МИНИСТЕР ЗА ЗДРАВСТВО

И додека се бара виновникот, расте револтот кај граѓаните. Најбројни се реакциите на социјалните мрежи. Формирана е и фејсбук-група преку која илјадници граѓани бараат оставка од министерот Тодоров и од директорката на Фондот за здравство, Маја Парнарџиева-Змејкова. напиша:

reiter напиша:како бе не е лекар?па нели на лекарите им објаснуваше како се прави операција

Комисијата на чело со Аспазија Софијанова одлучила Тамара да не оди странство



Малата Тамара требаше да замине во странство и тоа во специјална здравствена установа бидејќи станува збор за тешка патологија и не може секој лекар да ја направи операцијата. Ова за НОВА го изјави Илир Хасани еден од ортопедските хирурзи кои е потпишан на конзилијарното мислење, но и член на првостепената комисија во Фондот за здравство.

Хасани потенцира дека сколиозата како дијагноза не е итна за лекување, но последиците од неа доколку е во потешка форма може да бидат кардиоваскуларни или белодробни.

„Изгубено е време, требало што побрзо се оперира. Станува збор за прогресивна сколиоза која прави инсуфициенција на срцето и градната шуплина. Јас дадов мислење дека треба да да се забрза постапката“, изјави за НОВА доктор Хасани.

Тој рече дека случајот зависел од администрацијата и турскиот тим од лекари кои требало да се состанат да ја закажат операцијата. Хасани предупреди дека уште едно седумгодишно девојче со тешка форма на болеста чека да добие одобрение за лекување во странство.

„Малата Кенза има само седум години, а веќе има шест операции на рбетот. И двата случаи ќе ги носиме на совест доколку не биде пратена на операција во странство“, потенцира Хасани.

Но, она што е индикативно во случајот е како е можно лекар кој дал конзилијарно мислење од клиниката, да биде член и на комисијата која го одбила мислењето за лекување на девојчето во странство. По ова се поставува прашањето кој всушност одлучува кој од пациентите ќе се лекува во странство, а кој не.

Уште поголема контрадикторност содржи и Решението на Второстепената комисија на Фондот која ја одбила жалбата за лекување во странство на Тамара како неоснована, иако лекарскиот конзилиум од Клиниката за ортопедија дал мислење дека девојчето треба да се лекува во странство бидејќи на Клиниката нема можност да се изврши оваа операција.

Во Второстепената лекарска комисија чиј претседавач е доктор Аспазија Софијанова, актуелна директорка на детската клиника, не го прифатиле мислењето на своите колеги ортопеди и одговориле дека не се исцрпени можностите за лекување во Македонија, односно дека„лекувањето има можност да се изврши на Клиниката за ортопедија, трауматологија,анестезија, реанимација и интензивно лекување.

Комисијата решението го донела на 30. 10. 2014 година, по што семејството ги алармираше медиумите. Под притисок на медиумите министерот Тодоров вети дека ќе се изнајде решение, но само усно, на ветување.

НОВА ги поседува документите од кои се гледа дека конечната одлука на комисијата на Фондот е Тамара да биде одбиена да се оперира во странство.





Доктор Аспазија Софијанова не се појави во јавноста откако почина девојчето да објасни зошто Комисијата на чие чело се наоѓа донела таква одлука.

Во меѓувреме, одговорните во Фондот и министерот Тодоров се изјаснија дека не се чувствуваат одговорни за смртта на малата Тамара. Обвинителството во Велес, сепак одлучи да покрене постапка по допрен глас, без никој да го пријави случајот. Токму на барање на Обвинителството е извршена обдукција телото на малата Тамара, а со согласност на родителите кои првично се противеа на тоа.

„Судската обдукација е направена по барање на Јавниот обвинител од Велес, регистрирани се малформациите, а резултатите од хистопатолошките анализи се очекува да бидат готови за 10-тина дена“, потврдија за НОВА, во Институтот за судска медицина.

Случајот со деветгодишната Тамара низ лавиринтите на институциите се влечкаше цели три години. За него пошироката јавност дозна во последните три месеци, кога речиси сите медиуми почнаа да известуваат, а се организираа и хуманитарни концерти.

