МАМУРНИ СЕ БУДИТЕ ,А НЕ СТЕ ПИЕЛЕ АЛКОХОЛ,ЗОШТО

Зошто се будите „мамурни“, а не сте пиеле алкохол?
20. ЈУЛИ 2017 - 18:48 | А.С.

Ако наутро се будите уморни и „мамурни“ иако не сте се напиле капка алкохол претходната вечер, тоа значи дека телото ве предупредува дека нешто треба да смените во начинот на живот.
Причината за ваквата состојба на телото е: неправилна исхрана.

Ако јадете храна што е тешка за варење, мрсна, солена или презачинета храна, ако внесувате премногу шеќери, вашето тело ќе почне да се „буни“, а еден од симптомите е токму тој „мамурлак’ што во случајов е поврзан со храна, а не со алкохол.

Сигналите дека мора нешто итно да смените во начинот на исхрана се: утринско гадење, главоболка, чувство на подуеност, недостиг на енергија, проблеми со концентрација во претпладневните часови.

„Многу луѓе редовно патат од ваков ‘мамурлак’ е предизвикан од неправилна исхрана, бидејќи јадат храна што е тешка за варење и повеќето оброци им се сконцентрирани во вториот дел од денот, наместо да се распределени во текот на целиот ден“, вели нутриционистката Трејси Страдвик.