Поплави

Дожд и град, со ветер до 100 км во источна Македонија



Делови од источна Македонија од изутрината се зафатена од невереме со пороен дожд, грмежи и засилен ветер со брзина и до 100 километри на час.

Како што информираат од Управата за хидрометеоролошки работи, најмногу дожд од 7 до 13 часот има наврнато во Пожар 55 л/м2, во Крива Паланка 39 л/м2, во Демир Капија 38 л/м2, во Штип 34 л/м2 , во Виница 18 л/м2, два л/м2 во Струмица, Куманово и еден л/м2 во Охрид, Прилеп, Берово и Крушево.

Појава на град е регистрирано во општина Конче, а во Струмица тој бил со големина на орев. Нестабилноста која се протега од Кожуф, па се до Осоговските Планини постепено се поместува кон исток и североисток.

До крајот на денот, како што велат од УХМР, ќе се задржи претежно облачно со повремени врнежи од дожд, а на планините со повремен снег, информираат од Управата за хидрометеоролошки работи.

Во источните делови на државата врнежите ќе бидат пообилни и ќе има појава на локална нестабилност со пороен дожд, грмежи и засилен ветер од јужен правец. Кон крајот на денот врнежите ќе слабеат.

http://grid.mk/read/news/509530545/9541090/dozhd-i-grad-so-veter-do-100-km-vo-istochna-makedonija

Во Чешиново-Облешево под вода земјоделски површини со есенски култури

Кај кочанското село Бање од најдодените води попуштил одводниот канал од кои водата истекува во нивите кон селата Чешиново-Облешево и Чифлик. Голем дел од земјоделските површини насеани со есенски култури се под вода и има случаи таа да навлегла во подрумските простории на куќите од овие села.



– За настанатата состојба го информиравме и Центарот за управување со кризи. Состојбата станува алармантна посебно во оние села каде што се излеа Кочанска и Злетовска река. Ние сме на терен и со механизација од приватна компанија од село Чифлик ги ублажуваме последиците од поплавите, изјави Костадин Личков, градоначалник на општина Чешиново-Облешево.

Одводните канали во селата Горни и Долни Подлог и Мојанци ги чистат жителите на овие села за да не дојде до полави во нивните домови .

Состојбата со врнежите од дожд во општините Кочани, Чешиново и Облешево будно се следи.

http://grid.mk/read/news/509530096/9541383/vo-cheshinovo-obleshevo-pod-voda-zemjodelski-povrshini-so-esenski-kulturi

Отиња во центарот на Штип носи се пред себе



Во центарот на Штип од големиот водотек урната е дел од пешачката патека кај црквата Свети Никола во Штип. Мостот е забранет за сообраќај. Реката Отиња во Штип си направи ново корито.

http://grid.mk/read/news/509530781/9541408/video-otinja-vo-centarot-na-shtip-nosi-se-pred-sebe

Критично кај Радовиш, Сушица се излеа и направи штети

Надојдената реката Сушица, од невремето попладнево, се излеа од своето корито, кај Радовиш, така што направи огромни штети на стопанските објетки, кои се на излезот од Радовиш



Сосема се поплавени и двата влеза и излези од Радовиш, така што сообраќајот воопшто е невозможно да се одвива. Радовишани сведочат дека доколку е потрбно нешто итно да се транспортира, тогаш единствено со хеликоптер треба да се влезе и излезе од Радовиш, заради поплавените патишта и на периферијата во стопанскиот дел.

Од фирмата „Штип текс“, која се наоѓа во непосредна близина на реката Сушица, вработените жени, кои биле на работа, едвај биле извлечени живи, од надојдените води, вели радовишанец.

Енормно, се надојдени и водите во коритото на Стара река или Радовишка река, која минува низ Радовиш.

Засега, поплавени се голем број на стопански објекти, а штетите од поплавите се огромни.

http://www.novamakedonija.com.mk/DetalNewsInstant.asp?vestInstant=44810

Алармантно и во Демир Капија!



Големата количина на врнежи предзвика поплави и низ улиците на Демир Капија.
Реката Бошавица се излеа и поплави дел од железничката пруга Демир Капија – Гевгелија, па предизвика прекин на железничкиот сообраќај.  Од Центарот за управување со кризи  велат дека освен железничката пруга, поплавени се улици и подруми.
Во Кавадарци до 7 часот утринава во градот наврнале 16 литри на метар квадратен, а резултатите од мерењата во 13 часот покажаа дека количината на дожд е зголемена за уште 4 литри  и вкупно има наврнато 20 литри на метар квадратен.
Вакво време не очекува се до недела но врнежите ќе бидат со послаб интензитет!

http://faktor.mk/2015/01/23/video-alarmantno-i-vo-demir-kapija/

Прва жртва од поплавите, Вардар пред излевања во Гевгелиско

Б.М. (59) се удави во Конска река, во атарот на селото Моин, Гевгелиско. Според полицијата се работи за несреќен случај, на телото на удавената жена немало никакви траги кои би упатувале на насилна смрт.



Екипите на Македонија пат работат на расчистувањето на повеќе патни правци за нормално функционирање на сообраќајот.

Во Гевгелиско реката Вардар е пред излевање. Претходно, Вардар имаше максималниот водостој во Велес. Вечерва се очекува надојдените води на Вардар да стигне во гевгелискиот регион.

Општината Гевгелија ја ангажирана целокупната градежна механизација за расчистувањето на штетите од поплавата што го зафати градот. Делови од градот веќе се поплавени. Неколку села се отсечени од сообраќајот.