Сумата која требаше да се плати за операција изнесува 30 000 евра. Кога конечно требаше да се договори датум за операција во Турција, малата Тамара почина. Деветгодишната Тамара денеска е погребана на градските гробишта во Велес.

http://novatv.mk/index.php?navig=8&cat=18&vest=20158

Софијанова:Одлуката каде ќе се лекува Тамара дојде од повисоко ниво



Одлуката за малата Тамара да не се лекува во странство дошла од повисоко ниво, се чекало да се отвори новиот спинален центар за таму да се лекува девојчето, тврди за НОВА Аспазија Софијанова, директорка на Клиниката за детски болести.

Софијанова вели дека во моментот кога одлучувала Второстепената комисија, таа не била во државата, одлуката се договарала по телефон. Иако нејзиниот потпис стои на Решението со кое се одбива Тамара да оди на лекување во странство, Софијанова објаснува дека не е претседавач на Комисијата, туку само ја менувала доктор Анастасика Поповска инаку мајка на министерот за надворешни работи, која била болна во тој период.

„Не сум претседавач на комисијата која одлучуваше за Тамара, само ја менував Анастасика Поповска која е всушност претседател на Второстепената комисија, но сум член во комисијата. Јас сум поптпишана на местото на Анастасика Поповска, што не значи дека се согласувам со одлуката. Одлуката дојде од повисоко ниво, се чекаше да се отвори новиот спинален центар за таму да се лекува малата Тамара. Јас во тој период не бев во државата, а одлуката се донесе по телефон“изјави за НОВА доктор Софијанова.

Таа вели дека многу и помогнала на мајката, ја советувала како да ја напише жалбата, правеле планови каде заедно да ја носат Тамара на операција. Ја одбрале Куба. Но, вели Фондот за здравство калкулирал, се барале опции каде поефтино ќе чини лекувањето.

„Душата ме боли за девојчето, но таа не беше педијатриски случај. Јас ја советував мајката на Тамара, доаѓаше кај мене, планиравме, плачевме заедно. Ниту една партија на светот не може да ме смени во однос на децата и нивното лекување. Затоа тешко ми падна кога луѓето почнаа да ми с е јавуваат и да ме прашуваат за случајот “ изјави видно вознемирена Софијанова.

Со ова, уште еднаш се отвора прашањето, кој всушност одлучува каде ќе се лекуваат тешко болните во државата. Дали тоа го прават лекарите во комисиите назначени за тоа или одлуките се диригираат од друг центар на моќ, од повисоко ниво, со цел да се заштедат повеќе пари во здравствената каса.

http://novatv.mk/index.php?navig=8&cat=2&vest=20162

Мајката на Тамара до Тодоров: Зошто си разочаран?! Три години немаше време да не примиш!

Мајката на малата Тамара која почина и не ја дочека согласноста да биде оперирана во странство на државен трошок, преку Фејсбук се обрати до министерот за здравствто, Никола Тодоров, кој вчера изјави дека бил разочаран, но не чувствувал одговорност за смртта на девојчето, бидејќи направил се што можел.



– Не знам зошто си разочаран? Мојата Тамара ја нема веќе, зошто? Уште пред три години во Велес јавно те молев да ме примиш, да те запознам со случајот на Тамара и до ден денес не нè прими иако знаеше дека те чекам пред Министерството. Тамара имаше болки, молеше за помош, ама ти не најде време да нè примиш и да нè сослушаш и затоа немаш одговорност“, напиша на својот Фејсбук профил Жаклина Димовска, мајката на Тамара.



Претходно, мајката на Тамара на 12 декември 2014 на Фејбук му се обрати и на Илија Димовски



– Жално и ниско е господине Илија Димовски, во октомври 2012 ни ветивте Вие и многу други политичари од Велес дека ќе се заложите за нашиот случај, за жал се уште нема ништо на дело, тоа е вистината – напиша мајката на Тамара на Фејсбук во декември.

Како што вчера објави НОВА во Второстепената лекарска комисија не го прифатиле мислењето на своите колеги ортопеди и одговориле дека не се исцрпени можностите за лекување во Македонија, односно дека„лекувањето има можност да се изврши на Клиниката за ортопедија, трауматологија,анестезија, реанимација и интензивно лекување. На решението е потпишана доктор Аспазија Софијанова, актуелна директорка на детската клиника.

