Македонско образование

Охридски мајки во акција за помош на Студентски пленум



Зеленчук, млечни производи, леб, кафе, вода, ајвар сокови и финансиски средства како и други намиринци собраа десеттина мајки од Охрид.Тие пред Универзитетот за информатика во центарот на градот организираа акција со цел помош на студентите-пленумци кои во Скопје се борат за остварување на своите права.

-Ова е самоиницијативно собирање на мајките од Охрид.Како што секогаш им испраќаме ние намирници и храна на своите деца кои се студенти во Скопје или ќе бидат студенти како подршка и логистика и овој пат се собравме да им помогнеме на пленумците и да им кажеме дека стоиме позади нив и ги подржуваме во борбата која ја започнале.Како родители ќе сториме се за нивното квалитетно образование и нивниот квалитетен развој во вистински личности и луѓе кои утре ќе ја носат одговорноста за оваа држава, рече Офелија Петреска мајка.

Тие велат дека очекувале многу повеќе мајки да дадат подршка и оти очекуваат дека заедно со Владата и Министерството за образование пленумците ќе најдат заедничко решение.

-Не сме доволно колку што очекував меѓутоа со оглед на временскиот период, студеното време можеби има и некои други причини за кои не сакам да коментирам.Очекував поголем број но колку сме толку сме токму сме, рече Петреска.

Инаку минатата недела и студенти од Охрид кои студираат на овдешните Универзитети се собраа и донираа за нивните колеги студнети во Скопје.

Акцијата се одвиваше еден час, а не се исклучува можноста повторно да бидат организирани слични вакви акции.

http://novatv.mk/index.php?p=1&navig=8&cat=22&vest=20368

Излезе првиот број на весникот „Гласот на студентите“



Студентскиот пленум го креираше првиот број од весникот „Гласот на студентите“. На неколкуте страници се објаснува што значи Студентскиот пленум и автономната зона, како и актуелни случувања и барањата на Пленумците.

Весникот може да го погледнете на овој линк.

http://novatv.mk/index.php?navig=8&cat=2&vest=20446

Продолжуваат средношколските протести во училиштата против новиот модел на државна матура кој вклучува и задолжително полагање математика како трет предмет.

Денеска по завршувањето на првата смена на протест ќе излезат учениците од градежното училиште Здравко Цветковски и гимназијата Ѓорѓи Димитров.

Учениците велат дека нема да има бојкот на наставата, но тие ќе продолжат се поинтензивно преку протести да го искажуваат својот револт против, според нив, лошите реформи во образованието.

Учениците своите барања написмено ќе ги достават до министерството за образование и наука од чиј одговор ќе зависи дали и како ќе делуваат во иднина.

Од ресорното министерство не ги коментираат средношколските протести, а воведувањето на математиката како дел од државната матура го правдаа поради слабиот успех на учениците по овој предмет и потребата за упис на техничките факултети кои според надлежните се конкурентни на пазарот на труд.

http://24vesti.mk/prodolzhuvaat-protestite-vo-povekje-sredni-uchilishta

Продолжуваат средношколските протести - надлежните смируваат

Трет ден од средношколските протести во средните училишта против новиот модел на државна матура кој предвидува полагање на математика како задолжителен предмет.

Учениците од гимназијата Орце Николов кои и денеска се собраа во дворот на училиштето им порачаа на надлежните дека не отстапуваат од своите барања

http://24vesti.mk/prodolzhuvaat-srednoshkolskite-protesti-nadlezhnite-smiruvaat

Средношколски марш – утре во Велес

Во сабота на 14 март во Велес ќе се одржи Средношколски марш. Ви ја пренесуваме поканата објавена на Фејсбук.

По дискредитирачките плакати за учениците кои утрово осамнаа и во Велес, учениците од Средношколскиот пленум започнаа контракампања фотографирајќи се со листови на кои пишува име и презиме на засегантите пленумци и „и јас земам 10.000 денари за да организирам протест“.

Средношколците сметаат дека со тоа ќе го популаризираат проблемот пред да се прошири и да се злоупотребат и останатите членови.

Инаку, плакатите беа залепени низ целиот Велес по дрвја и информативни табли.

Нашите извори утрово рекоа дека преку „информативни“ разговори, лице в лице со средношколците се обидуваат да ја оттуѓат идејата за излегување на улица и изјаснување на нивните ставови.