Најтешко погодени се селата Мрзенци, Моин и Милетково. Поплавен е мостот и кај Милетково, а до Миравци се патува преку обиколен пат од кај Удово.

Општинската организација на СДСМ обвинува за ненавремено чистење на речните корита, каналите, одводните системи.

Водостојот на другите реки постепено се намалува.

http://www.mkd.mk/makedonija/prva-zhrtva-od-poplavite-vardar-pred-izlevanja-vo-gevgelisko

reiter напиша:http://mkd-news.com/nevremeto-pochnuva-vo-22-chasot-politsijata-i-vojskata-podgotveni-za-interventsii/
Невремето почнува во 22 часот: Полицијата и војската подготвени за интервенции
имам чуство дека кај нас е полесно да погодиш 7-ца на лото отколку прогнозерите од ухмр да погодат временска прогноза.Многу ретко го погодуваат-прогнозираат времето.Многу исилено и тревожно ми делува за оваа временска прогноза за кој се најавува за вечерва.

Општина Струмица со сите расположливи ресурси, луѓе и механизација, денеска, заедно со месното население се справуваат со надојдените води на реката Струмица која е пред излевање. Најкритично е во населените места Муртино и Сачево. Таму веќе под вода се дел од пластениците и обработливото земјоделско земјиште. Се прават напори да не се поплават домовите. На неколку најкритични точки е целокупната механизација на Јавното претпријатие за комунални дејности „Комуналец“, Територијалната противпожарна единица и членовите на Општинскиот штаб за заштита и спасување. Според командантот на штабот, Кирил Парталов, со камиони се носи песок и се полнат вреќи од кои се прави заштитен ѕид од надојдените води на критичните места, а активирана е и целокупната механизација.

Општина Струмица сама се справува со надојдените води во речните корита и одводните канали, откако Дирекцијата за заштита и спасување, Центарот за управување со кризи и водостопанското претпријатие „Струмичко поле“ не покажаа сериозен однос во преземањето на превентивни мерки за заштита од поплавите.

И месното население од Муртино, Сачево, Просениково и Дабиле пред две години, но и пред поплавите од минатиот викенд, бараше од надлежните државни органи, а пред се од „Струмичко поле“ да се исчистат коритата на реките и каналите за да се спречат поплави. Тие не се исчистија, а поплавите им предизвикаа милионски штети на жителите од овие населени мести. За да ги заштити имотите на овие луѓе, општина Струмица ги активираше сите свои ресурси во изминатите деновиве, а и денеска, работи во одбрана на загрозените места од надојдените води.





















http://plusinfo.mk/vest/13363/galerija-opshtina-strumica-zaedno-so-mesnoto-naselenie-se-spravuva-so-nadojdenite-vodi

Состојбата ескалира, браната Калиманци прелеа

Брана Калиманци прелеа и од неа се излеваат 270 метри кубни вода во секунда.
– Целата вода од браната сега завршува во реката. Наредуваме евакуација на граѓаните за сите населени места должтечението на рeката Брегалница од каде пред се ќе ги евакуираат старите луѓе, на лицата од првите катови, потоа евакуација на вредни предмети и стоката, се со цел да се заштитиме од било какви евентуални жртви .Најголемиот удар се очекува во Штип некаде по 20 часот. Тогаш се очекува нивото на водостојот да се зголеми за еден до еден и пол метар – изјави Миле Јанакиевски, министер за транспорт и врски.4
Се апелира до месното население од овие региони на масовно ангажирање и излегувањеод домовите и да се приклучат во активностите на терен кои се превземаат од надлежните, министерството за одбрана, полицијата, ЦУК, ДЗС, општините и месните заедници.

http://faktor.mk/2015/02/01/sostojbata-eskalira-branata-kalimantsi-prelea/

Поплави во Грција и Албанија

Обилните врнежи предизвикаа поплави во северозападниот дел на Грција и во јужна Албанија и ги принудија властите да евакуираат стотици лица.

Поројниот дожд кој врнеше вчера во северозападниот грчки регион Епир ги принуди властите да евакуираат четири села и неколку одалечени фарми, близу градот Арта, пренесува БТА.

Досега најмалку четири реки се излеаа од коритата, од кои три се блиску до Арта, а четвртата во реон близу границата на Грција со Албанија. Во близина на градот Арта урнат е познатиот камент мост од 18. век Плака.



Сега мостот е целосно урнат.



- Најмногу проблеми има во регионот на Арта. Но поплави има во цел Епир, има проблеми од силниот ветар и уште поплавени подрачја во други делови на Грција, соопшти претставник на противпожарните служби.

Премиерот Алексис Ципрас го посети командниот центар за вонредни ситуации на пожарната служба во Атина, од каде ги повика експертите од министерствата за инфраструктура и култура да отидат во поплавениот регион и да ги проверат патиштата и спомениците кои се под закана на поплавата. Тој потенцираше дека е многу тажен поради уривањето на мостот Плака.

Во јужна Албанија, пороен дожд и снег го зголеми нивото на реките, кои поплавија илјадници хектари земја, стотици домови и многу патишта.

Полицијата и армиските единици евакуираа многу погодени семејства и нивниот добиток во Влора, Фиер, Гирокастро и берат, соопшти денеска Министерството за внатрешни работи.

Многу области во Албанија се без струја и вода. Полицијата ги повика граѓаните да ги одложат плановите за патување, бидејќи во следните денови се очекуваат поинтензивни дождови.

http://plusinfo.mk/vest/13378/poplavi-vo-grcija-i-albanija