BROKULA

ЗЕМЈОДЕЛСТВО На македонската почва успешно се одгледуваат брокули


Две години Љубица Ѓжониќ од село Црничани дојранско, одгледува брокула. Десетгодишното искуство и поажало дека најдобро за усовршување на производството и добар профит е ориентирање кон една земјоделска култура. Затоа одлучила нејзната плантажа од 12 декари да ја посее со брокула. Летно есенската и есенско зимската сеидба ја покриваат цела година со производство, на традиционален начин.

„Ја одгледувам на класичен начин, семенскиот материјал се формира во расад, кој потоа за еден месец се расадува на нива, па потоа се обработува“, вели Љубица Ѓоник, производител на брокула.

За еден декар треба околу 300 евра почетна инвестиција. Ѓониќ смета дека најдобро е понатаму профитот да се реинвестира во современи технологии на производство, како што е капка по капка за одржување на брокулата свежа во летниот период.

„Моментално распрскувачкиот систем ми е најфункционален и најефтина, и употребувам распрскувачки систем бидејќи летното производство бара да се создаде микро клима, бидејќи брокулата не сака ногу топла клима,“ вели Ѓониќ.

Пласманот на брокулата е стресен поради немањето организиран откуп на брокулата која има краток вегетативен период. Битни се контактите и довербата со домашните откупувачи, вели Ѓониќ. Словенечкиот пазар има најголема апсорпциона моќ за македонската брокула, но потребно е пред се окрупнување на земјоделците.

Брокулите – здравје од природата

ШТО СОДРЖАТ БРОКУЛИТЕ?

Брокулите се богати со многу витамини и минерали.

Брокула
Брокулите содржат витамин А, Ц, К и витамини од грпата Б.
Витамин А во формата на бета-каротен.
Една средно голема брокула содржи повеќе витамин Ц, отколку еден портокал.
Брокулите се богат извор на витамини од групата Б како: Б1, Б2, Б3, Б5, Б6, Б9 (фолна киселина).
Во составот на брокулите е присутен и витаминот К.
Минерали кои во големи количини се присутни во брокулите се: железото, калциумот, калиумот, магнезиумот и цинкот.
Брокулите се богати и со растителни влакна и фитохемикалии.

ЗОШТО ДА ЈАДЕТЕ БРОКУЛИ?

Брокулите се неверојатни зеленчуци, кои го чуваат нашето здравје и се борат против многу болести.

Рак. Брокулите се природни чудотворни заштитници од многу видови рак како: рак на дојката, рак на матката, рак на простатата, рак на внатрешните органи (бели дробови, црн џигер, бубрези) и т.н. Тие се особено добри за лица кои имаат рак на дојка или рак на матката, затоа што го отстрануваат вишокот на естроген од телото.

Стомачни растројства. Брокулите се богати со растителни влакна, магнезиум и многу витамини, кои помагаат да се намали вишокот на киселини во стомакот, да се преброди запекот, да се подобри варењето на храната и подобро да се апсорбираат хранливите материи од храната.

Срцеви заболувања. Освен антиоксиданси, брокулите содржат и многу растителни влакна, бета-каротен, омега-3 масни киселини и витамини, кои го намалуваат нивото на „лош“ холестерол, го регулираат крвниот притисок и со тоа ја одржуваат нормалната работа на срцето.

Анемија. Анемијата е директно поврзана со недостаток на железо и некои протеини. Брокулите се богати со нив, па затоа нивното консумирање е природен лек против анемија.

Висок крвен притисок. Брокулите му помагаат на инсулинот правилно да функционира и го регулираат шеќерот во крвта. Витамините, растителните влакна и омега-3 масните киселини присутни во брокулите го регулираат крвниот притисок.

Детоксикација. Присуството на витамин Ц, сулфур и одредени амино киселини во брокулите, ги прави одлично средство за детоксикација на телото. Тие помагаат за отстранување на слободните радикали и токсините од телото и ја прочистуваат крвта.

Имунитет. Брокулите содржат многу витамини и минерали, кои помагаат да се зајакне имунитетот. Тие се јавуваат како заштитници од многу инфекции.

Грижа за очите. Бета-каротенот, зеаксантинот, витаминот А, фосфорот и другите витамини како Б-комплекс, витамин Е и витамин Ц, присутни во брокулите, се многу добри за одржување на здравјето на очите.

