НАЈНОВИ ВЕСТИ

Експеримент - 2.000 Финци ќе добиваат плата за ништо

Станува збор за експерименталното воведување на т.н. основен универзален доход, познат под англиска кратенка УБИ (universal basic incоme).

За 2.000 Финци, државата следната година подготвува „реализација на утопија“: ќе има дава пари секој месец без никакви обврски, па дури не мора ниту да бараат работа.

Станува збор за експерименталното воведување на т.н. основен универзален доход, познат под англиска кратенка УБИ (universal basic incоme). За некои основниот доход е стапица што ќе им овозможи на работодавците да ги отпуштаат вработените со мирна совест, а според други, тој ќе ја зголеми потрошувачката и ќе ја искорени сиромаштијата.

http://plusinfo.mk/vest/86728/eksperiment--2000-finci-kje-dobivaat-plata-za-nishto

Нова ТВсептември 21, 2016-2:14 pm
Притисоците на Груевски и Милошоски објавени на Викиликс



Викиликс вчера и денес објави два документи кои откриваат нови детали од 2007 и 2008 година за време на договорот за коалицијата помеѓу ВМРО-ДПМНЕ и ДУИ и насилството на изборите во 2008 година.

Предизборниот договор меѓу Никола Груевски и Али Ахмети во 2008-ма година е познат како „Мајски договор”. Тогашниот премиер Груевски долго време избегнуваше да го земе ДУИ како партнер во коалицијата и покрај изборната победа на партијата на Али Ахмети во 2006 година и беше во коалиција со ДПА.

Според документите објавени на Викиликс, Груевски побарал од Ахмети да му помогне да остане премиер а за возврат ќе предложи закон со кој борците на ОНА би добивале социјални пакети, како и закон за употреба на албанскиот како официјален јазик. Но Груевски барал овој договор да не биде јавно објавен.

Документот што го објавува Викиликс е допис на тогашниот амбасадор на САД во Македонија кој пишува:

„Амбасадорот на САД го потсети Груевски на двете отворени прашања од Договорот од 29. мај помеѓу владејачката ВМРО-ДПМНЕ и опозициската ДУИ – социјални пакети за жртвите од војната во 2001, и завршување на нацрт-законот за јазикот. Груевски одговори дека неговата Влада е подготвена да даде пари и работни места на лицата кои ДУИ веќе ги предложил. Предупредувајќи на триумфализмот на ДИУ, особено во контекст на контра-притисокот на новоформираната организација на македонски воени ветерани од 2001 и коалицискиот партнер ДПА, тој посочи дека македонската Влада јавно ќе негира било каква улога во таков договор. Груевски беше песимист во поглед на Законот за јазикот, и повтори дека не ветил дека ќе го заврши нацрт-законот во рамки на Договорот од 29. мај. Тој изрази незадоволство од одбивањето на опозициската СДСМ да учествува во процесот, велејќи дека ако СДСМ учествуваше, во Собранието веќе ќе постоеше прифатлив нацрт-закон“.

Денешната објава на Викиликс се однесува на притисокот кој тогашниот министер за надворешни работи Антонио Милошоски го вршел врз ОДИХР (телото на ОБСЕ кое ги надгледува изборите) преку американската амбасадорка во Скопје Џилијан Миловановиќ.

Милошоски барал од Миловановиќ да влијае врз извештајот на ОДИХР во однос на изборите и сугерирал извештајот да го прифати позитивниот став на неговата партија.

Во документот пишува:

“По предвремените парламентарни избори на 1 јуни, проследени со насилство и измами, Антонио Милошоски (во тој период министер за надворешни работи н.з.) се обратил до Амбасадорката на САД во Македонија, Џилијан Миловановиќ, со барање да влијае на извештајот на ОДИХР во однос на изборите кој требало да биде објавен подоцна во текот на истиот ден.

Конкретно, побарал од амбасадорката да влијае извештајот да го прифати позитивниот став на неговата партија според кој проблеми имало во само 1-2% од избирачките места кои се наоѓаат во еден дел од земјата и дека изборите биле главно слободни и фер.

