БРОЈ 17 КАКО МАЛЕР

трендафил напиша:Колку што ми е познато единствен обид за воведување диктатура во Македонија имаше на 24 декември 2012 година, кога СДСМ со логистичка подршка на соросоидите сакаше да го превземе Собранието со сила

Аванти, Николо Мрсулини!

Професорот Денко Малески ни ги подотвори очите, потсетувајќи дека идејата за воведување некаков бонус за добитничката партија, за таа да може уште поцврсто да вледее, всушност, е идеја на Бенито Мусолини, кој ја афирмира на изборите во 1924 година и со тоа си обезбедува дваесетгодишна диктатура во Италија, која завршува неславно.

Интересно е дека ова на е единствениот проект што покажува драматично совпаѓање на идеолошкиоте матрици на Мусолини и нашиот Дуче. На пример, познато е дека Мусолини покренал големи градежни програми, во надеж дека така ќе се бори против рецесијата и невработеноста. Нешто слично на нашиот проект „Скопје 2014“. Мусолини основал околу 5.000 нови фарми и цели фармерски гратчиња, од кои едно, на Сардинија, го добило името Мусолинија. За да се поткрепи производството, наметнал големи државни давачки, за сопствениците на фармите да добиваат големи субвенции. Слично како што нашиот Николо Мрсулини од Велија Рамковски го украде проектот за земјоделските субвенции, па го претвори во проект за изборна корупција и поткуп на својата партиска фаланга.

Проектите на Мусолини, заедно со неговиот мега-проект од 1928 година наречен „Битка за земја“, завршуваат катастрофално, со огромни долгови на државата. Во економијата нема бесплатен ручек, нема алхемија. Италија од економскиот крах се „спаси“ со новата светска војна, а Мусолини со куршум на стрелање. Не знам како ќе се извлече нашава Мусолинија и како ќе се спаси нашиот Дуче.

Како и да е, меѓу економските, политичките и културните матрици на режимите на Мусолини, на Хитлер и на Груиевски постои една заедничка, конзистентна линија на идеолошки развој, која почнува со анархизам и социјализам, продолжува со национализам и расизам и завршува со фашизам и државен тероризам. Кога сме ние и нашиов Мрсулини во прашање, ние сме во последната, трагична фаза на таа идеолошка траекторија.