NANE KAKO LEK

Sostojkite na naneto se lekoviti i zatoa bilkata cesto se koristi vo alternativnata medicina.

Калории

Како и повеќето билки, нането содржи многу малку калории, и е нискомаслена храна. Во него има 48 калории и 0,6 грама масти на 100 грама. Повеќето од калориите доаѓаат од карбохидратни извори, но нането содржи и мало количество на протеини исто така. Нането содржи и 2 грама диететски влакна, што е многу важно за интестиналното и кардиоваскуларното здравје. Нутриционистите препорачуваат дневен внес на барем 25 грама влакна.

Витамини

Нането е особено богато со каротени и витамин Ц. Каротените се нутритиенти кои им ја даваат карактеристичната боја на растенијата, и се антиоксидантни прекурсори на витаминот А. Најдобро познатиот каротен за човековото здравје е бета-каротенот, кој е многу здрав за очните болести и кардиоваскуларните заболувања. Нането содржи 1620 микрограми каротени.

Минерали

Нането е исто така добар извор на неколку минерали од есенцијално значење, како магнезиум, бакар, железо, калиум и калциум.

Магнезиумот и калциумот се исто така важни минерали за здравјето на коските. Нането обезбедува 60 милиграми магнезиум и 200 милиграми калциум во порција од 100 грама. Фосфорот, уште еден минерал кој ја одржува црвстината на коските, исто така е присутен во оваа билка.

Железото е исто така значаен минерал за здрава крв. Стотина грама од оваа билка содржат 15,6 милиграми железо, што е речиси доволно за цел ден и ја задоволува дневната потреба од овој минерал. Апсорпцијата на железо е овозможена од витаминот Ц, и го прави одлична состојка за здрава исхрана.

A eve i nekoi recepti za koristenje na naneto.

Чај за опуштање
Нането од секогаш се користело за лекување на настинки и во тоа е многу успешно, но ефикасно е и за смирување и за зајакнување на нервите. Комбинирано со рузмаринот и маточината ја зголемува психичката отпорност и ја лекува емотивната нестабилност. Чајот се подготвува така што се меша истата количина на овие три билки и една лажица од ова мешавина се попарува со една шолја зовриена вода и се остава да поседи 10 минути. Се пијат три шолји дневно, најдобро пред јадење.

Против пролив и болести на органите за варење
Се прави мешавина од нане и камилица во еднаков сооднос. Три големи лажици од ова мешавина се попарува со половина литар зовриена вода и се остава да поседи два часа, па потоа се процедува чајот. Овој чај можат да го пијат и децата.

Против несоница
Во 60 грама хмељ (Humulus lupus) додадете 20 грама нане и исто толку маточина (Melissa officinalis), измешајте го сето ова, па од ова мешавина земете три големи лажици и попарете ги со половина литар зовриена вода. Поклопете го и после два часа процедете го и пијте го чајот голтка по голтка.
Исто така е ефикасно ако се измеша по 10 грама нане и валеријана ( Valeriana officinalis) и ова мешавина да се попари со 2,5 децилитри зовриена вода. Да се пие пред спиење.

Против мигрена
Пет капки етерично масло од нане накапете на коцка шеќер. Ова ефикасно делува против вртоглавица, мигрена, главоболка и мачнини.