Разни вести од Македонија

Директен судир – престигнувал на полна линија и удрил во возилото на Павле Трајанов напиша:

Директен судир се случило кога возило Фијат Пунто кое во спротивен правец и на полна линија, престигнувало и удрило во возило„Шкода“, кое пак било управувано од претседателот на Демократскиот сојуз, ДС Павле Трајанов. Од судирот се повредени 4 лица и се префрлени на клиники. напиша:

Повеќе од 13 илјади Македонци живеат во модерно ропство

Македонија е на европскиот врв според процентот на граѓани кои живеат во т.н. модерно ропство. Вкупниот број на модерни робови во земјата се проценува на 13.300 луѓе, објави Глобалниот индекс на ропство.

Првата Македонска која го искачи Монт Еверест Илина Арсова и за што пред две години власта не и го даде оскарот за најдобар спортист, е мета на уште поголеми притисоци.
– Од спортски резултати со национален карактер и најголем промотор на РМ во светот, по заложбите за заштита на најстарото езеро во Европа, Охрид заедно со целиот ендемски свет што опстанува во него повеќе милиони години, станав државен непријател бр 1. По активистичката ангажираност за зачувување на светското природно и културно наследство на УНЕСКО, локалната власт во Охрид на неколку наврати ми се заканува и ме заплашува со информативни разговори, обвиненија и судски покани. Благодарам градоначалниче. Не ги заборавам и вашите лажни ветувања за работно место и соработка. Можеби не се договоривме за цена или бев прескапа за вас -пишува Арсова на својот профил на Фејбук.

Причина за ваквиот однос е нејзината поддршка на Шарената револуција, како и сите нејзини силни активности, поголеми и од голем дел на жителите на Охрид, за заштита на трската во Охридскиото езеро, како и брегот од налудничавите и профитерски проекти. Арсова во последниот период постојано е мета на закани, постојано доаѓаат судски покани на нејзината адреса, со што се врши притисок да замолчи.

Пред две години, Илина Арсова поради своите ставови, беше прескокната на манифестација „Спортски оскар на годината“ во организација на Агенцијата за млади и спорт (АМС) и не и беше дадено заслуженото признание како првата Македонка која го освоила Монт Еверест.

Дијабетичар:Бев уапсен зошто повикав на протест за инсулините

Дијабетичар од Струга, зависен од инсулин тврди дека бил уапсен затоа што јавно кажал дека ќе ги повика на мирен протест пациентите доколку не се реши проблемот со инсулинската криза во државата. Ова за НОВА го тврди Иво Дукоски од Струга, човекот кој во декември минатата година бил приведен за како што вели сторено „тешко кривично дело менување на лажни девизи“, а по испрашувањето во полициската станица во Битола е пуштен дома, со образложение дека е ослободен од обвинение.

Студентка на Медицински факултет без лиценца и положен државен испит пет месеци работела како лекарка во Итната медицинска помош, тврдат извори за НОВА од Здравствениот дом. Од податоците и документите од книгите каде што се евидентира секој повик, до кои дојде НОВА може да се види дека незавршената докторка се уште обавува самостојно докторска дејност, оди на повици и дава терапија на пациенти. Според вработените во Итната медицинска помош таа води смена, дежура и е “докторот” во амбулантните возила на повик придржувана од медицинска сестра и возач.

Во доцните попладневни часови вчера на брегот на Охридското Езеро во близина на појас трска крај новата патека е исечено дебело стебло на дрво старо повеќе од 20 години без никакво известување ниту објаснување од градските власти.

Активист на ОхридSOS се нашол во близина во моментот и ја фотографирал сечата по што дрвосечачите го нападнале вербално активистот и за малку бил спречен физички напад врз него.

Тој ги прашал и зошто го сечат дрвото на што му било одговорено дека станува збор за труло дрво, иако од фотографиите јасно се гледа пресекот на здравиот трупецот.

Прашуваме ЗОШТО се криете од јавноста ако сечете труло дрво? Зошто напаѓате случаен минувач кој патем е и жител на општината и има полно право да знае што се случува во општината каде живее?

