ZORAN ZAEV

Заев: Следува значајно време (ВИДЕО)

Новата власт предводена од СДСМ, од декември натаму, после изборите има намера конкретно да се втурне во решавање на вистинските проблеми, рече Заев

Денеска сме во посета на Струга и на стружани. Целта е да се видиме со граѓаните, да разговараме за проблемите со коишто се соочуваат, секојдневијата наши, маките и мачниот живот којшто се живее. Но, секако покрај тоа што ќе поразговараме и да понудиме решенија за тоа што се случува во Македонија. Струга е еден од регионите наши којшто е заборавен од оваа власт. Останаа основни работи на граѓаните, коишто се наше секојдневие, голем дел од нив врзани за нашите деца, не завршени заради тоа што парите отидоа во споменици и мал милион други глупости, ијави денеска во Струга, лидерот на СДСМ, Зоран Заев



Денеска децата во Струга не знаат дали ќе почне школската година со струја во училиштата. Урнисани се условите комплетно во самите училишта, во болниците, во здравството, полициската станица мора да се реновира, градскиот базен е заборавен и го аби времето. Има повеќе населени места без канализациони системи. Овие се секојдневни актуелни проблеми коишто го создаваат аспектот на живот на граѓаните. Не можат да останат заборавени. Новата власт предводена од СДСМ, од декември натаму, после изборите има намера конкретно да се втурне во решавање на вистинските проблеми на граѓаните. Најзначаен дел од она на коешто ќе се посветиме се младите и квалитетно платените нови работни места - рече Заев.

Во целост ви го пренесуваме говорот на Заев:

„Конечна цел е да создадеме услови кадешто младите ќе бидат мотивирани да останат овде. Целиот ангажман ќе биде насочен сите млади луѓе да бидат веднаш најбрзо обезбедени со работа и тоа квалитетна работа. Целта е да ги задржиме младите овде, ако даде Господ и да ги вратиме оној огромен процент на млади луѓе кои заминаа. Во делот на Струга мораме целосно да ги реновираме училиштата. Финансиски преку блок дотациите да помогнеме на опшините да можат редовно да се плаќаат сметките за струја, за вода, за превозот, за греењето коешто и денеска е проглем во Струга.

Целосна реконструкција на болницата. Мораме да го реконструираме градскиот базен и тоа целосна реконструкција и модернизација на базенот. Зборуваме за Струга кадешто еден од важните спортови, пливањето, потекнува токму од овде и е еден од најзначајните региони токму по овој спорт. Целосно ќе го заокружиме колекторскиот систем во Радожда и Вранешта. Ќе изградиме канализациони системи и водоводни системи со секое населено место кадешто денеска тие не постојат.

Дримколскиот крај е целосно запоставен. Направено е едно игралиште коешто и не се употребува. Конечна цел е, еве и тоа што е направено од власта, во делот на спортските објекти го поздравуваме, какво-такво е направено, дадено е на концесии на секакви луѓе. Секако постојат и чесни исклучоци. Конечна цел е да инвестираме во спортот. Да инвестираме во младите да спортуваат и да ги наполниме тие сали и игралишта коишто постојат во Македонија.

Конкретно со финансиска поддршка и преку мотивација на бизнис секторот да направиме амбиент да секој млад човек спортува. Да создадеме услови кадешто обврска на секој родител ќе биде неговото дете да спортува одреден спорт. Да биде пуштен да тренира, не мора да стане професионален спортист, но барем да рекреира бидејќи тоа е многу важно и за здравјето и за целокупниот дух на живот на малдите генерации. Спортот е важна гранка од нашето секојдневие и тој мора секако да биде поддржан покрај сите други важни аспекти коишто се секојдневие на граѓаните.

Струга е исто така симболот на мултиетничкиот соживот во Македонија. Тој мора да биде унапреден. Социјалдемократскиот сојуз ќе гради едно општетство на рамноправни граѓани кадешто ќе зборуваме за проблемите на граѓаните, а не за проблемите на Албанците, на Турците, на Македонците, на Ромите.На граѓаните, подеднакво. Да се решаваат проблемите, да ги надминеме сите овие предрасуди коишто постојат и заедно да се бориме за поквалитетен економски живот на сите наши граѓани.

