Албанија и Србија се поблиску до ЕУ

Џентилони: Членството на Србија и Албанија во ЕУ е од стратешко значење

Членството на Србија и Албанија во ЕУ е од стратешко значење за стабилноста и безбедноста на цел Западен Балкан, изјави синоќа италијанскиот министер за надворешни работи Паоло Џентилони по средбата со министрите за надворешни работи на Србија и Албанија, Ивица Дачиќ и Дитмир Бушати.

Италија секогаш се борела за таа цел и ќе продолжи да игра значајна улога во тој поглед, нагласи Џентилони, пренесува Танјуг.

Џентилони истакна дека членството во ЕУ на Србија и Албанија е стратешка определба на италијанската влада, што го изнесе и премиерот Матео Реnци на крајот на шестмесечното претседавање на Италија со ЕУ.

Министрите за надворешни работи на Србија и Албанија Ивица Дачиќ и Дитмир Бушати присуствуваат во Италија на трилатерална средба со министерот за надворешни работи на Италија, Паоло Џентилони.

Трилатералната средба е организирана на иницијатива на италијанскиот министер Џентилони и има за цел да помогне за стабилизирање на односите меѓу Белград и Тирана.

Српскиот министер Дачиќ нагласи дека треба да се работи на решавање на разликите со цел за јакнење на дијалогот и пријателските односи на двете земји.

- Треба да се насочиме на тоа што не обединува, а не на тоа што не разделува. Дел сме од ист регион и се залагаме за исти проекти - истакна Дачиќ по средбата.

На трилатералната средба е разговарано за регионалната соработка во областа на енергетиката и инфраструктураат, како и стратегијата на ЕУ за Јадранско-јонски макрорегион.

http://plusinfo.mk/vest/12396/djentiloni-clenstvoto-na-srbija-i-albanija-vo-eu-e-od-strateshko-znacenje