Praznici

Православните ја слават Мала Богородица



Православните христијани во Македонија денеска го слават раѓањето на Пресвета Богородица, или Мала Богородица, празник на мајката на сите мајки.

Ова е еден од големите празници на светата Православна црква, кој иако се смета за почеток на сите празници, сепак, почнал да се празнува многу подоцна.

Во сите храмови се служи утрена и света литургија. Верниците доаѓаат да запалат свеќа за здравје и бериќет за себе и своите најблиски.

Откако ослабнало паганството, христијаните, покрај на Исус Христос, можеле да и оддадат заслужено признание и на неговата мајка.

Народот верува дека Пресвета Богородица е заштитничка на мајките воопшто и на леунките посебно, поради што жените кои раѓаат ја повикуваат да им помогне полесно да се породат. Исто така, се верува дека таа им помага и на жените што немаат деца. Затоа ваквите жени оделе во црквите посветени на Богородица и се молеле пред нејзините икони.

На Мала Богородица, исто така, се одржуваат големи народни собири во повеќе манастири што го носат нејзиното име како што е манастирот Пречиста кај Кичево, манастирот во село Матејче, во Осоговскиот манастир и на други места.

http://faktor.mk/pravoslavnite-ja-slavat-mala-bogorodica

treba ot sabaljle smao loziovaca da piete i salata so zejtin bez sirenje..,