Диктатура!!!!

ИТНА ПОКАНА ЗА ПРЕС-КОНФЕРЕНЦИЈА – СЕ АПСАТ ЧЛЕНОВИ НА РАКОВОДСТВОТО НА „ЛЕВИЦА“

Утрово, членот на Президиумот на Левица – д-р Здравко Савески е повикан на информативен разговор во Полициската станица „Пролет“ (Кисела Вода), по што е приведен и истиот ќе биде одведен пред јавен обвинител и судија во предистражна постапка, со барање за определување на мерка притвор.

Напоменуваме дека за уште тројца наши членови на највисоките раководни партиски органи им се стигнати покани за информативни разговори! Настаните за кои тие се теретат се поврзани со масовните протести кои ги иницираше движењето #Протестирам, кои се развија во т.н. Шарена револуција, кои почнаа по срамната и противправна аболиција на Претседателот на РМ. Нашите членови беа и ќе бидат во првите редови на протестите.

За нас, ова е очајнички обид на криминалната власт да се пресмета со нашата Партија, по минатонеделните вакви најави од одредени приврзаници на режимот, и обид преку ширење страв да се задушат антирежимските протести.

Заради ова, закажуваме прес-конференција за денес (понеделник, 25 април 2016 год.), со почеток во 13:00 часот пред Кривичниот суд во Скопје, на која ќе се обратат претставници на Президиумот на Левица.

Истовремено, ги повикуваме и сите слободоумни граѓанки и граѓани да се приклучат кон организираниот отпор против овој автократски режим и преку помасовно присуство на протестите заедно да се избориме за ослободувањето на нашата Република!

http://levica.mk/2016/04/25/apsenje/

Ременски: Во тезорот еден месец се заглавени парите за породилно и социјална помош



На лицемерните политики на Никола Груевски и неговиот кум и министер за финансии им нема крај, пишува на Фејбук министерката за труд и социјална политика Фросина Ременски.

„Во обид да обвинат дека некој друг е виновен за нивните опструкции кон МТСП и покрај уредно и навремено потпишаните и доставени за исплата обврски кон граѓаните и други, скоро еден месец стојат на трезор нереализирани исплати кон граѓаните за:

- породилно боледување 195.069.448, 00 денари;
- правата од социјална заштита за месец март 375.051.571,00 денари;
- средствата за заштитните друштва кои вработуваат инвалидизирани лица 64.402.617,00 денари;
- средства за здравствено исигурување 8.689.231,00 денари;
- средства за бањите кои даваа услуги за бањско климатска рекреација на пензионерите 10.755.722,00 денари;
- парична помош за граѓаните за опожарени куќи и лекување 240.000, денари, и др.

Или вкупно неисплатени близу 12 милиони евра“, објавува Ремески.

Стојанче Ангелов: Ме повикаа во полиција, но не отидов, ако решиле да ме апсат, нека се помачат малку



ОБИД ЗА МОЕ АПСЕЊЕ ИЛИ НЕ???

По некоја случајност и јас бев повикан денес во 12.00 да се јавам во ПС Беко со образложение дека има некаква поплака против мене. Не сакам да верувам дека и мене ми го подготвуваат истото сценарио како на проф. д-р. Здравко Савески од Левица но за секој случај не отидов. Ако веќе решиле да ме апсат, нека се помачат малку.

Грујо!!! Џабе ти е се. Еден ќе уапсиш, десет нови ќе дојдат. Како и да е, како и да правиш, готов си. Затоа вечерва, и да врне и да вее и бура да коси, сите на протест, масовно!!!

(Во 14.30 ќе одржам прес конференција пред Споменикот на бранителите во Жена Парк).

Фејсбук статус на Стојанче Ангелов

http://www.libertas.mk/stojanche-angelov-me-povikaa-vo-politsija-no-ne-otidov-ako-reshile-da-me-apsat-neka-se-pomachat-malku/

Најчевска се самопријавува во ОЈО за учество на протести против криминалците во власта

ДО ОСНОВНОТО ЈАВНО ОБВИНИТЕЛСТВО – СКОПЈЕ

ДО ОДДЕЛЕНИЕТО ЗА ОРГАНИЗИРАН КРИМИНАЛ ПРИ ОСНОВНИОТ СУД СКОПЈЕ

ПРИЈАВА

Од д- р Мирјана Најчевска со татко Димче Најчески и мајка Добрила Најческа, редовен професор на Универзитетот “(Св.) Кирил и Методиј“ во Скопје, со привремено живеалиште на Бањански пат бр 31 (во ќорсокакот “Три четврт хармонија“ (веднаш после колонијалот на Џепиќ)



Се пријавувам дека во изминатите 15 дена 7 пати учествувам во толпа (многу симпатична и разиграна) која протестираше против криминалците во власта и нивните другарчиња дисперзирани во сите државни органи и институции. Многу се извинувам на сите учесници во толпата за моите изостаноци (имам оправдание).

