ЛЕВИЦАА

Сите што човековите права на Македонците ги ставаат пред слугувањето на НАТО и зачленувањето во ЕУ кое можеби нема никогаш да дојде се прогласуваат за проруски настроени. Тоа само докажува дека обидот за бришење на македонскиот народ доаѓа од спротивната страна, од евроатлантската меѓународна банда и ништо повеќе. Левица е против сите воени сојузи. И на пример за воскреснување на Варшавскиот пакт.
За жал во последните децении, кога САД беше единствен светски џандар, се повеќе се исфрлаше Организацијата на обединетите нации од одлучувањето за мир во светот. Во Македонија немаше инфлациија кога имавме војна на нашата граница и во нашите граници (двете војни беа плод на САД), а има сега кога војната е далеку од нас. Да повторам и дека ние не добивавме оружје на подарок кога не нападна Косово (каде тогаш немаше локална власт туку беа под директна управа на КФОР). Дури при крајот на војната бевме нападнати од Косовскиот заштитен корпус, чии припадници беа на платен список на западната косовска управа. Во врска со Украина не го поддржувам ни односот на Украина по портокаловата револуција и инсталирањето на марионетска прозападна власт кон Русите кои како малцинство живеат таму, ни нападот на Русија врз деловите од Украина кај што нема Руси. Како може да поддржам кога во театарот во Одеса украинските фашисти живи запалија десетина Руси со зградата ви комплет. За тој настан немаше одглас во светот. Исто беше и кога муслиманите во Сребреница масакрираа неколку стотици Срби кои никој не ги спомнува. Јас секогаш гледам во стилот на драмата на Дејан Дуковски - М.М.Е. кој прв почна. Тој е причина и главен виновник. Другото е последица.