Кучиња

Мастиф

Масивниот мастиф има застрашувачки изглед, но тоа не зборува ништо за неговиот карактер. Тој всушност, е еден нежен џин којшто е пријателски настроен кон сопственикот, одличен е кон децата, а знае да се спријатели и со помали кучиња од другите раси.

Боксер

Боксерот важи за куче со кое тешко може човек да излезе на крај, но тоа се однесува само на оние кои претставуваат опасност за неговиот сопственик. Инаку се работи за куче кое лесно се дресира, многу сака да си игра на отворен простор и со луѓето што ги познава.

Бернардинец

Огромниот бернардинец делува застрашувачки и затоа многумина го чуваат дома за да ги исплаши евентуалните натрапници. Но, кога станува збор за односот со сопствениците, тој е прекрасно куче. Секогаш се труди да им угоди, а знае да си игра и со деца.

Кувас

Лојалноста на оваа раса со потекло од Унгарија, доаѓа оттаму што тој нема да се колеба да го одбрани својот пријател дури и кога е нападнат од крволочно животно. Кога не е соочен со ваков предизвик, сака да си игра и да трча на отворен простор.

Бигл

Оние кои од своето куче не бараат да го чува домот од натрапници, можат слободно да вдомат бигл. Тоа куче толку е многу пријателски расположено, што се однесува добро дури и кон оние што првпат ги гледа. Се труди на секој начин да му причини задоволство на сопственикот и одлично реагира на деца.

A mecki lovat ili meckite gi ;lovat niv?

Текст кој ќе ве замисли: 20 нешта кои вашето куче би сакало да ви ги каже

Многу вистински случки сведочат дека кучето навистина е најдобриот пријател на човекот. Сепак, луѓето замајани од динамичното секојдневие, честопати ги запоставуваат домашните миленици.

Сајтот „DogHeirs“ состави листа од 20 вистини, кои ниту еден сопственик на куче не смее да ги заборави.

1. Не ме игнорирај предолго. Можно е да живеам само 10 до 15 години. Ми се чини како да минува цела вечност кога си далеку од мене и срцето ме боли кога не знам каде си.

2. Не ме оттурнувај кога ќе пристигнат нови членови во семејството. Тие се и мое семејство и јас ќе ги сакам и штитам како што те сакам и штитам тебе.

3. Не ми се лути кога скокам врз тебе. Толку многу те сакам што понекогаш не можам да си ја контролирам возбудата и желбата да те прегрнам.

4. Води ме на нови места за да запознам дружељубиви луѓе и животни. Можеби на почетокот ќе се плашам од нив, но ако ми ја држиш шепата додека минувам низ нови искуства, ќе научам да бидам посамоуверено и да им верувам на другите. Навистина сакам да запознавам нови пријатели.

5. Научи ме на нови нешта. Сакам да те усреќувам, па научи ме тоа што сакаш јас да правам. Учењето е одлична вежба за мене и го сакам тоа исто колку и трчањето во паркот.

6. Не се фрустрирај и не се откажувај пребрзо од мене. Јас не го разбирам твојот јазик, но давам сè од себе за да го научам. Дај ми време да разберам што сакаш од мене, бидејќи сè што сакам е да ти удоволам.

7. Не го истурај својот стрес врз мене. Независно како ти поминал денот, јас секогаш ќе се радувам што те гледам и ќе направам сè што е во моја моќ за да ти го направам денот подобар.

8. Утеши ме кога се плашам. Секогаш се чувствувам многу подобро кога сум со тебе и можно е да ми биде потребно време за да разберам дека новите нешта нема да ме повредат.

9. Колку и да си зафатен, обиди се да поминуваш малку квалитетно време со мене секој ден. Тоа е она што со нетрпение го очекувам и секоја минута ми значи премногу.

10. Не ме оставај надвор кога е претопло или преладно. Немам каде да одам за да се изладам или стоплам и не знам како да избегам доколку се најдам во лоша ситуација.

11. Не ги заборавај малите нешта кои ме прават здраво и среќно. Шепите ме болат кога ноктите ми се предолги и се чувствувам многу подобро откако ќе ми ги отстраниш заплетканите делови од крзното. Дури и можам да се разболам доколку забите ми се премногу валкани. Тебе ќе ти одземе само неколку минути, но мене ќе ми значи многу.

12. Верувај ми. Јас тебе ти верувам со целото мое срце, затоа те молам и ти да ми веруваш исто така. Ти ми си сè на светот.