Јас сум убеден дека сите граѓани поминавме еден многу тежок период кадешто сиромаштијата беше се поизразена, кадешто е болката од оваа миграција, преку 600.000 пред се млади луѓе, којашто претставува потврда за сите лоши политики на оваа власт. Таа болка пополека ќе одминува од нашата Македонија. Затоа што редот е да живееме со децата околу нас, да се раѓаат внуци околу нас и да го создаваме амбиентот на живот околу нас колку што е можно поквалитетен. Јас се надевам дека секој граѓанин ја чувствува својата обврска кон својата татковина.

Следува значајно време кадешто секој треба да се вложи максимално и да придонесе кон промените. Затоа што со тоа ќе придонесе кон убава, квалитетна и просперитетна иднина на сегашните и идните генерации, граѓани на нашата Македонија“.

Заев меѓу охриѓани: Недозволиво е Охрид да биде заборавен



Претседателот на СДСМ,Зоран Заев, денеска е меѓу граѓаните на Охрид. Тој утрово се сретна со жителите на Пештани кои побараа да им се врати имотот на вистинските сопственици во Пештани. Заев во Охрид оствари средба и со борците од НОБ, кои изразиле незадоволство од состојбата во којашто се наоѓа државата и загрозената слобода, правда и еднаквост. Средбите со охриѓани продолжија и низ централното градско подрачје во Охрид.

„Целта е токму кога е сезоната туристичка да ги видиме сите проблеми коишто се случуваат во Охрид, да поразговараме за тие проблеми и да понудиме решенија. Граѓаните се многу прагматични, затоа што се паталци од она што значи нивна потреба како мештани овде во Охрид и во охридскиот крај. Знаат многу често и туристите да зборуваат за она што ги тишти или е поврзано со нивната љубов кон Охрид и оние неколку дена коишто ги имаат како свој годишен одмор и го поминуваат овде во Охрид.“, изјави лидерот на СДСМ, Зоран Заев, во Охрид.



Она коешто го разговарале пред се со младите луѓе во Охрид е директната економска поддршка и помош којашто треба да ја добијат. Пред се охриѓани како граѓани за да останат овде и да не ни ја напуштат земјата, смета Заев.

„За жал Охрид е еден од градовите или регионите во Македонија во којшто има најголема миграција. Само по последните 10-тина години се заминати повеќе од 7 600 граѓани. Пола од оние што се заминати во последната година се од Охрид.“, изјави лидерот на опозицијата.

Заев: Сега е време да му се помогне на Скопје (ВИДЕО)



Тој апелира до сите граѓани, во овие тешки мигови, да се воздржат од било какви препукувања по социјалните мрежи, јавно жигосување и барање виновници.

Градоначалникот на општина Струмица, Зоран Заев, на вечерашната прес конференција апелираше да му се помогне на Скопје и на населените места, да им се помогне на граѓаните кои се најзагрозени од невремето.



- Граѓаните на општина Струмица и јас како градоначалник на оваа општина сме силно потресени од синоќешното големо невреме што се случи во нашиот главен град, кое според последните информации однесе повеќе од 20 животи, неколкумина се исчезнати, седумдесеттина граѓани се повредени, а несомнено е дека водената стихија направила и огромна материјална штета. Нема ништо полошо од вакви природни катастрофи во кои страдаат невини луѓе. Струмица денес жали, како што жали и Скопје, како што жалат и сите градови и општини во Македонија. Сакам во оваа прилика, да го споделам моето сочувство со семејствата на настраданите граѓани, како од мое лично име, така и од името на сите граѓани на општина Струмица. Посакувам вакво нешто, никогаш повеќе да не се повтори - рече Заев.

Тој апелира до сите граѓани, во овие тешки мигови, да се воздржат од било какви препукувања по социјалните мрежи, јавно жигосување и барање виновници.

- Време за анализи ќе има. Сега е време да му се помогне на Скопје и скопјани, како и на населените места и нивните граѓани кои се најзагрозени од невремето. Сега е време за хуманост и солидарност кон семејствата на настраданите и кон сите други кои ги трпат последиците од невремето. За таа цел, на мој предлог, утре ќе се одржи итна седница на Советот на општина Струмица, на која би била донесена одлука за спроведување мерки и активности за собирање и испраќање помош до загрозените семејства и институции од Скопје и околината, како и од тетовскиот регион - рече тој.

