СЛОБОДНИ МЕДИУМИ ВО РМ

Фири напиша:Форум "Мелница". Засега.Се дозволува на секоj да си каже мисленjето.
Други не знам.

Фири напиша:Даваjте други слободни медиуми.

Фири напиша:Форум "Мелница". Засега.Се дозволува на секоj да си каже мисленjето.
Други не знам.

Фири напиша:Чекаj малце треба време да разберат дека форумот постои. Како ме одбанират на каjгана ке пробам да рекламирам но за тоа морам да пишувам само во хардвер и софтвер инаку на политички и историски теми оjдох

Фири напиша:Jас ако не беше темата на балканец на алл.бг немаше ни да разберам за форумот.Да со истиот ник сум и таму.

osa напиша:еве Фири сега те поздравив на тема општо кај драга кајгана ,утре пак ке те поздравам и ке те побарам кај си ?

СТРАНЦИТЕ ПРЕДЛАГААТ БУЏЕТСКО ФИНАНСИРАЊЕ НА ЈАВНИОТ СЕРВИС

ДА СЕ УКИНЕ РАДИОДИФУЗНАТА ТАКСА

Посредникот Питер Ванхауте им донесе на партиите готово решение од меѓународната заедница за измени на Законот за аудио и аудиовизуелни услуги.



Предложените измени опфаќаат гарантирано буџетско финасирање на јавниот сервис, реформи во надлежностите и начинот на функционирање на Агенцијата за медиуми, бесплатни владини реклами, кога се работи за јавен интерес, комплетна реконструкција на Македонката телевизија во рок од пет години, намалување на даноците за медиуми од 18 на 5 отсто, како и казни за прекршување на законите, согласно големината и моќта на медиумот.

Ванхауте го презентираше предлогот и пред новинарите. Тој нагласи дека очекува во наредните денови партиите да ги прифатат предложените измени за приоритетни реформи во медиумите.

"Преговорите се одвиваат многу тешко и бавно. Има недостиг на идеи од партиите, а голем дел од предлозите не е во согласност со европските стандарди. Предлогот на меѓународната заедница е законското решение да биде помалку рестриктивно, а многу повеќе да ги охрабрува луѓето да работат професионално и независно. Мојата клучна порака е да пораснете, и да излезете од политичките игри. Да ја погледнете пошироката слика, и да почнете да ја подобрувате состојбата. Рестриктивната легислатива не води никаде", им порача Ванхауте на новинарите, на завчерашната презентација на новото законско решение.

Директорот на МРТВ Марјан Цветковски вчера не сакаше да потврди дали буџетското финансирање на јавниот сервис ќе значи укинување на радиодифузната такса.
"Нека се договорат партиите, па ќе излеземе со став што тоа ќе значи", кусо изјави Цветковски.

Еден процент од државниот Буџет за финансирање на МРТВ

За финансирање на МРТВ да се предвиди еден процент од годишниот Буџет на државата, а јавниот сервис да има целосна независност како ќе ги троши парите.
Членовите на програмскиот совет на МРТВ да се избираат на приближно ист начин како и членовите на Советот на Агенцијата за медиуми, а дополнително е тие да бидат поддржани и од организации од културата. За комерцијалните медиуми, пак, да не се определува каква програма ќе емитуваат, како и колку вработени ќе имаат и со каква техника ќе располагаат.

Ревизија на системот за казни

Законот за аудио и аудиовизуелни услуги да не им се заканува на медиумите со казни туку да ги охрабрува, вели Ванхауте. Додаде дека негова главна цел е да ја зголеми професионалноста на новинарите, да направи ревизија на сегашниот систем на казни, како и да ја зголеми независноста на медиумите и слободата на изразување.

Директорот на Агенцијата за медиуми да има само извршна улога

Ванхауте смета дека клучна реформа е деполитизацијата на Агенцијата за медиуми. Предлогот е сегашните надлежности на директорот на Агенцијата да бидат префрлени на Советот на Агенцијата. Директорот да има само извршна функција, а неговите сегашни надлежности да бидат префрлени на Советот. Да има мандат од пет години, со право на реизбор.

Членовите на Советот на агенцијата да се бираат со двотретинско мнозинство

Парламентот да распише јавен оглас за избор на членови на Советот на Агенцијата. Кандидатите треба да обезбедат препорака од две невладини организации, од новинарска асоцијација, од синдикат на новинарите или од два универзитета.
"Доволна е само една препорака од наведените организации и институции. Членовите на Советот ќе се бираат со двотретинско мнозинство гласови, со петгодишен мандат, со право на реизбор", рече Ванхауте.

Дијалог, предупредување, па казна

Меѓународната заедница предлага нов начин на казнување во случај на прекршување на законите. Прво ќе се разговара со луѓето што направиле прекршување, па доколку дијалогот не даде резултат, Советот ќе изрече предупредување. Крајна опција е казна. Казната ќе се определува пропорционално, во зависност од медиумот. Советот ќе има право да реши за висината на казната, која мора да биде издржана.

http://www.vest.mk/?ItemID=29A6BCA8553C534E9B71BE19087F33EE