Јадранот станува опасен

Во близина на Будва била уловена најотровната риба на светот

Рибарот Илија Рафаиловиќ, покрај самиот брег во Рафајловиќи, недалеку од Будва, уловил возрасен примерок на најотровната риба на светот, на длабочина од пет метри.
Илија и неговата ќерка Анџела, веднаш го известиле Институтот за биологија на морето, кој потврдил дека станува збор за видот Lagocephalus sceleratus, која е позната како фугу риба.

Поради присуството на отров во црниот дроб, нејзината конзумација може да има тешки последици по човекот.

„Отровот од црниот дроб – тетраодоксин – е исклучително термостабилен, што значи дека не може да се елиминира со готвење или печење. Присуството на овој вид неодамна е забележано и кај Дубровник, па така локалните жители веќе се запознаени со присуството на овој вид кај нас, а главната причина за тоа е глобалното затоплување, зголемување на средната годишна температура во Јадранот и создавање услови за престој на овој вид во Јадранското море“, рекол директорот за биологија на морето, магистар Мирко Ѓуровиќ, пишува српски Блиц.




Тој додал дека овој вид во Јадранот имал репродуктивна активност, па така и во иднина може да се очекуваат уште улови на оваа риба.

Рибата фигу има живеалиште во Индискиот океан, а во Медитеранот доаѓа низ Суецкиот канал поради климатските промени и зголемената температура на морето.

Се препорачува рибата фугу да не се зема со голи раце, туку со ракавици. Иако станува збор за смртоносна риба, таа со векови претставува деликатес во јапонската кујна.

Смејат да ја приготвуваат само готвачи кои ќе поминат посебна повеќегодишна обука и ќе стекнат лиценца, како доказ дека ги совладале сите потребни вештини за подготовка на оваа риба.

http://tocka.com.mk/1/164691/vo-blizina-na-budva-bila-ulovena-najotrovnata-riba-na-svetot

e shto se skratilo drugo jadenje pa mora japoncite da ja jadat ovaa riba ??? NE RAZBIRAM !!!!

ete go "blagodetot "od globalnoto zatopluvanje ....