ХОРОСКОП

Рак

Во текот на овој месец, време е да се релаксирате и препуштите на страстите и емоциите. Тоа дополнително ќе ја „зачини“ вашата врска, а сексуалниот живот ќе ви биде далеку поважен во овој период. Ги имате сите предиспозиции за уживање со партнерот, а тоа многу ќе ви годи после сите професионални обврски. Ако сте слободни, морате малку повеќе да се активирате на поле на љубовта. Само така ќе престанете да се жалите што немате среќа во љубовта.

Лав

Уживате во љубовта и тоа е евидентно. Сепак, ако сте во врска која е свежа, немојте да брзате со донесување на големи одлуки. Бракот, заедничкиот живот, проширувањето на семејството - сите овие работи подобро е да ги оставите за понатаму, без разлика на тоа дали сте во долга или кратка врска. Дозволите работите да се одвиваат по свој тек, природно, спонтано и без брзање. Ако сте сами, ќе бидете расположени за дружење, а активниот социјален живот ќе ви помогне да ја пронајдете љубовта на својот живот.

Девица

Ако сте слободни, овој месец сигурно ќе се заљубите. Прашање е на време кога некој ќе го освои вашето срце, па затоа, добро гледајте околу себе. Дури и да не е тоа за нешто сериозно, добро ќе се забавувате и ќе ви се врати самодовербата. Ако сте во врска, ве очекува благо заледување на односите. Сепак, ова е само привремено и најдобро е премногу да не се грижите, туку да се потрудите да најдете начин како да ги разгорите страстите меѓу вас и партнерот.

Вага

Внимателно на љубовен план овој месец, бидејќи може да ви се случи да се заљубите во некој колега од работа или дури и во шефот. Ова може да биде прилично незгодна ситуација, па најдобро е да се обидете да го избегнете ваквиот исход. Ако сте во врска, нема да покажувате премногу интерес за партнерот, а за тоа, секако, ќе ви замери. Љубовта едноставно нема да ви биде во прв план. Внимавајте и пазете се од поранешните партнери, кои можат да се вратат во вашиот живот.

Скорпија

Генерално, љубовта нема да ви задава многу главоболки во текот на овој месец. Ако сте слободни, ќе уживате во слободата, водејќи сметка на тоа првенствено добро да се забавувате, а потоа да покажете интерес за друга личност. Ако сте во врска, сè ќе биде по старо. Со партнерот се сакате и ништо не може да го промени тоа. Размислувајте за некоја мини авантура која ќе ви го зачини љубовниот живот.

Стрелец

Ѕвездите ви се наклонети овој месец без разлика на тоа дали сте во врска или не. Ако сте слободни, ќе уживате во флертот, авантурите и убавите моменти со спротивниот пол, а романсите ќе бидат многубројни, ако тоа го посакувате. Дури и да сте во врска, нема да морате да се грижите за монотонијата во вашиот однос, со партнерот лудо ќе се забавувате.

Јарец

Слободни сте, но во главно, задоволни од сопствената слобода. Меѓутоа, приликите за врска се насекаде околу вас, а вас ќе ве привлече личност која е многу слична на вас, толку многу, што ќе помислите дека сте ја пронашле својата сродна душа. Ако веќе сте во врска, нема да имате премногу време за љубов овој месец. Ќе бидете фокусирани на кариерата и на себе, но внимавајте да не го запоставувате премногу вашиот партнер. Тоа е најдобро и за двајцата.

Водолија

Активни сте, расположени за дружење и излегување, а тоа е она што е клуч за возбудлив љубовен живот. Нема да ви биде здодевно во ниту еден момент, бидејќи зрачите со некоја посебна енергија која го маѓепсува спротивниот пол. Ако сте во врска, ве очекуваат убави и хармонични денови со партнерот, а некои парови ќе се одлучат и за чекор нанапред - брак или проширување на семејството. Секако, ѕвездите ви се насмевнуваат овој месец.

Риби

Овој месец ќе бидете кралеви и кралици на заведувањето. Лесно ќе се впуштате во љубовни авантури и ќе ги прифаќате повиците за дружење, но вниманието, сепак, на крајот од месецот ќе ви го привлече колега од работа. Можеби баш таму ќе ја пронајдете вашата сродна душа. Ако сте во врска, исто така, нема да ви биде здодевно. Со својот партнер ќе бидете подготвени на сè, а вашата релаксација ќе даде посебен шарм на вашата врска. Дефинитивно ќе уживате.

ВИКЕНД ХОРОСКОП (10 – 11 ЈУНИ, 2017)

Овен

Зарем има нешто подобро од релаксирачкото кафе со пријателите? Не мислете се многу, закажете средба и забавувајте се во нивното присуство. Можна е мала караница со партнерот, но со добар разговор сѐ може да се реши.

Бик

Наместо да бидете слабаци, ризикувајте па и доколку не го добиете тоа што го посакувате, не е крајот на светот. Имајте малку повеќе храброст. Учете на грешките од минатото, но не само на своите туку и на туѓите. Внимавајте на здравјето, можни се болки во главата.

Близнаци

Овој викенд е одличен ден за некоја промена во вашиот дом. Искористете ја вашата креативност и бојадисајте ги ѕидовите во некоја светла боја или пак направете преместување на мебелот. Саботата искористете ја за зближување со партнерот.

