СДСМ-ОФЦИ

Нема време за активна регистрација на гласачите

Нема доволно време да се спроведе активна регистрација на гласачите на претстојните предвремени избори на 24 април. Ова го кажале експерти за изборно законодавство кои работеле во повеќе држави од источна Европа и од Африка кои проценуваат дека се потребни минимум 18 месеци за да може да се спроведе активна регистрација на гласачите преку електронски отпечаток на прст, брифираат за БИРН дипломатски извори од преговорите што се во тек.

Од СДСМ инсистираат да има активна регистрација на гласачите и велат дека не се откажуваат од ова барање.

„Три месеци се доволен период за да се имплементира систем кој е меѓународно проверен. Ние понудивме предлог да се искористи постојната база на податоци и да се направи биометриска проверка. Поголем проблем е што ДУИ се противи на активната регистрација“, велат од СДСМ за БИРН.

Предлогот на СДСМ за активна регистрација на гласачите беше јавно поддржан од лидерот на ВМРО-ДПМНЕ, Никола Груевски.

„Едно од основните обвинувања што СДСМ ги имаше кон ВМРО-ДПМНЕ, а е неосновано, беше дека има некакви гласови што ние не сме ги добиле, дека биле фантомски со различни бројки и дека поради тоа тие загубиле. Затоа ние го прифативме нивниот предлог за активна регистрација на гласачите, дури и додадовме да биде со електронски отпечаток на прст, така што не само што го прифативме туку сега инсистираме“, кажа Груевски.

Експертите од оваа организација во Скопје предочиле дека спроведувањето на новите системи за регистрација на гласачите во ограничена временска рамка вообичаено резултира со намалено расположливо време за клучни задачи, по што следува неуспех на системот.

„Не се работи за комерцијален систем за кој има време за одложување и постепено започнување на операциите. Системот треба да функционира 100 насто исправно, во целата земја, при првата употреба. Доцното откривање дека не е можна навремена испорака претставува закана и за политичкиот и за изборниот процес“, се вели во анализата на експертите.

Основни спорни прашања, според двајцата експерти се дали да има активна биометриска регистрација или целосна пасивна верификација на постојниот избирачки список, како и регистрација на гласачите од дијаспората.

Експертите уште наведуваат дека „многу клучни прашања за кои е потребен договор не се отворени“.

Околу активната биометриска регистрација на гласачите, двајцата експерти велат дека нема меѓународно искуство за развој на ефективен систем и имплементација во дадениот распоред што ќе овозможи спроведување на изборите во рок од неколку месеци. На пример, во Нигерија, развојот започнал 11 месеци пред изборите во 2011 година, потребни биле седум месеци за развој на системот и за набавка на опрема. На почетокот на регистрацијата на гласачите, системот не функционирал, немало доволно време за тестирање.

„Во 2015 година, сѐ уште се прочистуваат дуплираните податоци од почетното прибирање на податоците“, нагласиле експертите.

Во Јемен за изборите во 2013 година, опремата била испорачана во септември 2013 година, а на почетокот на 2014 година, софтверот сѐ уште не функционирал исправно.

Дипломатски извори велат дека решението за изборните реформи по експертските сугестии дека нема доволно време, мора да произлезе од самите партии.

„ Ние како меѓународна заедница сме подготвени да ангажираме странски експерти кои ќе помогнат за чистење на избирачкиот список.

mumley напиша: Ако тие што се иселиле сакаат да одлучуваат за судбината на Македонија тогаш нека дојдат заедно да ја споделиме таа судбина. Патриотизам од далеку и безбедно покажуваат само ситните души.

Hamad bim Khalifa напиша:Vo dva posta - dve pogreshni proceni !

Hamad bim Khalifa напиша:Osa izgleda i tebe ke  treba mamli da ti objasnuva ?!

mumley напиша:

Hamad bim Khalifa напиша:Vo dva posta - dve pogreshni proceni !

Мора да си тешко контроверзен.