АКНИ НА ГРБОТ И ТЕЛОТО

Go down

АКНИ НА ГРБОТ И ТЕЛОТО  Empty АКНИ НА ГРБОТ И ТЕЛОТО

Пишување by osa on Вто Апр 02, 2019 9:50 pm

8 изненадувачки причини зошто имате акни на грбот

Акните сами по себе се фрустрирачка појава, без разлика на кој дел од телото и да се појават. Особено нервираат оние на грбот.

Овие акни може да се појават и по пубертетот и се многу потешки за третирање за разлика од оние на лицето.

Но, дали некогаш сте се запрашале зошто имате акни, иако мислите дека не правите ништо погрешно?

Има осум главни причини за тоа:
1. Кожата е склона на акни
Некои луѓе, за жал, доживотно се склони кон акни, поради зголемено лачење масла, насобирање на мртви клетки или бактериски инфекции.

Кожата на грбот всушност е тенка и нежна и лесно може да се затнат порите. Исто така, горниот дел на телото има повеќе лојни жлезди, со што се зголемува и потенцијалот за затнување на порите.

2. Производите за нега на коса
Козметиката за коса може да биде причинител за појавата на акните, особено регенераторот. Ако не се измиете добро, регенераторот може да ги затне порите, особено ако е со поголем процент на масла во него. Бидете секогаш сигурни дека добро сте се исплакнале.

8-iznenaduvachki-prichini-zoshto-imate-akni-na-grbot-02.jpg

3. Нетемелно туширање по тренинг
Без разлика што и да тренирате, потта и допирот со честички од облеката исто така ги полни порите со нечистотии.

По тренинг треба добро да се истуширате, па дури и да направите пилинг на целото тело еднаш неделно.

4. Не ја перете редовно спортската опрема
Можеби не се испотивте многу и заклучивте дека можете да ја носите истата маичка и следниот тренинг? Ова е лоша одлука од повеќе аспекти, бидејќи телото сепак излачило одредена количина на пот, која пак е полна со токсини.

Повторното облекување врз чиста кожа може само да создаде проблеми. Секогаш имајте повеќе маички за вежбање, за да ги избегнете овие ситуации.

5. Тесна облека или тежок ранец
Тесната облека и тешките ранци имаат едно заедничко нешто - се лепат за вашата кожа и ја тријат, а тоа може да предизвика најразлични проблеми со кожата, меѓу кои и акни.

Акни може да се појават и на местата каде стојат прерамките од градниците кај девојките. Решете го проблемот со тоа што ќе носите облека од природни материјали која не е залепена за вас, доколку за тоа нема потреба.

8-iznenaduvachki-prichini-zoshto-imate-akni-na-grbot-03.jpg

6. Кремите со заштитен фактор
Тие се ваш најдобар сојузник против УВ-зрачењата, но само доколку го изберете вистинскиот производ.

Имајте на ум дека кремите со заштитен фактор имаат потешка структура која лесно ги затнува порите. Изберете производ кој е специјално формулиран за кожа склона кон акни.

7. Јадете премногу млечни производи и јаглехидрати
Спротивно на популарното верување дека мастите создаваат акни, всушност поголеми виновници се млекото и јаглехидаратите, односно храната со висок гликемиски индекс.

Тука спаѓаат и белиот леб, чипсовите, компирите и сите индустриски произведени десерти.

За млекото и неговата поврзаност со појава на акни постојат одредени сознанија, но тоа поле сè уште се истражува.

8. Хормонален дисбаланс
Хормоните и нивниот нарушен баланс се причинители на многу заболувања и нарушувања. Зголеменото ниво на тестостерон е една од причините, како и намалениот естроген.

Токму поради тоа и кај жените се појавуваат повеќе акни неколку денови пред почетокот на менструалниот циклус, бидејќи во тој период естрогенот е благо опаднат.


_________________
Кога некој премногу паметно зборува,
малкумина го разбираат


верувај во владата ,со неа одиме кон светла иднина
osa
osa

Број на мислења : 14644
Join date : 2015-01-11

Преглед на профилот на членот

Вратете се на почетокот Go down

Вратете се на почетокот


 
Permissions in this forum:
Не можете да одговарате на темите во форумот