PRAZNICI

9 модни комбинации на бои што можете да ги носите за време на празниците

Кога станува збор за празниците, постојат неколку нијанси кои можете да ги забележите кај секого: Црвена, зелена, бела и металик. Додека овие бои се сметаат за празнични, сепак, тие се предвидливи. Затоа, погледнете некои освежувачки комбинации кои можете да ги искористите за празниците што доаѓаат, што ќе направат да бидете поразлични од останатите, а сепак впечатливи.

Виолетова, црвена и црна



Надополнете ја класичната црвено-црна комбинација со виолетова боја која ќе направи да изгледате невообичаено.

Пастелно сина, црна и сребрена



Повторно, сѐ е во деталите. Црниот појас околу половината и декоративните елементи на фустанот се одлична комбинација за вашиот празничен избор.

Жолта, сребрена и црвена



Сигурно ќе се издвоите од многуте црни фустани, доколку се одлучите за жолтата боја. Надополнето со сребрени и црвени детали, вие ќе добиете прекрасен празничен изглед.

Сина, темно црвена и темно сина



Сината и темноцрвената самите по себе се класични бои. Комбинирајте ги со други нијанси, како што е на пример темно сината и ќе добиете интересен и поразличен изглед.

Румена, жолто-кафена и моден додаток во повеќе бои



Кадифеното крзно како да е направено за празниците. Изберете едно такво елегантно и модерно парче, а потоа надополнете го својот изглед со моден додаток во повеќе бои, како што е на пример мала чанта.

Бела, зелена, розова и сина



Одличен начин да го искористите вашиот летен фустан. Додајте бел џемпер со силно розова чанта и високи потпетици и бидете спремни за забавата.

Крем, румена и темноцрвена



Румената и крем бојата се нежни нијанси кои одлично ќе изгледаат доколку додадете некој детаљ во темноцрвена боја.

Крем, црна и румена



Направете ги комбинациите што ви одговараат и со овие бои нема да погрешите!

Црна, златна и темноцрвена



Не сакате да се откажете од црната и златната боја? Изберете некои интересни модни додатоци и надополнете со темноцрвена боја, па ќе постигнете прекрасен изглед!

Pokraj praznichnata garderoba sostaven del od praznicite se i podarocite...

Искрени исповеди: Најлошите празнични подароци кои луѓето некогаш ги добиле

Иако купувањето подароци може да биде интересна и забавна активност, сепак, понекогаш тоа може да претставува тешкотија, токму затоа што не знаете што да им изберете на вашите сакани. Колку и да не ги исполните нивните очекувања, со ова барем ќе можете да се насмеете. Погледнете во продолжение изјави од луѓето кои примиле лоши подароци за празниците, па слободно и вие споделете ги вашите искуства ако сте поминале низ слична ситуација.

„Тоа беше блуза каде што пишуваше ‘Не сум гинеколог, но може да погледнам’. Ја добив од мајката на мојот очув. Таа знае дека сакам да бидам доктор, а нејзиниот англиски не е баш добар. Ми изгледаше смешно. Откако ѝ преведовме, таа речиси заплаче од срам. Гордо ја носев целиот ден.“

„Имав оставено некои видео игри во собата на мојата мајка, таа ги пронашла и претпоставила дека татко ми ги купил за мене, како божиќен подарок. Па, за Божиќ ги добив моите сопствени игри.“

„Добив картичка од мојата баба за продавница за долна облека. Најстрашниот дел не беше самиот подарок, туку фактот дека таа го натерала мојот кутар 19-годишен брат да оди и да ја купи. Како што вели тој, разговорот се одвивал некако вака: Продавачката: ‘Купуваш за девојка ти?’ Брат ми: ‘Не, за мојата сестра… па, мојата баба…’ Непријатна тишина…“

„Дрвен комплет за играње од мојата тетка – препорачливата возраст беше 2-4 години, а јас имав 14.“

„Не беше мој подарок, но беше многу непријатна ситуација. Пред неколку години на баба ми ѝ ги ампутираа нозете, а од тогаш, нејзиното здравје се подобруваше. Но, минатиот Божиќ тетка ми ѝ купи чорапи. Тоа беше многу непријатно.“

„Кога бев дете, баба ми повеќе ме сакаше мене отколку мојата помала сестра. Една година таа ми купи комплет Покемон, што беше моето омилено нешто тогаш. На мојата сестра ѝ купи топка играчка наменета за мачки.“

„Една година му имав споменато на чичко ми дека би сакал да имам брада како неговата. Кога дојде Божиќ тој ми го даде подарокот што го имаше за мене. Го одмотав и… таму во кесичка беше неговата брада.“

„Баба ми ми даде светло црвена долна облека со очи на нив и екстра црно парче за да го ставите вашиот пенис внатре, како нос. Јас сум девојче.“

„За еден Божиќ добив 18 пара чорапи. Имав речиси 12 години и се обидував да изгледам задоволно и да им се заблагодарам на моите родители, но како што го отворав секој пар, сѐ повеќе се вознемирував. Брат ми ги одмотуваше неговите играчки и видео игри. Јас се извинив, отидов до бањата и почнав да плачам. Мајка ми дојде и ме праша што се случува. Таа рече да престанам да плачам и да се вратам во дневната соба. Потоа, ми го даде вистинскиот подарок – лаптоп. Причината зошто сум добила чорапи била затоа што мајка ми сакала да имам нешто да одмотувам, затоа што брат ми имал многу евтини работи, а јас една голема. Се почувствував засрамено. Дефинитивно, среќен крај!“

„Добив книга со наслов ‘Соочување со посвојувањето’ додека бев во средно училиште. Тие новости беа за мене…“

„Чичко ми еднаш ми подари голем бетонски блок. Тој ставил случајни нешта и ми даде минијатурен чекан и длето. Јас делкав и пронајдов некои парички што изгледаа како стрела. Мојот чичко е чудната личност во фамилијата.“

„Сестра ми една година од мојата тетка доби кесичка со рендан кашкавал.“

„Кога имав 10 години,тетка ми ми купи подарок. Утрото на Божиќ го отворив и најдов божиќен џемпер заедно со долна облека на мојата тетка. Очигледно таа перела и мотала подароци во исто време, па ги помешала и двете.“