INDIJANKI

Домашни индијанки - највкусниот рецепт

Потребни состојки:

4 јајца
150 г шеќер
200 г брашно
1 печиво

Потребно за фил:

600 мл млеко
2 пудинга од ванила
125 г путер
1-2 лажички екстракт од ванила
150 г шеќер во прав

Белките ги матиме со миксер, и малку по малку го додаваме шеќерот. Матиме се додека да добиеме цврст шам. Ги додаваме една по една жолчките за сето време додека матиме со миксерот.

Потоа го додаваме брашното и печивото и нежно мешаме со лажица за да не се изгуби воздушноста.
Печеме на 200 степени во загреана рерна, околу 5 минути за да останат бели.

Уште додека се топли ги премачкуваме со филот и ги лепиме по две.
Со остатокот од филот ги украсуваме одозгора. За кафеавиот фил додаваме една лажичка какао.

Слаткарски индијанки

Состојки
5 јајца
150 гр шеќер
200 гр брашно
1 пециво
За фил
300 мл вода
1 ванилин шеќер
150 гр шеќер
300 мл вода
220 гр брашно
1 јајце
250 гр путер
200 гр шеќер во прав
2 лажици какао за темниот фил

Путерот го ставаме на собна температура да омекне. Најпрво го подготвуваме филот, за да може да ни се излади.

1. Водата, ванилата и шеќерот треба да вријат 1-2 минути. На страна ја мешаме втората доза на водата, шеќерот, јајцето и брашното, како за пудинг и ја истураме во смесата што врие. Најдобро е при мешањето и соединувањето, нели се вари како пудиг, да користиме миксер, за да не ни се направат грутки. Откако убаво ќе згусне го оставаме да се лади. Додека се лади го подготвуваме бисквитното тесто.

2. Се двојат белките од жолчките. Посебно се матат белките во цврст снег, а жолчките со шеќер се матат во густа светло жолта смеса. Двете смеси со шпатула се соединуваат постепено, со постепено додавање на брашното во кое сме го измешале пецивото. Се меша полека и многу внимателно за да ни остане смесата воздушеста.

3. На намрсено и набрашнето тавче или пак на хартија за печење со помош на шприц со кружен завршеток се формираат индијанките. Се ставаат да се печат на 200 степени во загреана рерна околу 15 минути.

4. Путерот го матиме пенасто заедно со шеќерот во прав. Го соединуваме со претходно направениот крем од брашно. Во една третина од вака подготвениот фил ставаме какао за украсување на индијанките.
Филуваме со шприц со декоративен завршеток.

Забелешка

Доколку немате ваков шприц (со кружен завршеток) можете и со помош на лажица да ги формирате индијанките. Не ставајте премногу, затоа што нараснуваат при печењето. Не се врзувајте за времето на печење, секоја рерна различно пече, орентационо е пишано.

Најдобро е да се остават барем еден ден пред конзумирање односно ако ги правите од вечер до утредента или пак веднаш ставете ги во сад со капак, во тој слушај побрзо ќе се поврзат вкусовите односно тестото со филот и ќе бидат меки.

Индијанки

Состојки
4 јајца
100гр. шекер
200гр. брашно
1 пециво
2 пудинзи од ванила
600мл. млеко
2 ванили
150гр, путер
50гр. чоколадо
50гр. шеќер

Прво се бијат белките во цврст снег и полека се додава шеќерот. Се продолжува со биење со миксерот и се додаваат жолчките една по една. На крај се додава брашното и пецивото.

Се прават форми со шприц и се печат на хартиа на 200 степени.

За филот се варат пудинзите со млекото, шеќерот и ванилата. Кога ќе се добие убава густина се лади филот и се додава маргаринот. Се филоваат додека се топли. Филот што ќе остани за декорирање за горе се дели на половина и во едната половина се става 50 гр.црно чоколадо.

Видео рецепт: Индијанки

Состојки
За ТЕСТО ќе ви треба:
2 јајца
75 гр. шеќер
100 гр. брашно
1/2 прашок за печиво
За ФИЛ ќе ви треба:
300 мл. млеко
1 пудинг од ванила
3 лажици шеќер
1 ванилин шеќер
125 гр. маргарин
75 гр. шеќер во прав
1 лажица какао

Подготовка

Чекор 1: Најпрво пригответе го филот. Измешајте го пудингот со млеко и шеќер. Ставете го остатокот од млекото во Касеролата и сварете го според упатството. Оставете го да се излади.

Чекор 2: Маргаринот матете го со шеќерот во прав сè додека не стане пенест, па соединете го со разладениот пудинг.

Чекор 3: Одделете ги белките од жолчките. Белките матете ги со шеќерот и кога убаво ќе се згуснат додавајте ги жолчките една по една. На крај додадете го брашното со прашокот за пециво. Добиената смеса измешајте ја со лажица и ставете ја во шприц.

Чекор 4: Формирајте ленти со големина по желба и печете ги на 200 степени 5 минути, треба да останат светли.

Чекор 5: Филувајте ги додека се уште топли. Во дел филот, додадете го какаото и декорирајте.

СОВЕТ: Овој рецепт е многу брз и лесен за подготовка, па е идеален кога ќе ви се најават гости, или кога одеднаш ќе ви се пријаде благо.