ЦВЕКЛО

Цвеклото е растение богато со витамини и минерали. Отсекогаш се одгледувало на овие простории, но сепак за добар квалитет и производство потребна е примена на агротехнички мерки. Тоа е двегодишно растение кое има релативно кратка вегетација. Цвеклото е растение од ладните региони и семето почнува на 'рти при температура од 5 Целзиусови степени, додека на температура од 10 Целзиусови степени никнува за 10 дена. Младите растенија поднесуваат температури од минус 3 до минус 4 степени. Тоа може да поднесе кратки мразеви од -2 до -4 степени. Оптималната температура за раст и развој е 15-23 степени, температури под 10 и над 30 степени го забавуваат растот.
Цвеклото бара многу светлина и поради тоа не се препорачува да сеодгледува меѓу посев. Водата во првите фази на развојот е потребна, а во подоцнежните фази потребите за вода се умерени. Тоа треба да се наводнува во летниот период од јуни до август кога посевот има добро развиена лисна маса.



Обработката на почвата е многу важна за да може задебелениот корен на цвеклото добро да се развие оттаму и затоа треба да се направи растресит длабок ораничен слој на почва. Длабочината на орањето за цвеклото треба да биде 30 сантиметри. Основната обработка на почвата се изведува уште наесен со претходниот посев и тоа на длабочина од 10 до 20 сантиметри. Потоа пред сеидбата се врши комплексна почвена обработка со тањирање, браносување, фрезирање, а на помали површини култивирање и во претсеидбената подготовка на почвата се внесуваат и ѓубрива.

За разлика од другите зеленчукови култури, цвеклото најдобро го искористува фосфорот. Најдобри резултати дава во сооднос 50-10 кг/ха азот, 100 кг/ха фосфор и 100-150 кг/ха калиум. Одлични резултати се добиваат и со апликација на арско ѓубре во количество од 40 тони на хектар. Сеењето се изведува директно од семе кое за побрзо никнување се потопува во млака вода со температура 22-23 степени во траење од 2 дена. Потоа семето се суши и се сее. Тоа може да се третира со биостимулатори и да се дезинфицира. Цвеклото се сее со меѓуредово растојание од 45 до 50 сантиметри, а во редот 10-15 см.

Проредувањето на растенијата се врши машински, но доколку посевот не е густ, тоа може да се направи во подоцните фази од 40. до 50. ден со пробна берба. Меѓуредовата обработка може да се врши по секоја берба, по секое наводнување или појак дожд. Длабочината на обработката треба да биде од 3 до 5 сантиметри.

Бербата може да биде рачна и машинска. Доколку цвеклото се чува, треба да се планира да се остават лисни дршки во должина од 2 сантиметри. При услови на чување со влажност од 96 до 100% и температура близу 0 Целзиусови степени тоа може да се чува до 5 месеци, а во контролирани услови со контролирана вентилација и до 8 месеци.

http://www.ffrm.org.mk/index.php?option=com_content&view=article&id=1060:cvekloto-najdobar-iskoristuvach-na-fosforot&catid=54:gradinarstvo&Itemid=134

go biva za meze koa nema nisto dru go/

Ајде и јас да ви пишам еден прекрасен рецепт за салата, која е превкусна, освежува и изгледа убаво розева
-Два или три пилешки стека
-250 гр.варен ориз
-тегла цвекло
-тегла мајонез
-две лажички сенф, бибер и сол по вкус

Варениот стек се сецка со нож, се додава сецканото цвекло од тегла(претходно исцедено), потоа се додава варениот ориз, мајонезот и сенфот, се посолува и забиберува и БОН АПЕТИТ

"Izgleda" vkusno , bash ke probam ...

ubava e salatata ja imam probano

daj nesto drugo da se proba ne samo cveklo ,aj vidi kolku e dobar morkovot ,ne stapot