Еволуција

Десет начини на кои луѓето во иднина би можеле да еволуираат

Еволуцијата е неизбежен процес на промени во текот на времето. Екипата на Alltime10s издвои неколку начини според кои луѓето би можеле да еволуираат во иднина.

10. Луѓето ќе бидат повисоки

Научниците сметаат дека луѓето ќе бидат повисоки поради подобрената исхрана во детството. Доказ за тоа е што во последните 150 години просечната висина на луѓето кои живеат во развиените земји е зголемена за 10 сантиметри.

9. Селективно слушање

Мозокот одбира што ќе слуша кога сте во просторија преполна со гласна музика и врева. Тоа кај луѓето може да прерасне во избегнување на стресот со блокирање на ушите, исто како што ги затвораме очите.

8.Пониски жени

Според резултатите од едно истражување на Јејл, во иднина жените ќе стануваат сè пониски. Студијата покажала дека пониските жени тежнеат да имаат повеќе деца, пренесувајќи ги овие карактеристики на идните генерации.

7. Помалку влакна

Според еволуцијата, луѓето сè помалку ќе имаат влакна на телото. Но, и според модерниот начин на живеење, луѓето ќе продолжат да ги отстрануваат влакната од телото.

6. Поголеми очи

Очите ќе станат поголеми за да се прилагодат за заштита од космичките зрачења, ќе пораснат поради обидите на луѓето да колонизираат други планети со што и видот ќе се промени.

5. Поделба на подвидови

Човештвото ќе се подели на 2 подвида – високи и интелигентни и ниски и глупави луѓе. Како што луѓето ќе се мешаат со сличните на себе, така ќе се формира елитна и пониска класа.

4. Помал мозок

Мозокот ќе се намали и ќе стане поефикасен. Во последните 200.000 години мозокот се намалува, сега просечно неговата големина е како тениско топче.

3. Мускулна атрофија

Нашата поврзаност со технологијата ќе предизвика мускулите да слабеат кај идните генерации. Исто така, патувањето во вселената ќе предизвика намалена мускулна маса кај луѓето.

2. Нема да постојат раси

Зголемената глобализација ќе доведе до мешани бракови од различни раси, додека расните разлики ќе исчезнат и сите ќе имаат иста боја на кожата.

1. Електронска бесмртност

Клонирањето, генетското подобрување и нанотехнологијата ќе им овозможат на луѓето можност да живеат вечно. Со скенирање на секој атом во мозокот луѓето ќе можат меморијата да ја пренесат во компјутери/роботи.

http://kajgana.com/deset-nachini-na-koi-lugjeto-vo-idnina-bi-mozhele-da-evoluiraat