Форум Мелница
Would you like to react to this message? Create an account in a few clicks or log in to continue.

VOLSEBNA HRANA

Go down

VOLSEBNA HRANA Empty VOLSEBNA HRANA

Пишување by Bosonoga Чет Сеп 20 2018, 12:02

10 видови храна за кои се верувало дека се волшебни

Амарант
Пред 500 години, Ацтеките верувале дека амарантот има натприродни моќи. Не само што бил дел од секојдневната исхрана, туку го употребувале и во многу религиски ритуали. Користејќи мед, а понекогаш и човечка крв, Ацтеките правеле паста од зрната и со неа правеле статуи од нивните богови. За време на церемониите, статуата била разделувана помеѓу членовите на племето. Наводно, оваа паста се употребувала и за штитови, стрели и лакови кои им се давале на новородените момчиња со цел да се симболизира нивната машка одговорност. Кога Шпанците нападнале во 1519-та година, одгледувањето на амарантот било забрането, заедно со религијата на Ацтеките.

Артичока
10 видови храна за кои се верувало дека се волшебни

Артичоките се спомнуваат уште во грчката митологија. Синара била убава девојка која го сретнала Зевс. Тој ја земал на Олимп и ја направил божица. Еден викенд Синара избегала и отишла дома да ја посети мајка ѝ. Зевс толку многу се разгневил што ја избркал од Олимп и ја претворил во артичока.

Римјаните од првиот век верувале дека делови од артичоката ја лекуваат ќелавоста и помагаат во зачнувањето машко дете. Се верувало и дека артичоките се афродизијак. Па, на жените им биле забранети поради нивната сексуална моќ.

Лук
10 видови храна за кои се верувало дека се волшебни

Постојат барем две приказни за појавата на лукот во Европа. Според едната, лукот прв пат се појавил на континентот во 13-тиот век кога Марко Поло го донел од Кина. Оттаму Британците создале традиција според која закачувале лук на вратите за да се заштитат од зли духови. Но според друга приказна, лукот пристигнал во Европа пред Марко Поло. Во оваа верзија, древните Римјани употребувале лук во исхраната бидејќи мислеле дека ќе им даде сила. Го употребувале и за воспалено грло и за изгореници од сонце.

Краставици
10 видови храна за кои се верувало дека се волшебни

Краставиците потекнуваат од Индија и се одгледуваат околу 3.000 години. Една од најнеочекуваните примени на краставицата потекнува од Римската империја. Наводно овој зеленчук ја подобрувал плодноста. Па, жените ги носеле околу половината и ги ваделе откако ќе се родело бебето. Во древен Рим краставиците се користеле против глувци, за лош вид и за убоди од скорпии.

Кромид
10 видови храна за кои се верувало дека се волшебни

Знаевте ли дека кромидот е претставен на многу стари египетски уметнички дела? Овој зеленчук бил сликан заедно со пирамидите и олтарите на одредени богови. Египќаните го поврзувале кромидот со вечниот живот поради концентричните слоеви и со него ги закопувале фараоните. Исто така бил пронајден кромид во многу мумии. Според експертите, се верувало дека кромидот може да ги врати мртвите. Други сметаат дека поради антисептичките својства кои ги гледале каков волшебни, кромидот бил корисен и во задгробниот живот.
Bosonoga
Bosonoga

Број на мислења : 980
Join date : 2017-03-15

Вратете се на почетокот Go down

VOLSEBNA HRANA Empty Re: VOLSEBNA HRANA

Пишување by Bosonoga Чет Сеп 20 2018, 12:04

Јаболка
10 видови храна за кои се верувало дека се волшебни

Верувањето дека јаболката ги лечат сите болести, или барем ќе ве заштитат од нив, постои со векови. Но јаболкото е симбол што се појавува уште во грчката митологија. Според ирскиот фолклор, хероите јаделе јаболка за да останат млади и силни. Во кинеската култура јаболкото се подарувало во знак на мир. Ова овошје претставува и љубов. На Балканот постоело верување дека ако девојка прифатела јаболко од маж, тогаш била верена за него. Во некои италијански култури, кога мажот е вљубен во некоја девојка ѝ подарува јаболко за да ја покаже неговата љубов.

Пченка
10 видови храна за кои се верувало дека се волшебни

За Ацтеките пченката била многу повеќе од храна. Тие верувале дека процесот на одгледување и берење е синхронизиран со кругот на животот – раѓање, растење и смрт. Дури имале и три женски божества на пченката кои го претставувале секој циклус. Ги обожувале и им се заблагодарувале во текот на целиот процес на одгледување и берење на пченката.

Копар
10 видови храна за кои се верувало дека се волшебни

Копарот е тревка што се наоѓа во многу градини. Но порано се верувало дека може да донесе љубов и среќа. Во Германија и Белгија се закачувале венци од копар на венчаницата на невестата.

Оваа тревка има и темна страна. Европските свештеници верувале дека копарот предизвикува неплодност и дека има моќ да ги отстрани машките демони кои ги демнеле жените. Копарот го користеле и вештерките. Многу верувале дека пиењето чаша вода со копар може да ве ослободи од некоја магија. Но други верувале дека вештерките користеле копар во нивните напивки и магии.

Смоква
10 видови храна за кои се верувало дека се волшебни

Смоквите се појавуваат уште во Библијата и се сметале за духовна храна. Жените од едно племе во Африка се покривале со гранки од смоква за да ја зголемат нивната плодност. Во Боливија пак се верувало дека злите духови живеат на дрвјата смоква и дека минувањето под нив може да предизвика болест. Во Папуа Нова Гвинеја смоквите предизвикуваат страв бидејќи се верува дека се опседнати со зли духови кои излегуваат кога ќе се отвори овошјето.

Афион
10 видови храна за кои се верувало дека се волшебни

Во древна Грција афионот го претставувал богот на спиењето, Хипнос, и се верувало дека помага во спиењето. Се верува и дека афионот бил поврзуван со Хад претставувајќи го вечниот сон на смртта.

Во Средниот Век младите жени фрлале торта со афион надвор и чекале да ја фати куче. Насоката од која доаѓало кучето е насоката од која ќе се појавела нивната вистинска љубов. Афионот бил поврзуван и со неплодноста. На пример, семките афион во чевлите на невестата може да резултираат со неплодност.

https://www.kafepauza.mk/zanimlivosti/10-vidovi-hrana-za-koi-se-veruvalo-deka-se-volshebni/
Bosonoga
Bosonoga

Број на мислења : 980
Join date : 2017-03-15

Вратете се на почетокот Go down

Вратете се на почетокот

- Similar topics

 
Permissions in this forum:
Не можете да одговарате на темите во форумот