AMNESTIJA

Владата попушти, референдум за амнестија ќе има

Со солзи радосници роднините и пријатели на затворениците ја дочекаа веста дека Владата доставила одлука до Државната изборна комисија за распишување на референдум за измени во Законот за амнестија.

Најблиските на осудените, се надеваат дека на референдумот ќе успеат да ги добијат потребните 10 илјади потписи, со кои ќе предложат намалување на казните за 40 отсто, освен за оние кои се однесуваат на геноцид и за оние кои се во бегство, а казната за доживотен затвор ќе се преиначи во казна затвор до 20 години. Дел од барањата се и похумани услови во затворите.

-Добивме информација дека одговорот од Владата стигнал до ДИК и се дозволи распишување на референдум. Презадоволни сме, многу беше тешко до тука, а уште потешко не чека, изјави за НОВА Мери Николова од Граѓанската иницијатива за измени во Законот за амнестија.

Пред да ја добијат информацијата, граѓани речиси два часа со жив штит ја блокираа улицата пред Владата на Република Македонија, во очекување на одговорот од премиерот.
Во тоа време, роднини, пријатели и цели семејства на осуденици бара од полицајците кои се надлежни за обезбедување на зградата, кој било од службите да им достави писмена копија за да можат мирно да заминат дома.

Не смее да има амнестија за затворениците

Читам и неможам да си поверувам што читам,убијци,криминалци и извршители на тешки кривични дела да се амнестираат целосно и да се ослободат.До каде оди лудилото,до каде ќе не одведи сето ова што се случува ? Дали некој нормален може да помисли такво нешто,убиецот што го масакрираше телото на жртвата во Прилеп,што дури и на таванот имаше крв распрскана само за да му ги одземат неговите пари, да се шета слободен,или убиецот на детето,или убијците на невините деца,или педофилите или наркодилерите или……..Во Македонија има многу причини да се протестира,во Македонија има многу проблеми за кои треба да се блокираат улици,но не за осудени убијци,монструми,криминалци,педофили,не за нив.Во Македонија треба да се протестира за да се врати смртната казна а не доживотниот затвор да им се намалува,во Македонија треба да се протестира за сите оние кои се извршители на тешки кривични дела а се шетаат слободно затоа што се под „заштита“на некои моќници и продадени суштества кои се нарекуваат судии.Може да побараат да се подобрат условите во Казнено поправниот дом,но не и да се ослободат,не слобода за такви монструми,затоа што во Македонија има доволно слободни неевидентирани криминалци,не и требаат и други.Освестете се ова веќе ги преминува сите мерки на нормалност……ние одамна сме многу далеку од нормалното.Кога ќе помислите на оваа самоубиствена идеја,помислете дека и на вас или вашите деца може некој монструм,убиец,педофил да ви направи нешто што ќе го паметите цел живот.Затвор за криминалците и враќање на смртната казна во Р.Македонија.

Влатко Ристески, активист