Софијанова подоцна тврдеше дека Одлуката за малата Тамара да не се лекува во странство дошла од повисоко ниво, се чекало да се отвори новиот спинален центар за таму да се лекува девојчето, изјави таа за НОВА.

http://libertas.mk/%D0%BC%D0%B0%D1%98%D0%BA%D0%B0%D1%82%D0%B0-%D0%BD%D0%B0-%D1%82%D0%B0%D0%BC%D0%B0%D1%80%D0%B0-%D0%B4%D0%BE-%D1%82%D0%BE%D0%B4%D0%BE%D1%80%D0%BE%D0%B2-%D0%B7%D0%BE%D1%88%D1%82%D0%BE-%D1%81%D0%B8-%D1%80/

Хелсиншкиот комитет поднесе кривични за Тодоров, Парнарџиева Змејкова и Мехази



Хелсиншкиот комитет до обвинителството поднесе кривични пријави за несовесно работење во службата за случајот со Тамара, против министерот за здравство, Никола Тодоров и директорите на на Фондот за здравство, Маја Парнарџиева Змејкова и Џемали Мехази.

Обдукцијата на телото на Тамара која треба да ги утврди причините за смртта е веќе завршена, а резултатите деновиве ќе стигнат в о рацете на обвинителството.

http://emagazin.mk/vesti/vest/6054

ИЗВЕШТАЈ НА МЕДИЦИНСКАТА ОРГАНИЗАЦИЈА „ИНТЕРНЕШЕНАЛ СОС"

НЕ РАЗБОЛУВАЈТЕ СЕ ВО МАКЕДОНИЈА

Македонија се наоѓа на листата земји во кои е најризично да се разболиш при патување. Според најновиот извештај на компанијата „Интернешенал СОС" со седиште во Лондон, на оваа листа со висок ризик за здравјето се наоѓаат и Босна и Херцеговина, Албанија и Косово.

http://www.vest.mk/default.asp?ItemID=BEF6B65268E7C6449A608F4B39B4088C

Директорката на Фондот за здравство си поднесе оставка

http://novatv.mk/index.php?p=1&navig=8&cat=2&vest=20479

И вториот директор на Фондот за здравствено осигурување поднел оставка

http://novatv.mk/index.php?p=1&navig=8&cat=2&vest=20485

Пеце Роговски го однеле до скопскиот аеродром и веднаш го вратиле во битолската болница каде почина. Пеце бил вратен поради направениот пропуст што не било навреме пријавено дека треба да патува во лежечка состојба, пренесува а1он.мк

Иако на семејството му се укажа можност Пеце да се оперира, тоа го спречи сериозниот пропуст во организацијата на транспортот.

Според информации кои ги пренесува А1он, Пеце поради прогресирањето на болеста не бил во состојба летот до Турција да го помине во седечка положба поради огромните болки кои ги имал.

Откако сами собрале пари од донации и бизнисмени, наместо од државата, семејството одлучило да патува и да се оперира Пеце, но не било овозможено патот до Турција да го помине во лежечка позиција зашто само така болките можел да ги издржи.

Откако тој и неговата мајка пристигнале на аеродром и не биле примени да патуваат, се вратиле во Битола.

Неговата состојба значително се влошила, а патот до скопскиот аеродром и назад до Битола целосно го истоштил.

Директорот на битолската болница Василие Најдовски за А1он рече дека болницата овоможила транспорт на Пеце Роговски до скопскиот аеродром и откако обидот за патување во Турција бил неуспешен го вратиле назад.

Според доктор Најдовски, семејството патот до Турција го организирале сами и бил направен пропуст во тоа што не било резервирано уште едно, трето седиште.

Семејството парите ги собрале сами. Дел преку донации на броеви од мобилните оператори, дел од хуманитарните манифестации организирани од неговите другари дел преку уплати директно на сметка на Пеце.

Од Фондот за здравство се бранат дека семејството на Роговски воопшто не поднело барање за лекување во странство.

Ова е уште една жртва на здравствениот систем во Македонија. Државата премногу лесно дозволува семејставата на оние на кои итно им е потребна операција во странство сами да се снаоѓаат за спас на животите на најблиските, па дури и да го организираат патот.

Случајот на Пеце Роговски привлече огромно медиумско внимание а апелите за помош пристигнуваа како од неговото семејство така и од сите негови другари од Битола.

osa напиша:ај се кладиме дека без око да им трепне на газда мантовани и дружината му ,ке го сменат серискиов убиец и тоа нема да добие никаква казна .....