Фрлив едно јајце кон канцеларијата на која имаше табла “Народна канцеларија на претседателот на Република Македонија“ (кое многу убаво се распрсна на едно од стаклата од канцеларијата). Не ми дадоа повеќе јајца (што го сметам за голема неправда), и затоа морав да се задоволам со навивање и поттикнување.

Фрлив две јајца кон капијата која ја изградија криминалците во власта и тие сега ја красат со многу убава жолта боја грдата и бесмислена арка која зборува за триумфот на глупоста, незнаењето и насилството. Јајцата си ги донесов самата (всушност, донесов повеќе, ама ми побараа и јас ете така зошто сум добра им ги дадов на децата).

Го офарбав со црвена боја едно од мадињата (левото да прецизирам) на еден од лавовите (оној лево од опашката на коњот) на фонтаната на таткоубиецот, крвник за многу луѓе кој од непознати причини се издига на среде плоштадот од мојот град.

Фрлив боја кон некоја од зградите во барок (не се сеќавам која), но не успеав да ја разубавам (имав болки во раката и сега морам на терапија).

Сите овие дејствија ги направив организирана со неколку мои роднини, некои пријатели, неколку луѓе кои сега ги запознав (ама многу добро се изорганизиравме) и со некои луѓе за кои појма немам кои се ама супер се дружат па ги примивме во нашата организација.

Во повеќе наврати зборував пред различни толпи и ги поттикнував хулиганите да го почитуваат правото, да не дозволат правото да се прекршува и да се спротистават на сите оние кои ги повредуваат човековите права и слободи.

Имам намера делата да ги повторам уште поорганизирано и уште поуспешно, а имам намера да направам и уште такви страшни кривични дела (како препознаена хулиганка).

Мојот организиран настап ќе трае се до насилното воспоставување и зацврстување на владеењето на правото, демократијата и заштитата на човековите права.

Немој после да речете дека не сум ви кажала.

25.04.2016

(шифра – Winter is coming)

PS

Овој лавов на фотографијата не го разубавив јас, ама ептен ми се допаѓа па го ставив. Немам намера да узурпирам ничии авторски права.

Извор: Блогот на Најчевска

http://www.libertas.mk/najchevska-se-samoprijavuva-vo-ojo-za-uchestvo-na-protesti-protiv-kriminaltsite-vo-vlasta/

НСДП: Приведувањето на Здравко Савевски го покажува стравот на партиската полиција на ВМРО - ДПМНЕ

Приведувањето на Здравко Савевски, еден од лидерите на „Левица“, само ја покажува бруталноста, едновремено и стравот, на партиската полиција на ВМРО-ДПМНЕ, реагира НСДП.

„Не може, не смее, високи полициски функционери да не ја почитуваат законитоста во работењето на МВР, односно да не ги почитуваат ингеренциите на министерот Спасовски, а да глумат законитост при апсењето на еден од учениците на оправданите протести на граѓаните“, се вели во реакцијата на НСДП.

НСДП очекува обвинитеството и судот да не подлегнат на партиско-полицискиот притисок на ВМРО-ДПМНЕ и конечно да започнат да се раководат согласно принципите на правото и правната држава, притоа имајќи во предвид дека правото на изразување на незадоволство од власта е вградено во темелите на демократијата.

НСДП смета дека најсилнит одговор на партиско-полициската бруталност ќе го дадат граѓаните на Република Македонија на веќе започнатите протести низ сите градови во државата.

http://plusinfo.mk/vest/67736/nsdp-priveduvanjeto-na-zdravko-savevski-go-pokazuva-stravot-na-partiskata-policija-na-vmro--dpmne--

ЛДП БАРА ДА ПРЕСТАНАТ ПОЛИТИЧКИТЕ АПСЕЊА



Обидот да се приведуваат граѓани, активисти и борци за слобода и демократија е кукавички чин и јасно го покажува стравот кај оној што апси, од револтотот и незадоволството на граѓаните, сметаат либералдемократите.

http://fokus.mk/ldp-bara-da-prestanat-politichkite-apsen-a/

ВЕЛИЧКОВСКИ ПОВИКА НА УШТЕ ПОМАСОВНИ ПРОТЕСТИ

Ивон Величковски, претседател на Либералната партија, повика на уште помасвно учество на протестите по повод апсењето на Здравко Савевски од Левица.

- Кога криминалците се аболицираат, а оние што протестираат против неправдата завршуваат на информативни разговори, немаме право да останеме неми – изјави Величковски.

http://fokus.mk/velichkovski-povika-na-ushte-pomasovni-protesti/

Левица: Домашен притвор за нашите членови

Иако пред малку известивме дека нашите двајца членови кои беа приведени денес се пуштени, ним сепак им е одредена мерка куќен притвор. Нема правда, нема мир!, соопштија од партијата Левица.

Teo напиша:So pritvori svarovski sudstvoto se obiduva da gi zaplashi protestantite...

Левица: Домашен притвор за нашите членови

Иако пред малку известивме дека нашите двајца членови кои беа приведени денес се пуштени, ним сепак им е одредена мерка куќен притвор. Нема правда, нема мир!, соопштија од партијата Левица.