Заев ја поздрави одлуката на Здружението „Културно забавен живот – Струмица“ за организирање донаторска акција за собирање помош за семејствата на настраданите и загрозените од невремето, која ќе се одржи денес и утре, наместо предвидените содржини од „Струмица Опен фестивал“, и ги повика граѓаните на општина Струмица, да се вклучат во истата, покажувајќи ја на дело, по кој знае кој пат својата хуманост.

Тој додаде дека во акцијата за помош на настраданите ќе се вклучат и општините Центар и Куманово.

Тој апелира до сите граѓани, во овие тешки мигови, да се воздржат од било какви препукувања по социјалните мрежи, јавно жигосување и барање виновници.

Реакции за катастрофалната поплава во Скопје



Ивица Милевски
Соголени шуми, запуштени канали и институционална неподготвеност

Јужните падини на Скопска Црна Гора се доста стрмни, оголени, со мали, поројни сливни подрачја, што условува нагло собирање и површинско истекување на водата од врнежите, кон подножјето, односно во правец на Скопје и реката Вардар. Доколку пошуменоста беше поголема или растителната покривка погуста, значителен дел од врнежите ќе се впиеја во вегетацијата и во почвата (која денес е речиси целосно однесена поради оголеноста). Огромната концентрација на водна маса, бара коридор по кој ќе дојде кон Вардар. Сепак, запуштените дренажни канали, често полни со шут и отпадоци, издигнатите објекти и сообраќајници без пропусти и канали, ниските и слабо пропустни мостови, предизвикуваат насобирање на водата и формирање на мали езера. Од притисокот на водата, препреките на патот попуштаат и водата се излева силно низводно или странично, предизвикувајќи поплави. Втора непогодност е високото ниво на подземните води во пониските делови на котлината, поради што земјиштето не може да апсорбира голем квантитет на вода. Затоа, најризична е состојбата долж јужното подножје на Скопска Црна Гора, од Арачиново, до Смилковци (порано, пред пошумувањето, такво беше и северното подножје на Водно).

Неопходно е натамошно стручно, кадровско и техничко подобрување на Управата за хидрометеоролошки работи, со поголем број мерни станици (посебно автоматски), подобра предикција на временските неприлики, како и кадровско зајакнување на Центарот за управување со кризи на РМ. Исто така, треба подобра соработка на овие институции со научните работници и експерти од соодветните области, во вид на почести консултации, состаноци, размена на мислења и слични мерки. Потребно е подигање на јавната свест на населението, посебно од последиците на уништување на шумите, зеленилото, фрлањето шут, градбата на попречни објекти или насипи, депонии, попречни ѕидови, јами, особено во зони со високи подземни води, информирање за постапки во случај на непогоди и др.

Мирослав Грчев
Инфраструктурна запуштеност

Кај нас комплетниот околуградски систем на канали се изгради во времето на социјализмот, станува збор за можеби 1,000 км канали. Тие се упорно запуштени, се затрупуваат и грижа за нив се води малку или речиси воопшто. Во времето на претходниот систем надлежна институција за каналите беше Водостопанството на Македонија и таа водеше грижа за околуречјето да не може да се одлива. Водостопанството имаше посебен фонд и посебна управа за оваа работа. Сега тоа е препуштено на општините и грижа не води речиси никој, одвреме навреме ќе видиме како Градот Скопје или некоја општина спорадично ќе зачисти некој канал, но тоа не е ниту одблиску доволно. Не бадијала грижата за каналите беше централизирана во другиот систем.

Гледате што се случува на секој дожд, нема подвозник кој не е поплавен. Она што се случува со атмосферска канализација во Скопје не може доволно да се објасни со зборот „запуштеност“, тоа е темелна цивилизациска запуштеност – директен производ на политичко и општествено малоумие. Од независноста до денес во Скопје не е пробиена ниту една улица, туку секоја се трупа со се’ повеќе згради и домови, а паралелно со тоа освен по некое козметичко обновување на атмосферската канализација, ништо сериозно не сме виделе ниту во најава. Во последниве години, ако потребите на градот ги споредиме со трошоците за кич, можеме да заклучиме дека ова се погубни, површни политики спротивни на здравиот разум, природните и општествени закони.

