СПОРТ И СЕ' ЗА СПОРТСКИТЕ ВЕШТИНИ

Ѓоковиќ победник на Австралија Опен



Првиот светски рекет Новак Ѓоковиќ (Србија) е победник на Отвореното првенство на Австралија, откако денеска во финалето во Мелбурн го совлада Енди Мареј (Велика Британија) со 3-1, по сетови 7-6, 6-7, 6-3 и 6-0.

Во меч кој траеше два часа и 40 минути, по неизвесните првите два сета кои беа решени во тај-брејк, Ѓоковиќ ја презема иницијативата во третиот сет, а во четвртиот беше надмоќен не дозволувајќи противникот да не освои ниту еден гем.

За српскиот тенисер ова беше петти трофеј од Австралија и вкупно осми од големите турнири, има уште два од Вимблдон и еден од УС Опен.

Во финалињата на Мелбурн, Ѓоковиќ по трет пат го победува Мареј, претходно поуспешен беше во 2011 и 2013 година.

Британецот кој го запиша 16.пораз во кариерата од Ѓоковиќ, и покрај четирите финалиња, останува без трофеј од Мелбурн.

http://24vesti.mk/gjokovikj-pobednik-na-avstralija-open

Кадетката Костовска стана европски првак во карате



Репрезентативката на Македонија во карате, во кадетска конкуренција, Вероника Костовска, го освои златниот медал на Европското првенство за кадети, јуниори и постари јуниори.

Во дисциплината борби, во категоријата до 54 килограми, Костовска во походот за златниот медал, што е нејзин најголем успех во досегашната кариера, ги совлада Марина Кинореро од Шпанија, Кимберли Нелтинг од Луксембург, Матијана Нелис од Португалија и Ивет Горанова од Бугарија, додека во големото финале со убедливи 5:0 ја победи Французинката Гвендолин Фелипе.

На Европското првенство за кадети, јуниори и постари јуниори кое се одржува во Цирих, Швајцарија, Македонија учествува со 35 натпреварувачи.

http://vesti.mk/read/news/4553673/1711409/kadetkata-kostovska-stana-evropski-prvak-vo-karate

ЕП, КАРАТЕ: ЗАБОРСКИ СО СРЕБРЕН МЕДАЛ, ПЕНДАРОВСКА И РАДИЧЕВСКА “БРОНЗЕНИ“ ВО ЦИРИХ



Во категоријата до 76. килограми македонскиот натпреварувач на Европското првенство во кадетска и јуниорска конкуренција во карате во Цирих (Швајцарија) дојде до сребрениот медал.
Заборски успеа да го освои второто место зад Италијанецот Антонио Де Стефано, а пред Швеѓанецот Лудвиг Ингемансон и Алехандро Молина Аренкон кои дојдоа до бронзата.
Моника Пендаровски го освои бронзениот медал кај јуниорките (“кумите“) во категоријата до 53 кг., зад Французинката Андреа Брито на првото и Ајла Махмутовиќ од Босна и Херцеговина на второто место.
Да потсетиме кај кадетките во категоријата до 54. кг (“кумите“) Вероника Костовска дојде до златниот медал. Да додадеме уште дека Сара Радичевска дојде до третото место во категоријата до 50 кг. за натпреварувачки до 21. година. Во оваа конкуренција првата позиција ја зазема Софија Будербан (Франција) и втората Гема Озуна Моралес (Шпанија).
Резултатите на останатите наши натпреварувачи:
Кадети “кумите“ -57 кг (деветто место, Бојан Димов)
Јуниорки “кумите“ -48 кг. (петто место, Христина Ристиќ)
Јуниори “кумите“ -55 кг. (деветто место, Шкелќим Рамадани)
Јуниори “кумите“ 76 кг. (седмо место, Андреј Ристески)
У21 “кумите“ -60 кг. (петто место, Горан Николовски)
У21 “кумите“ 84 кг. (петто место, Емануел Ристевски)

http://tip.com.mk/ep-karate-zaborski-so-srebren-medal-pendarovska-i-radichevska-bronzeni-vo-tsirih/

Втората тенисерка на светот, Марија Шарапова (Русија) и првиот светски рекет во машка конкуренција Новак Ѓоковиќ (Србија) имаа успешни настапи ноќеска на турнирот во Индијан Велс, САД.

Шарапова во два сета со 6:4 и 6:3 ја победи Викторија Азаренка (Белорусија) во меч од 3. коло.

Таа во следната фаза ќе се сретне со бранителката на трофејот Флавија Панета од Италија која беше поуспешна од Саманта Стосур (Австралија) со 6:4 и 6:2.

Ѓоковиќ до 4.коло стигна по победата над Алберт Рамос (Шпанија) со 7:5 и 6:3.

Следен противник на Србинот ќе биде домашниот тенисер Џон Иснер.

http://plusinfo.mk/vest/18679/-sharapova-i-gjokovikj-vo-osminafinaleto-na-indijan-vels

tmoro напиша:

Ево малку баскет,ееее какви тројки  давав јас на времето...слободни фрлања од 10-10,да си се пофалам самиот