ЈАЈЦА

ДОБРО УТРО: ВРЕМЕ Е ЗА СОВРШЕНО СОЧНИ ЈАЈЦА НА ИТАЛИЈАНСКИ НАЧИН



Дали ви здосадија јајцата подготвени на традиционален начин? Тогаш е вистинското време да ги пробате овие неодоливо вкусни јајца подготвени на италијански начин.
Потребни состојки за осум лица:

● 4 лажици маслиново масло
● 1 главица кромид
● 3 чешниња лук
● 1 мала лажичка зачинска пиперка
● 400 ml доматен сос
● 8 поголеми јајца
● ¼ шолја изрендан кашкавал
● сецкан босилек
● сол
● бибер

Продинстајте ги на масло кромидот и лукот, а потоа додадете ја зачинската пиперка. После осум минути додадете го доматниот сос, добро измешајте и оставете да се крчка уште десетина минути.

Додадете ги јајцата, кашкавалот, солта и биберот. Запечете се заедно на околу 200 степени Целзиусови околу 12 до 15 минути. На крајот само додадете го сецканиот босилек.