ДРЖАВЕН РЕВИЗОР -извештај

Извештаите на државниот ревизор заглавени во фиоки

08.06.2017 | 18:34ЕкономијаПрочитано: 490
Извештаите на државниот ревизор каде се констатирани злоупотреби во трошење на јавни пари дремат во фиоки. И кога ревизорот ќе утврди прекршување на законот недостасува реакција од институциите, посочуваат од невладиниот сектор. Лани до Јавното обвинителство биле доставени извештаи со утврдени незаконитости во седум државни институции и еден до Антикорупциската комисија.


Со ДЗР соработува и Специјалното јавно обвинителство од каде ги побарале финансиските извештаи за две политички партии ВМРО-ДПМНЕ и СДСМ.

„Нашата работа завршува онаму кадешто укажуваме на неправилности кои подоцна треба да се истражата во светло на евентуални сомневања за евентуални злоупотреби или прекршочни поведенија, кои се дел од процедурите на овие надлежни органи“, изјави Александар Поповски, генерален секретар на ДЗР.

Државниот ревизор минатата година откри луксузирање со јавните пари во Министерството за образование и наука. Вработени во МОН направиле расходи од 203.000 евра за хотели, ручеци и такси-превоз без оправдување за што точно ги потрошиле тие пари. Во Министерство за економија, пак, државниот ревизор утврдил дека хонорарци се исплаќале без доказ за завршена работа и дека нема соодветна документација како се трошеле јавните пари додека со ресорот министрувале Ваљон Сараќини и Беким Незири.

Од јавното обвинителство денеска не добивме одговор дали постапуваат по наодите на државниот ревизор.

Невладините организации кои ја мониторираат работата на заводот за ревизија велат дека граѓаните не се запознаени со работата и со постоењето на ова државно тело.

„Во последните неколку години немаат забележани претставник на Државниот завод за ревизија во јавноста и не се сигурно дали воопшто некој се појавил“, изјави Габриела Димоска, Центар за економски анализи.

Инаку извештаите на ДЗР не можат да биде оспорувани и можат да се употребат како доказ во судска постпака. Но нема информации дека последниве години биле употребени пред судовите.

Не беа ли Ваљон Сараќини и Беким Незири од реформската ДУИ?