ЕВОЛУЦИЈА

Погледнете како би изгледале луѓето кога би еволуирале од различни животни

Уште во основно училиште на час по биологија се имаме запознаено со Дарвиновата теорија за еволуцијата според која луѓето потекнуваат од мајмуни. Но, покрај сличности со мајмуните, луѓето имаат тенденција да наоѓаат сличности на изгледот на луѓето со изгледот на други различни животни.

Францускиот сликар, теоретичар и филозоф Чарлс Ле Брун покажал голем интерес за науката за физиономијата, односно науката која ја проучува врската помеѓу цртите на лицето и карактерот. Во неговото дело „Трактат за изразот на лицето“, Ле Брун насликал неверојатни слики кои покажуваат како луѓето би изгледале кога би еволуирале од различни животни. Резултатите од оваа имагинација на сликарот се прилично бизарни, но вреди да се погледнат.