И пустините се убави

ЗАПОЗНАЈТЕ ГИ НАЈУБАВИТЕ ПУСТИНИ НА СВЕТОТ

Пустините важат за места каде што годишно наврнуваат 250 милиметри дожд на метар квадратен. Во Атакама се случува да падне само еден милиметар...

Ви ги претставуваме најволшебните места каде што луѓето се вистинска реткост.

Сахара

Најпознатата и најголемата во светот, со површина од 9,4 милони километри квадратни. Се протега низ десет држави во северна Африка. Сахара е дом речиси на четири милиони жители. Можете да ги прошетате туристичките делови од пустината, и тоа со тури на камили.

Намиб

Многу помала од Сахара. Се протега на 81 илјада километри квадратни. Не е населена, но тука живеат некои животни, како на пример, носорози и зебри. За Намиб се карактеристични високи песочни дини, што достигнуваат 300 метри висина.

Атакама

Познато е дека во пустините годишно наврнуваат 250 милиметри дожд на метар квадратен. Во оваа пустина се случува да наврне само еден милиметар на метар квадратен, поради што се смета за најсушно подрачје на планетата. Се протега низ Чиле, Аргентина, Перу и Боливија. Во Атакама речиси нема растенија и животни, освен чинчила глувци и кактуси.

Антарктика

Станува збор за континентот и истовремено најголемата ледена пустина. Иако таму се измерени рекордни минус 89,2 степени, ова место е истовремено највлажното и најсушното на Земјата. Сигурно ќе се прашате како е можно тоа? Мамецот е тоа што влажноста не се должи на дождовите, туку на фактот што 98% од Антарктика се наоѓа под мраз. Но, со оглед на тоа што ова е најладното место на светот, врнежите се вистинска реткост, поради што овој континент се смета за пустина.

Такламакан

Оваа пустина се наоѓа во централниот дел на Азија, а преку нејзините северни и јужни делови, некогаш поминувал познатиот Пат на свилата. Во Такламакан се случило и најголемото пустинско чудо, кога пред седум години снег ѝ ја покрил целата површина. Дотогаш не се случило цела пустина да биде покриена со снег, поради што Такламакан влегла во историјата како единствена.

Дашт-е Кавир

Се наоѓа во Иран, на површина од 390 километри квадратни. Прекриена е со кристали од сол што се создаваат на тлото поради недостаток од дожд, а целата глетка е импресивна. Летата тука се пеколни, со температура од 50 Целзиусови степени, а посетителите можат да отседнат единствено во куќата Атешони, што им овозможува излети и кампирања во пустината.



http://www.fakulteti.mk/news/16-10-19/zapoznajte_gi_najubavite_pustini_na_svetot.aspx

Гоби

Пустината Гоби се протега преку Кина и Монголија и во неа се наоѓаат многу градови кои се дел од Патот на свилата. Оваа пустина е дом и на монголскиот црв на смртта, членконог за кој локалните жители опишуваат дека може да досегне должина и до 1.5 метри и да плукне киселина со која го убива својот плен.

Негев

Пустината Негев се наоѓа во јужниот дел на Израел и во неа се наоѓаат неколку значајни бедуински градови. Интересно е тоа што 55% од површината на Израел се наоѓа во оваа пустина.

Мохаве

Во пустината Мохаве се наоѓа Долината на смртта на 86 метри под нивото на морето, што ја прави најниската точка во Северна Америка. Најголемиот град во оваа пустина е Лас Вегас.

Сонора

Се протега измеѓу Аризона, Калифорнија и Мексико. Од оваа пустина доаѓаат фамозните кактуси кои се постојани „актери“ во каубојските филмови.

Тар

Се протега на 124.000 квадратни километри и ја сочинува геоморфолошката граница измеѓу Индија и Пакистан. Во оваа пустина живеат 23 видови гуштери и 25 видови змии кои не можат да се најдат никаде на друго место во светот.

Руб ал Кали

Руб ал Кали е средишниот дел од Арапската пустина, а е позната под името „празен кварт“ и по црвенкасто-портокаловите песочни дини.

Сосема невообичаен Божиќ! Ваква глетка никој не очекуваше – после 37 години и во Сахара падна снег!

Последен пат снег паднал во Алжир во 1979-та година, такашто жителите во градот Аин Сефра вчера биле потполно збунети и воодушевени од глетката којашто ги затекнала.
Фотографиите од песочните дини прошарани со снежни наноси, помеѓу останатите, ги забележал и аматерскиот фотограф Карим Бучетата.