Независно судство

Судските службеници ќе ја блокираат работата на судовите доколку не се направат итни промени во новиот Закон за судска служба кој е донесен во 2014 година, вели за Алсат М претседателот на Здружението на судска администрација, Борче Мирчески.

Според него, овој закон ги поистоветува службениците во судовите со останатите државни службеници, содржи бројни одредби кои влијаат демотивирачки на целата судска администрација, но има и делови кои имаат репресивен карактер.

- Подготвени сме за протести. Можеме да правиме опструкции, штрајк и да ја блокираме работата и тоа ќе биде одлучувано благовремено како ќе се одвиваат работите. Јас можам да кажам дека и во овој момент веќе имаме одлевање на квалитетниот кадар од судската служба во адвокати. Во овој закон има само една одредба која е мотивирачка. За оние кои ќе бидат оценети со оценка 5, има како мотивација една плата плус како награда. Но, за оние кои се оценети со оценка 1 им престанува работниот однос веднаш - вели Мирчески за Алсат М.

Сите службеници кои имаат помалку од 10 години до пензија мораат во рок од две години да достават сертификат дека познаваат еден од трите јазици кои се зборуваат во ЕУ. Ако не го сторат тоа, ќе им се намали звањето за еден степен. Иницијатива за стопирање на законот е поднесена до Уставниот суд, а забелешки има и до Министерството за правда.

http://plusinfo.mk/vest/21408/sudskite-sluzbenici-spremni-za-shtrajk

Судијата Јордан Митриновски го доби спорот против Македонија во Стразбур

Судот за човекови права во Стразбур денеска објави дека донел пресуда против Република Македонија со која едногласно ја прогласил жалбата на Јордан Митриновски, екс претседател на скопскиот Апелационен суд за допуштена и констатирал дека Судскиот совет не бил независен и непристрасен трибунал пред кој Митриновски немал фер судење“.

http://novatv.mk/index.php?p=1&navig=8&cat=2&vest=21993