КОЗА НОСТРА ВЕСТИ :)

МВР: Домаќинките кои ќе ги вапсаат јајцата шарено ќе бидат повикани на информативен разговор



Заменик-министерот за внатрешни работи Чавков и поглаварот на МПЦ г.г. Стефан упатија заеднички апел до сите православни верници да ги вапсаат велигденските јајца исклучиво во црвена боја. Чавков додаде дека домаќинките што ќе ја напуштат оваа вековна традиција и ќе си дадат слобода да бојат во повеќе бои ќе бидат повикани на информативен разговор.

– Имаме поставено камери во секоја кујна по домаќинствата. Внимавајте како вапсате – предупреди Чавков.

Од своја страна, пак, архиепископот рече дека црквата не сака да се меша во политика и во други световни нешта, ами единствено е заинтересирана за божји и свети работи.

– Да не се сквернават свети Никола и свети Ѓорге, да не се кршат и вапсуваат објекти, туку јајца, да живееме сложно и во мир со криминалците кои се наши браќа – повика поглаварот г.г. Стефан.

http://www.kozanostra.net/mvr-domakinkite-koi-ke-gi-vapsaat-jajtsata-shareno-ke-bidat-povikani-na-informativen-razgovor/