Форум Мелница
Would you like to react to this message? Create an account in a few clicks or log in to continue.

Библија

Go down

Библија Empty Библија

Пишување by mickey18 on Вто Апр 14, 2020 11:38 pm

Библијата е книга која ги поразува генијалните умови и ги сведува да ја признаат нејзината мудрост, која со својата содржина ги пленува нивните срца и ги препородува за нов живот - исполнет со радост, мир и задоволство. Таа, исто така, ги просветлува умовите на простите и невештите во знаење и ги воздигнува со својата духовна содржина, над секоја човечка мудрост.

Кога таа се прифаќа со вера ги воздигнува моралните вредности на народите и поединците и ги менува мислите, срцата и чувствата, кои до мигот на прифаќањето на истата, се со грешни намери, спротивставени на нејзината волја.

Библијата може да ги направи злосторниците - чесни; самоправедните и себичните - понизни; неполезните во општеството - полезни; отпадниците со низок морал - морални. Библијата ја има таа моќ заради вдахновеноста на Светиот Дух во нејзината порака.

Од првата страна до последната Авторот на Библијата е Бог. Таа е пишувана од луѓе, кои живееле свето и верувале во Божјите откровенија, кои во текот на човечката историја ги прифатиле и запишале како сигурен доказ на Божјото постоење и Неговата совршена Мудрост. Библијата има 66 книги од кои Стариот Завет има 39, а новиот завет 27.

Главната тема на Библијата е доаѓањето на Исус Христос на земјата и Неговата жртва на Голгота. Се тоа сто е направено на Голгота - преку Неговата смрт на крст - е за да го откупи грешното човештво од неговите гревови и да му овозможи преку вера во Божјиот Син, да постигне вечен живот.

Зашто Бог толку го возљуби светот, што Го даде Својот Единороден Син, та секој, кој верува во Него, да не загине, туку да има вечен живот (Јован 3:16).
Спасението што го дава Бог е врз основа на Неговата неискажана љубов и милост кон човештвото.

Зашто по благодет сте спасени, преку верата, и тоа не е од вас самите - тоа е Божји дар! (Ефесијаните 2:Cool
Читајте ја Библијата внимателно и со размислување и живејте според нејзините духовни пораки, а Бог е Оној Кој ќе го заврши започнатото дело во вас. Нему слава, чест и власт од сега и довека. Амин!

mickey18

Број на мислења : 6
Join date : 2020-04-14

Вратете се на почетокот Go down

Вратете се на почетокот


 
Permissions in this forum:
Не можете да одговарате на темите во форумот