Soveti za spas od truenje so hrana

12 совети кои ќе ви помогнат да се спасите од труење со храна

Автор: Софија Спирова

Производителите на храна денес користат секакви адитиви и хемикалии за да ги „подобрат“ своите производи. Многу луѓе кои се грижат за своето здравје веруваат дека овие адитиви може да бидат дури и отровни. Во продолжение погледнете неколку совети кои ќе ви помогнат да се спасите од труење со храна.

1. Урда

Дали сакате вистинска урда? Тогаш треба да знаете дека некои производители ѝ додаваат скроб, а со ова ја менуваат нејзината структура.

Како да проверите: Додајте неколку капки јод на урдата и промешајте. Ако добие сина боја, тогаш станува збор за урда со слаб квалитет.

2. Млеко

Повеќето производители додаваат „нормализирано млеко“ на свежото. Нормализираното млеко е изменето за да има помалку маснотии или за да биде целосно обезмастено.

Како да проверите: Измешајте го млекото со чист алкохол во однос 1:2. Ако млекото е со добар квалитет ќе се појават дамки за 5-7 секунди. Ако е лажно, ќе биде потребно подолго време.

3. Кристализирано овошје

Кристализираното овошје е зовриено во пченкарен сируп, а потоа е сушено. Вистинското кристализирано овошје никогаш нема светла боја.

Како да проверите: Ставете го овошјето во топла вода. Ако ја изгуби бојата или се раствори, тогаш сте купиле нешто од желатин и боја за храна.

4. Путер

Некои видови путер содржат зеленчукови масла, како палмино масло, а ова ги прави маргарин.

Како да проверите: Ставете го путерот во зовриена вода. Би требало да се растопи и да направи слој на површината. Маргаринот само ќе се раздели на парчиња.

5. Бел ориз

Некои компании го заменуваат оризот со синтетичка смола и компири. Иако изгледа природно, вкусот не е ист.

Како да проверите: Земете една лажица ориз и запалете ја. Лажниот ориз ќе мириса на пластика и ќе испушта црн чад.

6. Кавијар

Кавијарот за многумина е луксуз, но сепак и кај него има лажни брендови. Лажниот кавијар е направен од морски алги и иако изгледа природно, не станува збор за тоа.

Како да проверите: Ставете малку кавијар во зовриена вода. Ако е висински, протеинот од него ќе направи бела пена. Вештачкиот само ќе се раствори.

7. Мед

Производителите на мед користат разни трикови за да ја зголемат неговата маса. Тие додаваат сè од скроб и варовник до брашно.

Како да проверите: Растворете една лажичка мед во вода, а потоа додајте неколку капки оцетна киселина. Ако мешавината почне да прави меури, медот има варовник. Брашното и скробот можете да ги забележите со додавање јод. Мешавината ќе добие темна боја.

8. Вино

Некои видови вина може да бидат лажни. Обично тие се направени од вино во прав.

Како да проверите: Во една лажица сода бикарбона ставете малку вино. Ако мешавината добие сина боја, тоа значи дека пиете вистинско вино. Во спротивно бојата нема да се промени.