10 ПСИХОЛОШКИ ФАКТИ

10 психолошки факти што ги откриваат мистериите на човечкиот мозок

Научниците имаат откриено голем дел од мистериите на човечкиот мозок со цел подобро да го разберат начинот на кој размислуваат и функционираат луѓето.

Време е да дознаете што се случува во вашата глава и како работи вашата свест, а во тоа ќе ви помогнат следниве 10 интересни психолошки факти…

1. Постојано ги менуваме нашите сеќавања

Ние ги гледаме нашите спомени како кратки филмчиња или видео клипови. Мислиме дека тие се непроменливи и ги чуваме на безбедно во нашиот мозок. Но, сеќавањата од минатото се менуваат секогаш кога ќе ни поминат низ глава. „Дупките“ во меморијата и неодамнешните настани влијаат на нивната содржина. На пример, сигурно не се сеќавате јасно на сите луѓе кои присуствувале на семејниот собир пред неколку години, но бидејќи тетка ви никогаш не ги пропушта таквите настани, вашиот ум ќе ја вклучи и неа во вашите спомени, дури и да била отсутна.

2. Бројот на пријатели што можеме да ги имаме е ограничен

Психолозите и социолозите откриле нешто што се вика бројот на Данбар. Ова е максималниот број на луѓе со кои човек може да изгради блиска врска. Па така, без разлика дали имате илјадници пријатели на Фејсбук, може да остварите вистинска комуникација само со 50-200 од нив.

3. Посреќни сме кога сме зафатени

Замислете си дека сте на аеродром и треба да си го земете багажот. За 10 минути стигнувате до лентите и веднаш си го земате куферот. А сега, замислете си една поинаква ситуација. Наоѓате скратен пат и успевате да стигнете до лентата за багаж за само 2 минути. Потоа, чекате 8 минути за да се појави вашиот куфер. И во двата случаи ви требале само 10 минути за да си го земете багажот. Меѓутоа, во второто сценарио, најверојатно би се чувствувале понезадоволни и нетрпеливи. Ова е така поради фактот што на нашиот мозок не му се допаѓа кога не прави ништо и претпочита постојано да биде зафатен. Исто така, за секоја завршена задача, нѐ наградува со допамин, хормон за среќа.

4. Можеме да запомниме само 3-4 работи одеднаш

Некои истражувања покажале дека нашиот мозок може да „складира“ само 3-4 информации одеднаш. Освен тоа, овие информации може да се зачуваат само 20-30 секунди. Потоа ги забораваме, освен ако не продолжиме да си го освежуваме сеќавањето одново и одново. На пример, возите и зборувате на телефон (иако не би требало да го правите ова!). Вашиот соговорник ви дава телефонски број, но не можете да го запишете, па затоа се обидувате да го запомните. Го повторувате бројот одново и одново за да го зачувате во вашата краткотрајна меморија додека не се исклучите и не го запишете.

Инаку, фактот што ни е полесно да помниме 3-4 информации одеднаш објаснува зошто толку многу работи содржат 3-4 бројки или линии. Ова се однесува на телефонските броеви, пиновите на кредитните картички и слично.

5. Нашата визуелна перцепција на работите се разликува од нивниот реален изглед

Нашиот мозок постојано ги обработува информациите што ги добива од сетилните органи. Ги анализира визуелните слики и ги толкува во форма што можеме да ја разбереме. На пример, причината зошто можеме брзо да прочитаме некој текст е тоа што ние всушност не го читаме текстот. Ние само ги забележуваме првите и последните букви од секој збор и интуитивно го пополнуваме остатокот, врз основа на нашите минати искуства. Слободно можеме да гледаме во група измешани букви и да ги перципираме како вистински зборови!

6. 30% од нашето време го минуваме во будно сонување

Замислете си дека сте на работа и проучувате некој важен документ. Одеднаш сфаќате дека сте ја прочитале истата реченица 3 пати по ред. Наместо да го анализира текстот, вашиот ум талка некаде далеку. Научниците од Универзитетот во Калифорнија тврдат дека секој ден поминуваме 30% од нашето време во будно сонување. Понекогаш, (на пример за време на долги патувања), овој процент се зголемува на 70%, но тука нема ништо лошо. Некои истражувања покажале дека луѓето кои живеат со главата во облаците се покреативни. Исто така, тие подобро ги решаваат проблемите и полесно се ослободуваат од стресот.

7. Постојат 3 работи во животот што не можеме да ги игнорираме: Храна, секс и опасност

Дали некогаш сте се запрашале зошто луѓето љубопитно застануваат кога ќе забележат дека имало сообраќајна несреќа? Иако оваа глетка е вознемирувачка за минувачите, тие упорно продолжуваат да зјапаат. Оваа љубопитност е поттикната од страна на нашиот „древен мозок“, дел од мозокот што е одговорен за инстинктот за преживување. Неговата работа е постојано да ја скенира околината и да поставува (и одговара) 3 прашања: „Дали можам да го јадам тоа? Дали можам да имам секс со тоа? Дали тоа може да ме убие?“ Храната, сексот и опасност сѐ уште се основните работи што нѐ одржуваат во живот, па затоа не можеме а да не им обрнеме внимание.

8. Ни треба што е можно повеќе избор

За целите на едно истражување, неколку научници поставиле 2 маси во супермаркет. На првата маса ставиле 6 типа мармалад, а на втората 24. 60% од купувачите застанале да ги пробаат мармаладите на првата маса. Меѓутоа, кога станало збор за купување на производот, втората маса била 4 пати попопуларна. Зошто се случило ова? Како што веќе знаеме, нашиот мозок може да се фокусира на 3-4 работи одеднаш. Па така, донесувањето конечна одлука е полесно кога имаме ограничен број на опции. Меѓутоа, секогаш тежнееме кон разновидност. Сакаме да разгледуваме разни производи и затоа постои поголема веројатност дека ќе застанеме на масата со 24 типови мармалад, иако на крајот ќе си заминеме со истиот производ што сме го купувале многу пати претходно.

9. Поголемиот дел од нашите одлуки се несвесни

Сакаме да веруваме дека сите наши постапки се последица на внимателно планирање, но во реалноста, 60-80% од нашите секојдневни одлуки се донесени потсвесно. Не размислуваме дали да ги направиме тие работи, туку едноставно ги правиме. Секоја секунда, нашиот мозок добива милиони податоци. За да не дојде до преоптоварување, некои од информациите се сместуваат во потсвеста. Ставањето клучеви во џеб, исклучувањето светла, затворањето влезна врата, сите овие дејства ги изведуваме автоматски, без размислување. За жал, ова честопати доведува до сомневање. На пример, кога ќе стигнеме на работа, почнуваме да се прашуваме дали сме ја исклучиле пеглата за алишта.

10. Невозможно е да се прават повеќе работи одеднаш

Некои истражувања покажале дека можеме да извршуваме само една когнитивна активност одеднаш. Обидете се некогаш да зборувате и читате одеднаш или да пишувате писмо додека слушате аудио книга. Најверојатно, нема да постигнете ништо, бидејќи нашиот мозок не може да се фокусира на 2 задачи истовремено.

Меѓутоа, постои исклучок. Ако втората активност е физичка и автоматски (од типот на работите што секојдневно ги извршуваме), тогаш возможно е да се комбинираат двете задачи. На пример, можете да зборувате на телефон додека одите. Но, дури и тогаш има големи шанси да се сопнете и да заборавите до каде сте стигнале со разговорот.

uste eden psiholoski,//<??koj pie zlo ne misli../<>?><