Милошоски сугерирал дека истакнување на проблеми (измама, закани и насилство) во Северозападна Македонија ќе разгори меѓуетничките конфликти, тврдејќи дека позитивниот тон е најдобар за внатрешната стабилност.

Додал и дека со истото барање морал да се обрати до шефот на набљудувачката мисија на ОДИХР, амбасадорот Роберт Бери.

Непријатно изненадена од отворената молба, амбасадорката го информирала дека нема влијание врз независните извештаи на ОДИХР, и дека дури и кога би можела, не би упатила такви барања. Додала и дека нејзините лични забелешки, како и оние на 26-те тимови за мониторинг на Амбасадата забележале сериозни проблеми во многу повеќе од 1 до 2% од избирачките места.

Непријатно изненадена од отворената молба, амбасадорката го информирала дека нема влијание врз независните извештаи на ОДИХР, и дека дури и кога би можела, не би упатила такви барања.

Ова е прв пат Владата на Република Македонија да прави обид да влијае на извештајот на ОДИХР, коментира амбасадорката.

Амбасадорката понатаму го советувала Министерот за надворешни работи да не сугерира дека нерегуларностите  главно во етнички албанските области, не ја одразуваат сликата за Македонија како целина. Додала дека Македонија е една земја, а Владата,преку бегање од одговорноста за спроведување на законите и гаранцијата на еднакви права на целата територија, придонесува за идејата за сепаратизам.

Таа му рекла на министерот дека за изборите да не пропаднат потребно е прегласување не само во околу 60 избирачките места затворени поради насилство или други сериозни нерегуларности, но и во сите останати избирачки места за кои постојат веродостојни извештаи за нерегуларности.

Специјалниот претставник на ЕУ подоцна нé информираше дека на 2 јуни дека Милошоски му се обратил со истото барање и дека тој бил подеднакво јасен во одбивањето да влијае на извештајот на ОДИХР”, објавува Викиликс допис на амбасадата на САД.

Во истиот документ стои и коментар на Миловановиќ која вели дека барањето на Милошоски, и покрај победата, укажува на тоа дека ВМРО-ДПМНЕ е загрижена дека нивниот мандат може да биде ослабен како резултат на критики во однос на спроведување на изборите. Ова е прв пат Владата на Република Македонија да прави обид да влијае на извештајот на ОДИХР, коментира амбасадорката.

http://novatv.mk/pritisotsite-na-gruevski-i-miloshoski-objaveni-na-vikiliks/

ВИДЕО: Штрајк во текстилна фабрика во Македонска Каменица. Работници одбиле да работат по 11 часа за 6.000 денари

СЈО утре отвора нова истрага „Трезор”



Специјалното јавно обвинителство најави нова истрага со назив „Трезор“. Деталите за случјаот од ќе ги презентираат утре на прес-конференција во новите канцеларии на СЈО.

Ова ќе биде шеста истрага која ја води СЈО, а која произлегува од незаконски прислушуваните разговори.

Инаку, на годишнината од формирањето на СЈО, специјалната јавна обвинителка Катица Јанева покрена две обвиненија.

Првото обвинение e за уништување на докази за прислушувањето, , а второто обвинение, се однесува на нарачаното насилство врз градоначалникот на општина Центар Андреј Жерновски за време на седница на општинскиот Совет, кога се случи протест пред Општината.

http://fokus.mk/sjo-utre-otvora-nova-istraga-trezor/

Мијалков, Грујовски, Јакимовски и Стајковиќ осомничени во „Трезор“



Поранешниот директор на УБК Сашо Мијалков, поранешниот началникот на петтата управа Горан Грујовски, шефот на кабинетот на Мијалков,Тони Јакимовски и бившиот помошник министер во МВР и член на Управен одбор на Телеком Небојша Стајковиќ се осомничените во случајот Трезор, дознава НОВА од судски извори.

Првите тројца осомничени, Мијалков, Јакимовски и Грујовски, во 2010 година отпатувале во Лондон и договориле набавка на опрема за пресретнување на комуникациите и обука за користење на опремата за потребите на Петтата управа. Но, наместо набавката да оди директно преку Министерството, осомничените функционери ја вклучиле и компанијата „Финзи“ како застапник на МВР.