Грижа на кожата. За вашата кожа да биде млада и да сјае, потребно е да внесувате антиоксиданти како бета-каротен и витамин Ц, витамини како Б-комплекс, витамин Е (кој што им дава сјај на кожата и косата), витамин А, витамин К и омега-3 масни киселини и амино киселини. Сето тоа можете да го внесете преку консумирањето на брокули и да го подобрите изгледот на вашата кожа.

Како што можете да забележите, брокулите помагаат во борбата со многу болести. Но, овој долг список не завршува тука. Брокулите помагаат и за зацврстување на коските и заштита од остеопороза. Овој зеленчук е особено корисен за бремените жени и мајките кои што дојат.

Во никој случај не го избегнувајте овој зеленчук. Консумирајте го колку што можете почесто. Иако многу луѓе ги избегнуваат заради вкусот, брокулите можат да бидат многу вкусни ако се приготвени како што треба.

НАЈДОБРИОТ НАЧИН ДА ГИ ПОДГОТВИТЕ БРОКУЛИТЕ

Супа од брокули
Истражувањата покажуваат дека брокулите кои се готвени на пареа, содржат најмногу хранливи материи.
Истражувањата покажуваат дека брокулите кои се готвени на пареа, содржат најмногу хранливи материи. Овој начин на готвење е најздрав. Но, ако решите да ги пржите брокулите, треба да внимавате какво масло користите, за да не изгубите дел од хранливата вредност на овој толку здрав зеленчук.

Истражување објавено во Journal of Food Science, покажува како различните масла за готвење влијаат врз хранливата вредност на брокулите. За целта на истражувањето, брокулите се пржени малку подолго од 3 минути во различни масла: рафинирано маслиново масло, екстра девствено маслиново масло, масло од кикиритки, масло од соја и сончогледово масло.

Потоа хранливиот состав на брокулите е спореден со составот на суровите брокули.

Резултатите покажале дека маслото од кикиритки помага да се запазат полифенолите во составот на брокулите, а екстра девственото маслиново масло и сончогледовото масло помагаат да се задржи витаминот Ц. Готвењето со различни масла не го менува присуството на минерали во брокулите. Затоа, за готвењето на брокулите најдобро е да користите екстра девствено маслиново масло или масло од кикиритки.

За да ја зголемите активноста на супстанциите во брокулите, кои се борат против канцерогени заболувања, потребно е да ги исечкате брокулите на помали парчиња, да ги попрскате со сок од лимон и да ги оставите да постојат така 5 минути пред готвење.

Брокулите се растение од фамилијата на зелки, чии цветови се консумираат како зеленчук. Самиот збор брокула доаѓа од италијанскиот збор „broccoli“ што значи „цветен врв на зелката“.
Цветовите на брокулата се зелени и ги држи стебленце кое исто така се консумира. По својот изглед, брокулата е доста слична со карфиолот. Започнала да се одгледува на Медитеранот уште во 6-тиот век п.н.е. Во времето на Римската империја, брокулата се сметала за посебен и уникатен тип на зеленчук.
Овој плод е полн со витамин Ц, како и диететски влакна. Има моќно анти-канцер делување. На пример, брокулата го намалува количеството на сулфарофан (канцерогена состојка) за 20-30% после само 5 минути и за цели 77% по половина час. Таа има највисоки количини на каротеноиди во целата фамилија на која ѝ припаѓа. Богата е и со лутеин, а содржи и умерени количини на бета-каротен.
Постојат три основи вида на брокула. Најпозната е „калабрезе“, која ја има и на нашите пазари и во нашите продавници. „Sprouting“ брокулата има поголем број на цветови со тенки стебленца, додека „виолетовата“ брокула повеќе личи на карфиол и се продава главно во Италија, Шпанија и Британија.

Лична карта
Во 100 гр плод на брокула има 34 калории, што е 2% од дневната препорачана количина (ПДК), 2.8 гр протеини (6% од ПДК), 6.6 грама јаглехидрати (2% од ПДК), 0.4 гр. масти (1% од ДПК) и не содржи холестерол.

Брокулите може да се најдат свежи и замрзнати. Најдобро е кога се свежи и при тоа се користат како состојка во салати, супи, чорби или гарнир кон јадења од месо. Печени брокули се еден од најчесто користените рецепти. Често знае да бидат дел од оредевери, а се смета и за мошне популарен сиров зеленчук. Се приготвува со техники на варење, пржење во масло и варење на пареа.

Интересни факти
● во Италија постои пица од брокули;
● на азискиот континент брокулите се додаваат кон нудлс, супи и јадења од месо;
● брокулата не сака топло време. Најмногу успева на температура од 18-23 степени.

ne ja bgiva za salata be,.ic ne e vkusan,