Не бадијала најголем инфраструктурен проект направен по обновата на Скопје по земјотресот беше регулацијата на Вардар. На земјотресот една година порано му претходеше катастрофална поплава и за регулацијата се потрошија стотици и стотици илјади долари“, вели тој додавајќи дека не случајно поплавите се во поречни градови како Тетово или Скопје.

Освен грижата за каналите, тука е и грижата за коритата. Во коритото на Вардар во Скопје во моментов има бродови, мостовите од проектот Скопје 2014 се изградени со конструкција внатре во профилот на коритото за кое е пресметано да носи само и единствено вода.



Павлина Симоновска
Да не мешаме политика во трагедијата?!

Идиоти едни ненормални, со цел памет пропагираат да не се мешала политика во трагедијата! А што да мешаме! Да замешаме на народно што си брчи на телевизија додека расте бројката на жртви!

Да не спомнуваме дека тие што ви ја водат сектата ваша проклета, набавуваат водени топови, наместо пожарникарски возила! Дека во институциите во кои се напикавте никој не се јавува на телефон, дури и кога се работи за живот или смрт!

Дека сѐ што изградивте е фушерај и криминал кој го плаќаме и со кредити и со крв! Дека сѐ неспособно ставивте на позиција само за да зема плата и да служи на партијата! Дека шансите да умреш на раѓање од инфекција се еднакви на шансите да се удавиш зашто нема канализација! Дека плаќаме даноци, дека имаме илјадници припадници на служби, управи, тела, штабови… за што?

За да се мобилизираат во секунда за одење на контрапротести, митинзи... Sамо не за тоа што ги плаќаме!

Дека газот на тој ненормалниот треба да седи на шесто илјади евра, додека човечкиот живот е сведен на нула!

И сѐ додека свесно останувате слепи, и барате кривец во судбина, хаарпот, господ, наместо во оние што за десет години разорија сѐ што дотогаш постоеше и не изградија ништо ново корисно за опстанокот и заштитата на луѓето - вие сте соучесници на УБИЈЦИ!

Рамадан Рамадани
Не се криви одговорните - тие самите се кривицата!


Еве две помалку спомнати работи по повод невремето: апелот на власта да се остане дома требаше да биде придружен и со мерки за собирање на луѓето останати и заглавени по улиците. Исто така, ни денес сè уште нема акција за собирање отпад, иако се очекуваат пак врнежи.

Вчерашните последици во урбаните места како Чаир, Аеродром и Кисела Вода беа директна последица на непрочистените улици кои доведоа до затнување на канализацијата и одводите.

* * *

Ете: градење нација пред да изградиш канализација е тешка мисија.

Теофил Блажевски
Јавниот сервис го претворија во јавно ругло!

Во исто време не можам да го задржам бесот и нервозата од индоленцијата и неспособноста на првите луѓе на МТВ и сите уредници на информативните програми на јавниот сервис, кој од изутрината емитува емисија за народна музика(со Орце), емисија дека „било време за бебе“ и „детска драма која не била празна слама“…

Колку е тажна состојбата со загинатите и повредените, толку е мизерна состојбата на духот, непрофесионализмот – незнаењето и неодговорноста и на тој што им е директор и главен уредник и на тој што се претставува за елита, а носи титула одговорен уредник на прв програмски сервис и на сите други подоле по хиерерхија во информативната програма.

Јавниот сервис го претворија во јавно ругло!

Бранко Героски
Дајте музика, Македонија се дави!

Националните телевизиски концесионери, на чело со нашиот радиодифузен сервис, утринава со музика и со песни го прославија катастрофалното невреме во скопскиот регион, кое однесе најмалку 20 жртви и предизвика големи материјални штети.

Ништо, па ни страшната загуба на човечки животи, во градот чиј центар се „дави“ во луксуз, а периферијата е во урбан хаос, не може да ги натера малоумните сопственици, газди и уредници на националните телевизии, ако веќе не се способни (и слободни) да ги отворат своите програми и да емитуваат извештаи, анализи и дебати за причините за големите загуби, тогаш барем да се воздржат од емитување на своите идиотски музички и филмски програми.