Рак

Не очајувајте доколку ви се случи мала караница со партнерот. Со добар и мирен разговор може сѐ да се реши.За оние кои не се во врска, во сабота навечер, бидете подготвени за еден повик од некоја личност која ви се допаѓа.

Лав

Најдобро решение за уште подобар викенд, би ви било проблемите да ги оставите на страна и максимално да се релаксирајте. Игнорирајте ги сите оние кои ви одат на нерви и бидете насмеани во текот на целиот викенд.

Девица

Вашето расположение ќе биде на ниво овие два дена. Останете така позитивни во текот на целиот викенд и посветете еден ден само на партнерот. Потрудете се да ја зачините вашата врска со некоја мала промена.

Вага

Ве очекува викенд полн со изненадувања на љубовен план. Доколку сте сингл, имате можност да запознаете некоја нова, интересна личност. Доколку пак, сте во врска, веројатно вашиот однос ќе достигне некое повисоко ниво. Што се однесува на пријателските односи, водете сметка колку се вашите пријатели искрени кон вас.

Шкорпија

Во недела, очекувајте повик од некој пријател кој ќе има потреба од вас. Искористете го талентот на добар советувач и кажете му некој совет со кој ќе може да го реши проблемот. Потрудете се да имате поквалитетен сон.

Стрелец

Вашиот шарм и вашата ведрина овој викенд ќе бидат на врвот. Ќе бидете многу атрактивни и немојте да се изненасите доколку и непознати ви подаруваат внимание. Романтични филмови се вистинскиот избор за недела навечер.

Јарец

Дефинитивно ова се деновите кои ќе сакате да ги преспиете. Бројните напнати ситуации само дополнително ќе ви го уништат викендот, а ни вашиот партнер нема да се потруди да ве расположи. Вечерва легнете си порано, утре е нов ден.

Водолија

Доколку за нешто долго време се трудите да го добиете, викендов време е да се опуштите од тоа, бидејќи конечно дојде време вашите желби да се остварат. Поради тоа, прославете со пратнерот и посветете му повеќе време. Покажете ја романтиката во вас.

Риби

Ова е идеален викенд за креативни подвизи. Искористете го вашето слободно време за да уживате со самите себе. Кон крајот на виендот, ве очекува излив на емоции, па немојте да донесувате важни одлуки за после да не се каете.

Неделен хороскоп (12.06 – 18.06.2017)

Овен

Внимателно ги пратите новите информации или важните случувања на работната сцена, со намера успешно да ги остварите своите долгорочни цели. Делувате снаодливо и умеете да придобиете нечија доверба. Тимската работа претставува сјајна шанса да ги проширите своите сознанија од одредени области и да напредувате на различни страни. Во љубовниот живот, имате чувство дека неправедно трпите поради нечие нерасположение или неразбирање. Вие сте личност која не сака да се препушта на носталгијата или да очајува пред другите, дури ниту во ситуации кога постојат некои сериозни проблеми. Вашиот однос со саканиот(ата) се повеќе потсетува на заедничка „игра на надмудрување“, но ниту една страна не сака да попушти.

Бик

Постојат различни гледишта помеѓу сорабониците во решавањето на некои работни интереси, нови недоразбирања создаваат напната атмосфера во вашето опкружување. Не дозволувајте некој да ве наведе на импулсивна реакција или на избрзани потези. Избегнувајте јавни расправи, работни надмудрувања или докажување на вистината пред соработниците кои располагаат со поголем авторитет. Ќе ви одговара нечие емотивно интересирање и потреба да ве задоволи. Меѓутоа, својата интимна среќа сакате само да ја задржите во кругот на блиските пријатели. Неопходна ви е дополнителна дискреција кога се наоѓате пред љубопитните погледи. Бидете мудри, нема потреба отворено да зборувате за своите интимни планови.

Близнаци

Потребно е попрецизно да ги разграничете своите работни обврски. Претераната ангажираност на различни страни може да причини низа на непријатни ситуации. Секој вид на неуспех се одразува на соработничкиот однос и на завршните резултати. Не дозволувајте некој да ви наметнува напорни обврски за кои немате доволно итнересирање. Забележувате дека полека ја губите доминацијата која до неодамна сте ја имале во односот со саканиот(ата). За сега одбивате да се помирите со новата ситуација или да прифатите поинаква улога. Имате чувство дека ви недостасува нечие присуство и емотивно внимание. За среќа, љубовната криза наскоро ќе се реши на ваше задоволство.

Рак

Успехот кој го имате остварено ви дава за право да применете нови критериуми или услови во службената-финансксика соработка. Делувате нескромно и умеете да претерате во своите барања, не може да се помирите со просечните резултати. Сепак основната мерка на успех и вредност, никој не може да ја оспори или промени во своја корист. Во љубовниот живот ве очекува некое ново, но интригантно случување. Во голем емотивен занес лесно заборавате на дополнителна мерка на внимание. На вашиот темперамент не му одговараат умерени изливи на емоции, но тоа кај партнерот педизвикува напнатост или состојба на засилена раздразливост. Ако сте слободни ве пратат интересни средби, инспирирани сте за нова емотивна врска.