Сепак, и покрај целиот притисок кој се врши врз нив, средношколците утре ќе излезат на протестен марш, на кој очекуваат огромна поддршка.

http://plusinfo.mk/vest/18311/srednoshkolcite-so-kontrakampanja-pred-da-se-zloupotrebat-ostanatite-plenumci-

„Ја известуваме јавноста дека во очи маршовите кои следуваат до крајот на тековната недела во речиси сите градови на нашата земја, учениците кои се дел од Средношколскиот Пленум се соочуваат со силни и морбидни притисоци и закани“, велат од пленумот.

„Заканите се однесуваат на нивното излегување на маршовите и собирите под организација на Пленумот, а се одразуваат со насилство, лаги за санкции во училиштата каде што учат, не одење на екскурзии, бркање од работа на нивните родители, исто така и кинење на плакати со информации околу маршовите, создавање црна контракампања и слично. Овие обиди да се спречат активностите на Пленумот извршувани се дури и од страна на професори во самите училишта. Од ден во ден, овие закани и притисоци стануваат се посилни и поморничави од кога било, а најприсутни се во градовите Ресен, Струга, Кавадарци, Штип, и Крушево.

http://libertas.mk/%D1%84%D0%BE%D1%82%D0%BE-%D0%BF%D1%80%D0%BE%D0%B4%D0%BE%D0%BB%D0%B6%D1%83%D0%B2%D0%B0%D0%B0%D1%82-%D0%B7%D0%B0%D0%BA%D0%B0%D0%BD%D0%B8%D1%82%D0%B5-%D0%B8-%D0%B1%D0%B5%D0%B7%D0%BE%D0%B1%D1%80%D0%B0/

Средношколците утре ќе маршираат во Скопје, Велес, Струга, Куманово, Кавадарци, Неготино



http://www.radiomof.mk/srednoshkolcite-utre-kje-marshiraat-vo-veles-struga-skopje-kumanovo-kavadarci-i-negotino/

Студентски пленум ја изразува својата поддршка на средношколците во нивната битка за квалитетно средно образование. Воедно, Студентскиот пленум најостро ги осудува сите притисоци, закани и црни кампањи во обид да се спречи мирниот израз на револт на средношколците против наметнатите образовни реформи.



Заедничката цел на сите нас е подобрување на квалитетот на образованието, а тоа сметаме дека може да биде остварено само преку инклузивен дијалог, односно, вклученост на сите страни во процесот на креирање на образовни реформи.

Во младите е иднината!

http://www.studentskiplenum.org/%D0%BF%D0%BE%D0%B4%D0%B4%D1%80%D1%88%D0%BA%D0%B0-%D0%B7%D0%B0-%D1%81%D1%80%D0%B5%D0%B4%D0%BD%D0%BE%D1%88%D0%BA%D0%BE%D0%BB%D1%81%D0%BA%D0%B8-%D0%BC%D0%B0%D1%80%D1%88/

Наставничкиот пленум ќе протестира против лошите реформи

[img:e813]http://plusinfo.mk/Upload/Images/stop%20za%20lo[ite%20reformi.jpg[/img:e813]

Меморандум за законите кои се однесуваат на наставниците, укинување на наградите за екстерното тестирање, ревидирање на системот за професионален развој како и укинување на државната матура ќе побара Наставничкиот пленум на протестот кој ќе се одржи во вторник пред министерството за образование.

http://plusinfo.mk/vest/19054/nastavnickiot-plenum-kje-protestira-protiv-loshite-reformi

Средношколци од Велес биле заклучувани во училиштата за да не излезат на марш

Со притисоци и закани се соочиле средношколците од Велес доколку излезат на марш кој се одржа денеска, соопштуваат од Средношколскиот пленум од овој град.

„Професорите, особено директорите се закануваа дека секој што ќе излезе на марш ќе биде казнет, ќе има укор или пак дека нема да присуствува на средношколските забави и слично. Поединци, членови на пленумот беа повикувани во директорските канцеларии, беа испрашувани и врз нив се вршеше притисок да ги кажат имиња на сите ученици кои ја започнале иницијативата“,велат од пленумот.

Според Средншколскиот пленум ученици биле заклучувани за да не излезат на маршот.