Овие идиоти се навикнати да функционираат по „програмската шема“ и по директивите што ги добиваат од Центарот за комуникации на владејачката партија. А кога шефот е на одмор, па нема кој да издаде нови директиви, важат старите – пуштај серии, музика и реални шоуа за заглупување на простата македонска маса, пуштај па макар се удавила пола Македонија!

Искра Гешоска
Македонија е оставен сам човек на сред полјана додека паѓаат молњи

Елементарна непогода, што значи непогода која би ги загрозила човечките животи, а е реакција на природата и процесите во неа, може да биде: цунами (на некој океански, речиси пуст брег), земјотрес, ураган (од типот на Катрина), речни наноси (во неурбанизирани заедници), бура на отворено море, молњи на отворена полјана на која стои сам човек...

Она што се случи вчера попладнето и во текот на ноќта во Македонија не е елементарна непогода (попозната во нашиот речник низ годиниве како „невреме“). Она што се случи вчера, особено во Скопје и Скопско, е политичка непогода еднаква на катастрофа. Македонија беше оној оставен сам човек на сред полјана додека паѓаат молњи.

Со природата не можеме да се справиме - таа е чудесна и непредвидлива, па дури и кога ќе збесне. Со луѓето кои се збеснати, насилни, бездушни, неодговорни, самољубиви, игнорантни и разулавени по моќ - можеме да се справиме!

Боки Бургија
Земјата упива сѐ

Земјата упива сѐ. Ќе ги упие и водата и фекалиите и муљот и тињата и песокта, ќе ги прибере и жртвите во своите пазуви, булеварите ќе се исчистат со вода за пиење, дупките и свлечиштата ќе се санираат, настраданите ќе добијат сендвичи и пакет кисела вода од државата, во знак на „неизмерна грижа“ и солидарност со оштетените во невремето, сонцето ќе блесне, ќе исчезне мирисот од отворената булеварска канализациона мрежа во Скопје, поршеата и џиповите гланцнати чаламџиски ќе се стркалаат низ кружните текови како најголеми инфраструктурни инвестиции во Скопје, семафорите ќе трепкаат додека полицајците ќе ја креваат раката за да ги сопрат обичните да чекаат додека поминат колоните со скапите „мајбаси“ со затемнети стакла во кои шибаат надлежните, пешаците ќе се шњураат и сликаат пред спомениците, одморите ќе продолжат, за два до три дена сѐ ќе биде како ништо да не било... Во „Македоња вечна да е цела да е“, се збори и се крева паника само за време на невреме, потоа ќе нѐ притиснат други обврски, ќе заборавиме дека сношти бевме на работ од природен потоп, ќе ги заборавиме и настраданите, исто како што ги заборавивме бомбите, матурантите, Нешковски. Сонцето и шмрковите од цистерните ќе ги измијат улиците и булеварите, и ќе ни ја избришат меморијата.

Бранко Тричковски
Марш, стоко!

Поодвратно од поплавите е кога следниот ден ќе фатат да се сликаат со своите грижи за народот битангите што со себе како хомоидни бинди ги затнаа сите одводи на нормалноста и предизвикаа страотна несреќа, министри, сакам да кажам, такозваниот претседател, таа нестварна умоболна појава, бившиот премиер со своите очила во Анталија, уредниците и продуцентите на куртонските телевизии , тие ѕверови што удираат на песни и ора и оваа утро и останатата вмроидна менажерија. Стока!

Роберт Алаѓозовски
Каде е Мишко?

Каде е Мишко од Центарот за управување со кризи да запее една патриотска за Тодор Александров?

Ирена Стеријовска
Од неколку саати дожд имаме биланс на жртви како во војна

Од неколку саати дожд имаме биланс на жртви како во војна бе домољубци... Абе мамичето ваше психопатско, неодговорно!

Вие што направивте од Скопје град на смртта, кланица за луѓето што живеат во него, вие бедни и бездушни, вие дегенерици неодговорни кон животите на граѓаните, вие црви штетници навлечени на гипс картон и смрт, ќе ве стигне нешто... нешто мора да ве стигне... карма, Господ, Алах, преживеан граѓанин или некој близок на оние што не се... а сите до еден сте виновни за ова, сите до еден! Од лепачи на плакати, кликачи на лажни профили, релативизатори, пратеници, градоначалници, директорчиња, двајцата премиери, министри и психопати советници, сите носите гревови за колената да ви плаќаат...

