Predlog za hobi

Иако традиционалните гледишта на семејниот живот велат дека готвењето е „женска“ работа, отсекогаш се сметало дека мажите што знаат да готват вкусни јадења со едноставни состојки се вистински мајстори на кулинарството. Ако сте во потрага по хоби, зошто да не се обидете со создавање вистински уметнички дела, кои во исто време ќе ви бидат корисни и за секојдневната исхрана?

Подобро здравје
Готвењето дома е секогаш поздраво отколку јадењето во ресторани и особено јадењето брза храна. Доколку живеете сами, посветете го своето слободно време на експериментирање со состојки. Инвестирајте во соодветна опрема и започнете да готвите. Постои многу мал простор за грешки, а понекогаш дури и грешките во готвењето знаат да се покажат како многу вкусни јадења.

Повеќе време со семејството
Вашата сопруга понекогаш заглавува на работа и не може да приготви вечера. Зошто да не можете да го изненадите своето семејство со нешто вкусно? Доколку активно се вклучите во приготвувањето на дел од оброците, тоа значително ќе ве зближи со вашите деца, но и со сопругата.

Импресионирајте ги дамите
Доколку сте сингл, тогаш сигурно ќе сакате да чуете дека најголем дел од жените ги сметаат мажите што знаат да готват за исклучително секси. Таа ќе биде крајно импресионирана доколку ја поканите во својот стан и ѝ зготвите вкусна вечера.

Заштедете пари
Во просек, редовното готвење во домот е поевтино за околу 3.000 денари неделно, во споредба со јадењето во ресторани. Кога на тоа ќе го додадете и фактот дека се работи за поздрава варијанта, тогаш изборот е очигледен.

Не знаете како да започнете?
Отворете го сајтот Мои Рецепти и одберете некое јадење кое ви се допаѓа. Набавете ги потребните состојки и следете ги инструкции. Готвењето е една од наједноставните работи во животот, а кога ќе ја совладате, ќе сфатите дека истовремено е и една од најблагородните.

http://www.kosmodisk.com.mk/hobi_mazi_gotvenje-248401-71577-a.html

Правењето сопствени свеќи може да биде многу забавно, а рачно изработените свеќи, исто така се и одлични подароци. Ако посериозно сакате да се зафатите со ова хоби, постојат прирачни книги во кои детално се опишани видовите восок што се користат, алатот кој е потребен, процесот на изработка, итн. А, за да имате предвид што можете да очекувате од ова интересно хоби за парови, прочитајте го овој кус преглед.
За восоците
Во денешно време, речиси без исклучок, свеќите се изработуваат од парафин. Но, постојат и други алтернативи. Пчелиниот восок е одличен, но е доста скап, бидејќи пчеларите сè поретко собираат саќе (ваквиот восок можете да го пронајдете во специјализираните продавници). Восокот направен од животинска маст, исто така, може да се користи за изработка на свеќи (најдобар е восокот направен од говедска маст, но и восокот од овча маст може да послужи).
За фитилот
За да направите фитил на традиционален начин, натопете памучен конец во еден од овие два раствора и оставете го да отстои 12 часа:
-1 супена лажица сол, со 2 супени лажици борна киселина и 1 шолја вода; или
-Измешајте терпентин, варовничка вода и оцет.
Откако конецот ќе се исуши, исплетете две или три кончиња заедно и оформете го фитилот. Секогаш постои и поедноставниот начин – да купите готови фитили за свеќи.
Додајте боја
Можете да купите боја за восок во повеќе продавници или да нарачате по интернет. Бојата за восок може да биде во цврста (плочки) форма, во прав или пак течна. За да ја одредите колку боја ви е потребно, капнете малку од растопениот восок на парче хартија и оставете го да се исуши. Бојата на свеќата ќе биде потемна од тоа што ќе го видите на хартијата, но барем ќе имате претстава за крајниот производ и ќе можете да направите подесувања. Исто така, можете да користите парчиња од стари свеќи. Не препорачуваме користење боички од каков било вид за бојосување на свеќи, освен ако не планирате да ги горите. Боичките содржат пигменти кои ќе го угушат пламенот и ќе направат свеќата да не гори со полн сјај.
Додајте мирис
Во голем број продавници можете да купите миризливо масло. За најдобри резултати, најсоодветно е да користите масла кои се направени за изработка на свеќи. Маслата за освежување, исто така можат да функционираат, но секогаш постои можноста да не се сврзат добро со восокот. Внимавајте маслото да биде чисто, без додадени алкохол или вода. Професионалните изработувачи на свеќи обично користат од 3 до 10% миризливо масло од тежината на восокот. Вие сами можете да одредите колку и како сакате свеќата да мириса.
Последни совети
-Свеќите треба да се сушат најмалку една седмица пред употреба;
-Нерамните места што ќе останат по калапењето можете да ги измазните со триење со најлон-чорапи;
-За свеќите да горат подолго и помалку да капат, премачкајте ги со еден слој проѕирен лак;
-Секогаш тестирајте ги свеќите пред да ги продадете или да ги подарите;
-Рециклирајте ги старите и речиси догорени свеќи. Не само што ќе ја заштитите животната средина, туку ќе заштедите и пари.

http://www.kosmodisk.com.mk/hobi_izrabotka_na_svekji-234733-71577-a.html

Teo напиша:

Teo напиша:Posebno ako e slobodna...

Teo напиша:Pa i ako ti ja pogodi zhelbata na prva...ubavina...

reiter напиша:

Teo напиша:Posebno ako e slobodna...

да секако и да знае да гледа ...на кафе

reiter напиша:

Teo напиша:Pa i ako ti ja pogodi zhelbata na prva...ubavina...

па има да 'буцаш' до три желби...