„Во едно од стручните училишта, ОСУ „Јовче Тесличков“, директорката Нада Јованова се повика на екстремности и ги заклучи училишните врати, не дозволувајќи им на стотина ученици да излезат на марш. Средношколците беа принудени да се префрлуваат и скокаат од прозорци и порти високи до едно и пол метро. Дваесетина од нив успеаа да се ослободат, додека обезбедувањето брзо реагираше и ги спречи останатите во намерата“ се вели во соопштението на Средношколскиот пленум од Велес.





http://novatv.mk/index.php?p=1&navig=8&cat=2&vest=21065

Наставниците бараат да се прекине со лошите реформи

Да се престане со лошите реформи во образованието, да се слушне гласот на наставниците и да се мисли на доброто на учениците, се пораките од денешниот мирен протест на Наставничкиот пленум што се одржа пред Министерството за образование и наука во Скопје. Претставниците на наставниците влегоа во зградата на МОН и ги предадоа своите барања. На протестот тие беа поддржани и од Студентскиот, Средношколски и од Професорскиот пленум

http://plusinfo.mk/vest/19369/nastavnicite-baraat-da-se-prekine-so-loshite-reformi

Протестен марш на средошколците од Битола денес на пладне



Денес точно напладне средношколците од Битола ќе се соберат на протетстен марш пред средното медицинско училиште „Д-р Јован Калаузи“ за укинување на екстерното тестирање и враќање на стартиот модел на државна матура.

„Средношколскиот пленум „излегува на марш затоа што истите беа игнорирани од Министерството за Образование и Наука. Затоа што откако со години го малтретираа, го убија средното образование. Затоа, да излеземе да го вратиме! Образованието е јавно добро и е коренот на општеството. Од него произлегува сè останато. Наша обврска и општествена одговорност е да се бориме за квалитетно образование. За нас, за нашето општество! Со квалитетот нема компромис, за квалитет не се преговара. Затоа, да маршираме во борбата за подобро образование и во борбата за подобро општество!“, се вели во повикот на средношколците од Битола.

Изминатата недела се одржаа повеќе средношколски маршеви низ целата земја на која се појавија повеќе илјадници средношколци, родители, професори и граѓани. Вчера маршираа и средношколците од Делчево.

http://novatv.mk/index.php?p=1&navig=8&cat=2&vest=21141

Предлог-законот за таблети за студентите по итна постапка пред пратениците

Предлог-законот за издавање вредносни бонови-ваучери, по скратена постапка, е на дневен ред на денешната собраниска седница.

Според владиниот предлог, вредносни ваучери за таблет компјутери со надворешна тастатура ќе се издаваат за редовните студенти од семејства со месечните приходи не поголеми од 32.741 денари бруто приход и кои првпат се запишани во трета и четврта година на студии. Право на ваучери ќе имаат и студентите кои се евидентирани како лица со посебни потреби запишани во која било година на студии.

Проценката е дека овој проект ќе чини 96 милиони денари од буџетот на Министерството за информатичко општество и администрација.

Пратениците денеска ќе расправаат и за Законот за административни службеници и за предлог на законот за изменување и дополнување на Законот за придонеси од задолжително социјално осигурување, по скратена постапка.

http://grid.mk/read/news/509918384/9794400/predlog-zakonot-za-tableti-za-studentite-po-itna-postapka-deneska-pred-pratenicite

ВИДЕО Директорка ги уценува средношколците пред маршот: Немојте после да барате подобро поведение

Стотици средношколци му се приклучија на маршот во Битола денеска иако Средношколскиот пленум од Битола деновиве континуирано се жалеше на притисоци и закани. На фејсбук страната на битолскиот Пленум е објавено видео снимено денес каде професорка ги принудува учениците да одат на настава, а директорка им се заканува дека учеството на маршот ќе им се одрази во поведението, објави А1.он.

- Вие од трето осум качувајте се одма горе, за десет минути – им вели професорката.



Кога средношколците ќе и речат дека одат на протест за што имаат право, таа им одговара:

- Ти доста, со тебе не разговарам. Не ме интересира, од трето осум ме интересираат. Значи ве молам овој и другиот час да бидете со мене. Ќе ве запишам сите кои нема да дојдете. Страшно ќе се разочарам ако не појдете горе. Што е проблемот, што сакате да правите?

- Не сакате да се качите, добро немојте, ама немојте да дојдете на крајот на годината и да барате повединието да ви се врати назад. И за факултет ви треба и за до крај на животот – им вели другата професорка.

http://plusinfo.mk/vest/19621/video-direktorka-gi-ucenuva-srednoshkolcite-pred-marshot-nemojte-posle-da-barate-podobro-povedenie-