Zagaduvanje

Од денеска забрана за возила на Водно за викенди и бесплатни автобуси – ова е возниот ред

Почнувајќи од денеска, секој викенд и државен празник од 9 до 16 часот, ќе биде забрането движење на моторни возила на патот до Средно Водно. Градоначалникот на Скопје Петре Шилегов изјави дека целта на оваа забрана е да се заштитат природните убавини и просторот за рекреација на Водно.

Забраната ќе важи во еден правец, од клучката за Сопиште до Средно Водно и од паркингот кај манастирот „Свети Пантелејмон“ до Средно Водно. Оваа забрана не се однесува на автобусите на ЈСП Скопје, возилата на полицијата, противпожарната бригада, итната медицинска помош, возилата на штабовите за итни интервенции, како и на возилата со посебни одобренија.

Ќе биде обезбеден бесплатен автобуски превоз и бесплатен паркинг за граѓаните кои ќе се рекреираат на  Водно. Со цел да им се излезе во пресрет во граѓаните кои се рекреираат на Водно, градските власти од денеска воведуваат бесплатен превоз на патници на автобуската линија број 25 (Транспортен Центар – Средно Водно) и бесплатни пробни линии 25 А (Авто Македонија – Средно Водно) и 25Б (Цветен Пазар – Средно Водно) за време на викенд (сабота и недела) и државен празник.

Се предвидува и бесплатно паркирање во катната гаража „Македонска фаланга“ и паркингот „Дом на печат“ за граѓаните кои имаат намера да ја посетат парк-шумата Водно, движејќи се пеш или користејќи го бесплатниот превоз на автобуска линија бр.25 и пробните линии бр.25А и 25Б.

Ова е предвидено во Одлуката за утврдување краткорочни мерки за намалување на загадувањето на амбиентниот воздух на подрачјето на Скопје што ја донесе Советот на Град Скопје на својата втора седница, што се одржа на 20 овој месец.

Со одлуката се предвудува во услови на надминување на праговите на алармирање на загадувачките супстанции во амбиентниот воздух на подрачјето на Скопје, превозот на сите линии во јавниот градски и приградски превоз да се врши бесплатно. Градоначалникот Петре Шилегов со  решение ќе го утврдува времетраењето, односно почетокот и завршувањето на бесплатниот превоз.

Средствата за спроведување на оваа мерка на ЈСП „Скопје“ и ЈП „Градски паркинг“ ќе им бидат надоместени од буџетот на Град Скопје.

Пробната линија бр. 25A ќе се движи на релација Автомакедонија (Стара железничка станица) – Средно Водно, по следната траса: бул. „Св. Кирил и Методиј“; бул. „Мајка Тереза“ и обратно. Пробната линија бр. 25A, за време на викендите и државните празници ќе функционира по следниов возен ред:

Автомакедонија (Стара железничка станица) Средно Водно
09:00 09:40
09:40 10:20
10:20 11:00
11:00 11:40
11:40 12:20
12:20 13:00
13:00 13:40
13:40 14:20
14:20 15:00
Пробната линија бр. 25 Б ќе се движи на релација Дом на печат – Средно Водно, по следната траса: бул. „Св. Кирил и Методиј“; бул. „Мајка Тереза“ и обратно. Пробната линија бр. 25Б, за време на викендите и државните празници ќе функционира по следниов возен ред:

Дом на печат Средно Водно
 09:20 10:00
10:00 10:40
10:40 11:20
11:20 12:00
12:00 12:40
12:40 13:20
13:20 14:00
14:00 14:40
14:40 15:20
Покрај 2. (двете) нови пробни автобуски линии, граѓаните ќе можат непречено да ја користат и постојната автобуска линија – линијата со број 25 до Средно Водно.

Возењето на овие три автобуски линии (25, 25А и 25Б) на почетокот ќе биде бесплатно.

http://www.libertas.mk/od-deneska-zabrana-za-vozila-na-vodno-za-vikendi-i-besplatni-avtobusi-ova-e-vozniot-red/

Bosonoga напиша:Ke pies nafta.