ОхридSOS е згрозен од одност на Општина Охрид спрема животната средина. Изминатиов викенд Националниот Парк Галичица беше претворен во полигон за џипови, пред неполна година се исекоа речиси сите стари дрвја крај патеката, не се остави ниту едно дрвце во дворот на црквата св. Софија…

До каде ќе одите господа? Ќе оставите ли природа во Охрид? Ќе има ли ладови на плажата каде што посетителите ќе можат да се засолнат? Или можеби планот е да нема повеќе бесплатни сенки?

Природата ја сакатите на штета на сите жители на Охрид кои заработуваат од туризам во моментов. Зошто туристите во Охрид доаѓаат за природните сенки, за зеленилото и за синилото. Кога ќе ја уништите природата, а натаму сме тргнале- ќе ја уништите и секоја шанса за туризам во Охридско. Сѐ тоа за ситните моментални интереси на неколкумина.

Со почит,

Активисти на Граѓанска иницијатива Охрид SOS

Основното јавно обвинителство поднесе обвинение против Бекир Асани, претседателот на огранокот на ДУИ во Чаир, за насилство врз Тодор Петров. освен за Асани за истото кривично дело опфатени се уште две лица.

Според обвинeнието, претседателот на Светскиот македонски конгрес, бил претепан на 27 февруари во ресторан во близина на Скопски саем. Петров беше физички нападнат веднаш по осветувањето на 55 метарски крст во скопската населба Бутел и заврши со потрес на мозокот и повеќе повреди на телото.

Тодор Петров беше еден од иницијаторите и донаторите за поставување на крстот во општината Бутел.

Во меѓувреме градоначаникот на Струга, Зијадин Села, поднесе иницијатива до Уставниот суд и ја оспорува одлуката на локалната власт за поставување на крстот, бидејќи не била донесена по Бадентер.

Уставниот суд два пати ја одложува расправата за оваа иницијатива.

defo напиша:

Драмата со распуканата невеста продолжува, откако вчера на социјалните мрежи се огласи и нејзината сестра со зборовите „Свадбата е приватна случка, па ќе се одвива како што ние фамилија Ристески ќе посакаме“.

Невестата Марија Ристеска-Калешковска, нововработената секретарка на началникот на униформираната полиција во СВР Битола, Зоран Дуковски, се најде во центарот на вниманието на јавноста откако СДСМ информираше дека за време на својата свадба пукала од полуавтоматска пушка, која е дел од формациско оружје на полицијата и војската и за која граѓаните не можат да добијат дозвола за поседување и носење. Во прилог на информацијата, СДСМ достави и фотографии на кои невестата позира со пушката в раце, но и фотографија на која таа со помош на нејзиниот татко пука во воздух.

Веста веднаш беше пренесена од голем број медиуми, а набргу потоа, сестрата на Марија, Сара Ристеска, на својот фејсбук-профил најави тужби за порталите поради објавување приватни фотографии и порача дека имале право на свадба каква што си посакале.

„Златни комуњарчиња, сестра на невестата од објавата“ – напишала таа под линк од настанот, објавен во порталот Мкд.Мк. „Добро, вие поседувате мозок, или? Како може за ваши партиски цели да зацрнувате нечии животи? Прво, свадбата беше приватна случка, па ќе се одвива како ние фамилија Ристески ќе посакаме. Второ, оружјето е во сопственост на татко ми и купено е со дозвола, користејќи го за лов, покрај тоа што во оружјето е ставен огномет, а не куршум. Трето, не ви оди никако напред и сега барате секаков случај за да зацрнувате нечии имиња? Резил сте, бедни сте, следува тужба за порталот, бидејќи објавува приватни слики! Бидете поздравени, ова не прекинува тука“ – се закани сестрата на невестата, за која веќе почнаа да кружат доста шеги и досетки на социјалните мрежи, па го доби и прекарот Мара Бонд. Револтираната сестра не одговори на нашата порака во која ја замоливме за повеќе детали околу целиот настан. На својот фејсбук-профил, таа има објавено повеќе фотографии на кои татко ѝ позира со оружје.

Соња Стаматова, портпаролка на битолската полиција, најави дека Внатрешна контрола го презела случајот, откако ги виделе сликите, и тие ќе одлучат што ќе биде понатаму. Инаку, додека јавноста се занимава со детали од свадбата на распуканата невеста, таа и нејзиниот сопруг се на свадбено патување во Дубаи, на кое заминале на осумнаесетти овој месец, еден ден откако беа објавени свадбарските фотографии со оружјето.