КУЧИЊАТА БЕСПЛАТНО ЧИПИРАНИ

БЕСПЛАТНО ЧИПИРАНИ 54.223 КУЧИЊА, 150 ЕВРА КАЗНА ЗА СОПСТВЕНИЦИТЕ КОИ НЕ ГИ РЕГИСТРИРАЛЕ МИЛЕНИЦИТЕ


За седум месеци бесплатно се чипирани 56.266 домашни миленици, односно 54.233 кучиња и 2.030 мачки, во рамките на акција на Агенцијата за храна и ветеринарство. Од први април акцијата продолжува, но сега сопствениците на милениците ќе треба да платат 200 денари за аплицирање на микрочипот.

„Иако е пролонгиран рокот за искористување на набавените бесплатни 100 илјади микрочипови до крајот на годинава, инспекциските служби на Агенцијата за храна и ветеринарство ќе вршат контроли и ќе изрекуваат казни на неодговорните сопственици кои нема да ја почитуваат законската обврска и нема да го идентификуваат миленикот со микрочип и не ги вакцинираат милениците против беснило. За неидентификување на миленикот со микрочип, согласно одредбите од Законот за идентификација и регистрација, казната изнесува од 100 до 150 евра во денарска противвредност за физички лица и 1.000 евра за правните лица“, велат од Агенцијата за храна и ветеринарство.

Согласно обврската од Законот за заштита и благосостојба на животните, сопствениците на кучиња треба да ги пријават своите миленици еднаш годишно во ветеринарните амбуланти, клиники и болници кои се овластени за спроведување на ветеринарно здравствена заштита од јавен интерес со цел да ги регистрираат и идентификуваат, но и за да ги исполнат одредбите во однос на здравствената заштита на животните, односно за да примат задолжителна вакцина против болеста беснило. Доколку не постапат по оваа одредба, на сопствениците на кучиња ќе им се изрече казна во висина од 10-15 евра во денарска противвредност и 100 евра во денарска противвредност за правните лица.

А. АНТЕВСКА

https://sdk.mk/index.php/dopisna-mrezha/besplatno-chipirani-54-223-kuchina-150-evra-kazna-za-sopstvenitsite-koi-ne-gi-registrirale-milenitsite/

se nadevam konechno neshto ke se napravi za kuchinjata

[size=45][size=41]Шилегов ветува: Стационарот за улични кучиња „Лајка“, до крајот на август[/size]

Со неговата реконструкција и проширување, покрај подобрувањето на условите, ќе се зголеми капацитетот од 110 на 230 места за кучиња“, рече Шилегов

Елизабета Дамјаноска-Спасеновска   пред 1 ден
 0 403
[/size]

Град Скопје уште минатата година го најави отворањето на јавното претпријатие за хуман третман на уличните кучиња, Лајка“ кое под своја надлежност во целост треба да ги преземе активностите за заловување на животните скитници, стерилизација, ветеринарната грижа, регистрирањето и процедурите за вдомување од заинтересираните граѓани.
Сепак, иако е одамна најавено, претпријатието се уште не го видело светлото на денот. Во меѓувреме, уличните кучиња и понатаму слободно шетаат низ метрополата, и претставуваат опасност за минувачите, кои доколку претрпат штета од куче скитник имаат право да побараат отштета од Градот, која во зависност од степенот на штетата изнесува од 60.000 до 180.000 денари.
Има и такви кои одлучуваат битката со кучињата скитници да ја земат во свои раце, па самостојно се справуваат со нив, каков што беше случајот со мажот кој со пушка пукаше во кучињата скитници во близина на поранешната а1 телевизија, на што пак бурно реагираа здруженијата за заштита на животни.
Единствен начин да се намалат инцидентите е што поскоро отворање на стационарот за кучиња Лајка, согласни се граѓаните кои денеска ги анкетиравме. Најголем број од нив никогаше немале проблем со кучињата скитници, и се против било каков нехуман третман.

da se nadevame deka ova ke vrodi so plod