13. Не ми се лути предолго. Ти имаш работа, пријатели, забава. Јас те имам само тебе.

14. Зборувај ми. Можеби не ги разбирам твоите зборови, но го разбирам тонот на твојот глас и говорот на твоето тело.

15. Секогаш биди љубезен кон мене. Знај дека јас никогаш нема да го заборавам начинот на кој се однесуваш кон мене. Колку повеќе ме сакаш, толку посилна ќе биде нашата врска.

16. Те молам не ме удирај. Запомни дека јас имам заби кои лесно можат да ги скршат коските од твојата рака, но јас избирам да не те каснам зашто те сакам. Ако сум направило нешто погрешно, тоа не било за да те разлутам, па те молам помогни ми да разберам како да не го направам тоа повторно. Многу повеќе сакам да те опсипам со бакнежи.

17. Дај ми до знаење кога ќе направам нешто правилно. Не постои нешто на светот што би ме израдувало повеќе. Можам да проценам кога си задоволен од мене и доколку знам што е она што те развеселува, можеш да се бидеш сигурен дека ќе се обидам да го повторувам. И повторно, и повторно, и повторно...

18. Посвети ми внимание доколку се однесувам чудно. Пред да ме искараш што сум мрзливо или што не те слушам, те молам провери дали нешто ме мачи. Можеби моето срце старее или можеби не сум добро, или можеби чувствувам болка.

19. Грижи се за мене кога ќе остарам исто како што си се грижел кога бев мало кученце. Кога бев младо, ти поминуваше многу време гушкајќи ме и допирајќи го моето меко крзно. Моето крзно можеби не е повеќе меко и јас не сум повеќе мало, но мојата љубов за тебе станува сè посилна.

20. Придружувај ме за време на тешките патувања. Разбирам дека ти е тешко, но те молам остани со мене до крајот. Сè ќе биде подобро, полесно и побезбедно за мене доколку ти си до мене. Запомни дека те сакам.

Кога времето за разделба со вашиот миленик ќе дојде, треба да запомните дека кучињата никогаш не умираат. Тие само спијат во вашето срце.

Почитувајте ги своите кучиња. Тие доживотно се ваше семејство.

http://www.femina.mk/%D0%BD%D0%BE%D0%B2%D0%BE%D1%81%D1%82%D0%B8/%D0%B7%D0%B0%D0%BD%D0%B8%D0%BC%D0%BB%D0%B8%D0%B2%D0%BE%D1%81%D1%82%D0%B8/%D1%82%D0%B5%D0%BA%D1%81%D1%82-%D0%BA%D0%BE%D1%98-%D1%9C%D0%B5-%D0%B2%D0%B5-%D0%B7%D0%B0%D0%BC%D0%B8%D1%81%D0%BB%D0%B8-20-%D0%BD%D0%B5%D1%88%D1%82%D0%B0-%D0%BA%D0%BE%D0%B8-%D0%B2%D0%B0%D1%88%D0%B5%D1%82%D0%BE-%D0%BA%D1%83%D1%87%D0%B5-%D0%B1%D0%B8-%D1%81%D0%B0%D0%BA%D0%B0%D0%BB%D0%BE-%D0%B4%D0%B0-%D0%B2%D0%B8-%D0%B3%D0%B8-%D0%BA%D0%B0%D0%B6%D0%B5

mnogu pametno toa kuceto sto go napisalo ova.

Морам да се сложам со констатацијата. Толку е паметно што дури не оди во меана и не им досадува на сите барајки да го частат.

Kuceto ne pie rakija be.menme treba da me castis ne kuceto. nesto si pobrkal.

Слатки кучиња уживаат во најубавото годишно време – есента!

Ана Гаер, фотограф од Австрија, прави прекрасни портрети од кучиња. Дел од нејзините најдобри фотографии се направени за време на есента, благодарение на златните бои и магливото време што создаваат совршено магична атмосфера.

[img][/img]

„Уште од релативно ран период фотографијата беше важен дел од мојот живот“, вели Ана. „Но, вистинската страст ми се разви пред околу 7 години. Моето прво куче, Синди, беше причината што почнав да го продлабочувам своето знаење за фотографирањето, особено со кучиња. Тежнеев кон една главна цел – сакав вечно да ги сочувам моментите со Синди. Оваа година во август јас ја изгубив. Нејзиното губење остави голема празнина во мене. Ми недостига секој ден и сега повеќе од кога било го ценам тоа што направив толку многу различни слики од неа“, споделува Ана.