MISIRKI

Мисирка (науч. Meleagris) — род големи птици со потекло од Америка. Опфаќа два вида: еден е дивата мисирка (Meleagris gallopavo) од шумите на Мексико и САД, подоцна припитомена во облик на домашната мисирка, а другиот е пауновата мисирка (Meleagris ocellata) со потекло од шумите на полуостровот Јукатан.[1] Мажјаците имаат забележлива месеста брадичка или израсток виснат од клунот. Како и многу други кокошковидни птици, мажјакот е поголем и многу пошарен од женката.

Родот му припаѓа на семејството на фазаните (Phasianidae) и е сместен во сопствено потсемејство мисирки (Meleagridinae) од редот на кокошковидните (Galliformes).[2]