Според приложеното од Специјалното јавно обвинителство, „Финзи“, откако ја презела набавката во свои раце во договор со УБК и МВР, увозот на опремата го фактурирала по двојно поскапа цена. Набавката е направена во 2010 година, а „Финзи“ е формирана кон крајот на 2009 година. Легитимните дилеми кои ги отвори СЈО во истрагата се како „Финзи“, која во тоа време немала ниту еден вработен, а ниту пари за да ја набави опремата, била одбрана за партнер во МВР, но и зошто воопшто имало потреба од посредник во зделката. Не е јасно ниту каде завршиле парите со коишто е директно оштетен буџетот, а кои легнале на нивната сметка.

„Финзи“ е компанија во сопственост на фирма од САД, додека фирмата од САД е поседувана од фирма во Кипар. Прв директор на оваа фирма е Владислав Стајковиќ, брат на Небојша Стајковиќ, последен беше Коста Крпач, сведокот на СЈО кој се самоуби. Прочитајте детаљи за „Финзи“ на ОВОЈ ЛИНК.

СУДЕЊЕТО НА НИКОЛА ГРУЕВСКИ ЗА ШАМАРИТЕ ВО ЦЕНТАР ЗАКАЖАНО ЗА 21 НОЕМВРИ



Главната расправа од судењето за обвинителниот предлог на СЈО за насилството во Општина Центар против експремиерот Никола Груевски и ексминистерот Миле Јанакиески, судијката Татјана Михајлова ја закажа за 21 ноември во 10 часот, соопшти Основниот суд Скопје 1.

„Судечкиот судија кај кого беше распореден обвинителниот предлог на Обвинителството за гонење на кривични дела поврзани и кои произлегуваат од незаконското следење на комуникациите ( СЈО ) против 14 лица, по разгледување на предлогот, оформи предмет со К.бр 1904/16, а со оглед на распоредот на претходно закажани судења на судијата кој постапува по притворски предмети, а и големиот број на обвинети опфатени во овој предмет, главната расправа е закажана за 21.11.2016 година во 10:00 часот за кога се испратени покани до странките во постапката заедно со примерок од обвинителниот предлог“, информираа од Судот.

СЈО на прес-конференцијата на 15 септември соопшти дека поднеле два обвинителни предлози. Едниот од нив е против експремиерот Никола Груевски и ексминистерот за транспорт и врски Миле Јанакиески и за уште три лица како нарачатели на насилствата во Општина Центар, но и за уште девет лица како извршители на нарачаните кривични дела во јули 2013 година.

http://sdk.mk/index.php/naslovna/sudeneto-na-nikola-gruevski-za-shamarite-vo-tsentar-zakazhano-za-21-noemvri/

Бонева за патни трошоци од ДИК зела 12.000 евра



Силвана Бонева од Државната изборна комисија за шест месеци земала 12.000 евра за патни трошоци, објави телевизија „Алсат“. Бонева вели дека исплатата е според законот.

– Сè е исплатено согласно законот – вели Бонева.

ДИК од декември до јуни на нејзините членови за патни трошоци им исплатила вкупно 25.000 евра.

По Бонева, најмногу пари земал Атанас Урумов кој е од Гевгелија и добил 6.800 евра. Бедредин Ибраими, кој доаѓа од Тетово, зел 3.000 евра, Субхи Јакупи од Гостивар – 2.000 евра. Реџеп Прекопуца добил 500 евра, Игор Милев – 370 евра, а Александар Чичаковски потрошил 150 евра. Виолета Дума и Сашо Срцев не зеле пари за патни трошоци.

Силвана Бонева беше на удар на јавноста и претходно, кога медиумите објавија дека како пратеничка за само една година, за патни трошоци зела 23.000 евра.

http://novatv.mk/boneva-za-patni-troshotsi-od-dik-zela-12-000-evra/

defo напиша:
А колку за чичоски Делмол, од 150 до 12.000 евра разликата е скоро 80 пати....така да тоа на Сител што го кажуваш можда ќе ви пројде.....ШЕТАЈТЕ.....