Расчистување на 27 априлските настани

Андреј Мицов (22), Никола Војминовски (39), Александар Јаневски – Тошта (57), Коста Делов (26) и Стојан Павлески – Кобра (51) се уапсените по наредба на Основното јавното обвинителство – Скопје за крвничкиот напад на Зијадин Села, дознава НОВА ТВ од извори од истрагата.

По пријава на граѓанин полицијата го пронашла и привела еден од тројцата осомничени за насилните протести во Собрание на 27. април. Приведен е Оливер Ошавковски, лицето кое на фотографијата што ја објави МВР е со качкет на главата. Информацијата за НОВА ТВ ја потврдија соседи на Ошавковски во Хром, кои велат дека пред триесетина минути во неговиот дом пристигнале полициски Алфи и го однеле во полициска станица.

„Ние сочувствуваме и жестоко ги осудивме повредувањата на пратениците на 27 април, но не сметаме дека нивните рани повеќе болат од раните на оние лица чии сторители наскоро ќе бидат ослободени со Законот за амнестија веднаш по изборите. Уште помалку цениме дека делата за кои се товарат овие лица се поважни од животите на убиените млади лица кај Смилковското Езеро, и редица други повреди сторени од лица кои веќе се наоѓаат на слобода или наскоро ќе се најдат на слобода со политички договор помеѓу коалициските партнери на власта или со политичка одлука или интервенција на СДС“, се додава во соопштението.

nino напиша:амнестијата треба да е резервирана за дпмне-овци што газат и претепуваат луѓе

SHARENI напиша:aman bre trendafile ne se brukaj ,mnogu e glupo

Според засега непотврдени информации на „СУДСТВО.МК“, од утре, во Јавното обвинителство ќе започне распит на пратениците од опозицијата чии што имиња се споменуваа како помагачи на толпата која што на 27. април, оваа година, влезе во Собранието на РМ со намера да се пресмета со тогашната опозиција.

Нашите сознанија велат дека во текот на утрешниот ден, на распит, пред Јавен обвинител, ќе се појават пратениците Крсто Мукоски од Вевчани и Сашо Василевски од Охрид, односно лицата за кои безбедносните, но и телевиските камери покажаа дека стојат зад отворањето на вратите на Собранието со што толпата имаше непречено движење се до салата каде пратениците со кои тие планираа физички да се пресметаат. Според истите сознаниија следните неколку дена ќе бидат распрашани и другите пратеници за кои беше кажано дека со преупатување и помогнале на толпата полесно да се снајде во Собранието.

На листата на „помагачи“ се најдоа пратениците на опозициската ВРМО-ДПМНЕ: Јохан Тарчуловски, кој во меѓувреме стана кандидат за градоначаник, Жаклина Пешевска, Љупчо Димовски, Љубен Арнаудов, Трајко Велјаноски и веќе споменатите Крсто Мукоски и Сашо Василевски. Всушност, имињата на овие пратеници прв, на својот фејсбук профил, кратко време по вандализмот, ги посочи потпретседателот на СДСМ, Мухамед Зекири, но токму Мукоски беше тој кој што ја негираше неговата инволвираност во бруталните случувања. „ Јас не сум ја отворил вратата на парламентот. Точно е дека бев во ходникот, дали е тоа забрането? Јас имам право да се движам слободно насекаде низ Собранието. Ја видов снимката и не гледам од каде е изведен заклучок дека јас сум ја отворил вратата. Се е шпекулација. Истрагата ќе покаже кој го сторил тоа“, изјави Мукоски за медиумите кои, пак, ги презентираа снимките од безбедносните камери, а кои го покажуваат токму спротивното, односно дека тој и Василевски ги отстрануваат металните држачи кои ги блокираат вратите, по што толпата влегува во Собранието. На 30. април 15 лица беа осомничени за сторени кривични дела: учество во толпа што ќе спречи службено лице во вршење на службено дејствие и за учество во толпа што ќе изврши кривично дело. Во меѓувреме, многу од насилниците се најдоа зад решетки со обвиненија за обид за убиство, а еден од обвинетите веќе е осуден на четири години затвор.