Bonsai

Во последно време, за себе, но и за наши блиски купуваме поклон – мало дрвце- бонсаи.

Што всушност значи бонсаи? Во превод значи сад дрво - “pot tree”. Дрво приспособено да живее во мал сад.

Тоа исто дрво си ги има истите негови еколошки карактеристики, со тоа што само на еден начин е структуирано (оформено) да има ссодветен однос помеѓу крошна-стебло-корен. Тоа е еден вид уметност, наша креација, нашата идеја претставена на самото дрво.

Може да има различна форма: каскадна, полукаскадна, формална. Кај нас што се среќаваат бонсаи од различни видови, како на пример: Serissa, Ligustrum. Zelkova. Carmona. Ficus ginseng. Сите се овие егзотии (Zelkova ја има во Македонија) и затоа се видови кои се чуваат внатре, особено во зимските ладни денови. Во текот на летото, истите може да се изнесат надвор, само да се пази да не бидат изложени на сонце, односно мораат да бидат под засена.



Како и за секое растение, така и за бонсаи-то, треба да посветиме макар и 5 минути од нашето време. Особено за полевањето, тие се засадени во мали садови, што значи почвата бргу се суши. Затоа е потребно секојдневно полевање (освен за Ficus ginseng) и најсигурен начин дека добро се напила почвата е со потопување на саксијата во една кофа вода. Нека поминат неколку секунди, исцедете и вратете го на местото каде што ви стои. Како времето заладува, така и честотата на полевање ќе биде помала.



Секое бонсаи си има некоја претходно зададена форма во надземниот дел (крошната). Нормално, при растот тие ќе ја изгубат својата форма односно ќе прераснат. Затоа е потребно и самото наше око ќе го забележи истото, со ножици да се скратат сите оние гранки кои се непотребни. Секое кроење е поволно, со тоа ја намалувате транспирацијата и му давате форма и насоки на раст. Слободно опуштете се при кроењето, не можете да згрешите. Секое бонсаи треба да има лице, односно предна страна која всушност ни го дефинира изгледот на бонсаи-то.

Не е тешко да се чува бонсаи. Да не заборавиме дека бонсаи-то е дел од традицијата кај Јапонците и Кинезите.

http://gradina.mk/index.php?option=com_content&view=article&id=292:bonsai-odlgeduvanje-malo-drvo-rastenie-drvce-hortikultura&catid=123&Itemid=552

Бонсаи е уметност на естетска минијатура на дрвја по пат на нивно растење во садови. Бонсаи на јапонски значи „засадено во сад”. Може да се создаде речиси од секој вид дрво или грмушка.

Тоа се растенија што се закржлавени, но си ја задржале формата. Некои видови дрвја се попогодни за одгледување како бонсаи поради нивните природни карактеристики да имаат мали игли или листови. Целта на одгледување бонсаи е да се направи рамнотежа меѓу човекот и природата, а одгледувачите на бонсаи во себе ја негуваат креативноста и секоја година преку своите дрвја одново го доживуваат ритамот на природата и годишните времиња. Одгледувањето бонсаи бара многу трпение и внимание, а како награда за вложениот труд се добива внатрешна смиреност.



Обликувањето и смалувањето на дрвјата се постигнува со неколку основни, но прецизни техники. Минијатурноста на дрвото и на листовите се одржува со рамномерно кастрење на лисјата и на корењата. Тука се применуваат разни методи бидејќи секој вид дрво се напупува поинаку, Покрај тоа, извесни кастрења мора да се вршат сезонски бидејќи најмногу дрвја имаат период на мирување кога не растат корења и лисја; несоодветното кастрење може да го ослаби или уништи дрвото. Дрвјата соодветни за бонсаи се обликуваат со жица. Бакарна или алуминиумска жица се обвиткува околу гранките и стеблата држејќи ги гранките додека тие самите не се здрват, па потоа се отстранува жицата. Некои видови не се здрвенуваат многу или се веќе премногу крути за да бидат обликувани на тој начин. Во тој случај, обликувањето се врши главно со кастрење.

Постојат најразлични стилови на бонсаи, со тоа што извесни се почести од сите други. Oва се формалниот исправен, накривениот, неформaлниот исправен, каскадниот, полукаскадниот, сплав, литерати, и групен/шумски стил.

Во Македонија потенцијални бонсаи се зеленика, габер, бука, јасен и бор. Со помош на посебни техники на кастрење на крошната и на корењата и чување во мали саксии, тие растенија се одржуваат минијатурни во развојот.

Со стиловите и техниките на одгледување на бонсаи повеќе ќе ве запознаеме во некој од наредните прилози, а во меѓувреме уживајте во овие минијатурни уметнички дела на човекот и природата…









http://hortikultura.mk/bonsai-minijaturna-umetnost/