

Преглед на претходна тема Преглед на наредна тема Go down

Камелија

Пишување by Гостин on Сре Јун 03, 2015 11:00 pm

Камелија (lat. Camellia)



Камелијата потекнува од источните делови на Азија, од топлите и влажни шумски предели. Во Европа стига пред околу 3 века и на почетокот се одгледува само за производство на чај. Денес во природата има околу 200 видови диви камелии, а со вкрстување се добиени повеќе видови за одгледување во домот.

Ја сметаат за кралица на цвеќињата. Има елегантни цветови во бела, повеќе нијанси на розова или црвена боја кои може да бидат едноставни или дупли и долги, зелени, восочни листови.

За одгледување во градината и одговара топло и влажно место под сенка. Отпорна е на ниски температури па се случува да цвета и додека има снег, но ако е зимата многу остра тогаш покријте ја со суви лисја. Земјата треба да биде слабо кисела, збогатена со малку шталско ѓубриво и измешана со песок. Внимавајте да не биде премногу влажна бидејќи коренот е осетлив и ќе почне да трули.

Садницата на камелијата насадете ја во дупка која е два пати подлабока и три пати поширока од крошната и внимавајте крошната да биде најмалку 10 cm над тлото. Притиснете ја земјата од страните и ставете вода. Се препорачува да се сади во периодот од октомври до март.

Ќе почне да цвета по три години и тоа во есен па се до рана пролет. Цветовите се долготрајни и остануваат свежи до 4 месеци. Кога ќе прецвета и ќе заврши со растот следува период на мирување кој трае 5-6 недели. Во овој период треба поретко да ја полевате.



За одгледување во домот треба да и овозможите неколку услови без кои не може да опстои. Ставете ја на место каде температурата во зима нема да биде повисока од 10°С, на свеж воздух, но не на директно сонце. Не ја преместувајте, дури не ја ни вртете саксијата бидејќи ќе и паднат листовите. Пресадувајте ја секоја трета година бидејќи ако почесто ја пресадувате ќе има помали цветови. Најдобро е пресадувањето да го правите во јуни и јули кога младите фиданки веќе пораснале.

Полевајте ја со отстојана дождовница или мека вода, а пупките оросувајте ги со чиста млака вода. Повремено бришете ги листовите со влажен сунѓер. Во текот на зимата полевајте ја помалку, а кога ќе излезат првите пупки залевајте ја почесто. Ако листовите пожолтат значи дека сте ја полевале премногу и коренот трули. Тогаш пресадете ја во друга саксија со свежа земја за да се обидете да ја спасите.

Во лето може да ја преместите во градината и да ја закопате заедно со саксијата на некое место под сенка, но секако дека може да остане и на своето место во домот.

Гостин
Гостин


Вратете се на почетокот Go down

Преглед на претходна тема Преглед на наредна тема Вратете се на почетокот


 
Permissions in this forum:
Не можете да одговарате на темите во форумот