NANE

Edna od najubavite, najnirizlivi i najkorisni bilki. Eve malo upatstvo ako sakate i imate moznost da go odgleduvate doma.

Нането многу лесно се одгледува во скоро сите видови почвени и климатски зони. Откако ќе се засади, повторно ќе расте од година во година.

Засадете ги растенијата рано во пролетта. Многу полесно е да посадите растенија што сте ги купиле во расадник отколку да се посади од семе.

Најдоброто место за избор за садење нане во градината е поголемо подрачје на кое ништо не е засадено. Ако нането е засадено на простор на кој веќе има засадено други растенија, тоа најверојатно брзо ќе ги задуши другите растенија.

Најдобро расте во земја која не е премногу мокра. Посевот  може да биде и на сонце и засенет. Без оглед на тоа на колку сончево место сте посадиле и на каков тип на земјиште, може да се надевате на добар принос.

Растенијата се садат на растојание од околу 30 см, бидејќи нането брзо се шири. Ако планирате  нането да  расте само во дел од градината, каде што сте го засадиле,  начин да се спречи ширењето е користење на метални или пластични граничници (можете да ги најдете во расадник или продавници со продажба на градинарска опрема).

Поставете ги граничниците најмалку 30cm длабоко околу областа каде што нането расте.

Повремено ставајте вода, додека растенијата целосно се прифатат. Кога ќе се подигнат и почнат да растат, тие повеќе нема да бараат наводнување.

Берете  лисја и млади гранчиња кога ви треба, и на крајот на сезоната, отсечете го стеблото и целиот простор покријте го со прекривка.

Нането може да расте и во саксии (внатре или надвор), ако немате место во градината или мислите дека имате проблем со кој и да е дел на одгледувањето во градина.

Ако садите во саксија изберете голем сад,  и добра земја која треба да се задржи влажна, ако сакате насадот да  успее.

Секоја година или на секои две години, отстранете ги растенијата од земјата, поделете го коренот на два или повеќе делови и пресадете  го.

Тоа е затоа што коренот на нането расте неверојатно брзо.

Без разлика дали расте во градина или во саксија, растенијата треба периодично да ги прегледате и да ги отстраните оштетените, суви или заболени лисја.

nane./.,/menta.,rakija so menat?,/?