Бранимир Јовановиќ
Најлесно е да се каже дека е ова природна катастрофа и никој да не одговара.

Ама, не. Ова е општествена катастрофа. Стајковци и Синѓелиќ се поплавуваат секоја година, зашто атмосферската канализација таму никако да се направи. Во Тетово лани имаше слична ваква поплава. Има пари за галии, за градски плажи, за жални врби, за панорамски тркала, а нема за чистење и одржување на каналите и канализацијата.

Затоа - одговорност! За да не се повтори.

Никола Наумоски
Да ангажираа деца-извидници подобро ќе се снајдеа во околностите!

Пред малку се вратив од Сингелиќ. Бев да однесам од помошта што ја собираа добрите луѓе пред Веро - Центар. Поминав три пункта и не можам да ви го опишам хаосот во целата организација таму. Полицајци те регулираат сообраќај, те си седат со раце во џеб по сенка, никој не ти кажува каде да одиш да истовариш намирници, ги прашуваш и ти креваат раменици. Се чека во колони, луѓе се пцујат, некои се таму да помогнат, некои си бркаат работа, на никој не му текнува да отвори пат за хуманитарна помош или итни случаи... се растовараат камиони на сред улица, некои улици се затворени без причина... не можеш да стигнеш до најзагрозените делови, на никој не му текнало да направи циркулација по околните улици!

Ваква неспособност, вакво незнаење што да се прави во вакви ситуации може само во Македонија да има. Да ангажираа деца-извидници подобро ќе се снајдеа во околностите! Па тоа и уште 12 саати после невремето! Можам да замислам како било вчера и каква помош добиле луѓето од институциите!

Ана Ангелова
Марш, багро неписмена!


Вчера во сред невреме се вратив од Црна Гора. Лиеше дожд како од кофи од Албанија па сè до граница со Македонија. Во ниту еден момент не се почувствував загрозено, сè додека не влегов „дома“. Хорор. Обиколница Скопје, хорор. Велес – Штип, хорор. Додека низ Косово и Албанија нè спроведуваше полиција која контролираше проток на сообраќај на секое критично место, а камиони на јавни претпријатија во сред олуја ги чистеа одроните, во МК видовме само еден полицаец како пуши цигара на обиколницата додека престрашени граѓани сè уште чекаа помош во 2 сабајле.

„Добредојдовме“ дома, кај што дебили со бесни коли летаат по пат - на кој сигнализација е мисловна именка - загрозувајќи ги животите на сите, каде што кретени со купени дипломи ни проектираат патишта, каде што неписмена нација се клања на имбецили со Поршеа, додека се дави во говна. Да, Косоварите и Албанците се „дивата лига“ со бела чарапа на сандала, а ние сме „господата“ со пресирани панталони без трунка одговорност кон себеси, а камоли кон другиот. Тек ќе се давиме во говна, оти таму припаѓаме. Прославивте важно Илинден, а? Не ми викајте добредојде дома, оти дома вака не е. Дома те сакаат и почитуваат и се грижат за тебе. Што би рекле моите Црногорци, марш, багро неписмена!

Ида Протуѓер Вељковиќ
Власта си игра држава

Видов како попуштија шрафчињата со кои власта си игра држава. Кога вработуваш приучени лекари со партиска книшка на гинекологија, умираат бебиња. Кога во ек на туристичка сезона, брзата помош може да стигне само со возило (не дај боже да инвестираат во глисер и сл) за 40 минути до кампот Градиште, умира 17 годишно момче на плажа.

Следствено на тоа, кога градиш без никаков поим од урбанизам, настанува поплава од обичен дожд, се формираат свлечишта, противпожрните возила немаат пристап да помогнат. Кога телата како Центар за управување со кризи, Противпожарна служба, Брза помош се расадници за партиски кадри, тие нема да знаат како да се справат со кризни ситуации.

Вработените во тие тела се информирани дека нивната обврска е да донесат уште по 20 гласачи, но веројатно не и како да решаваат кризни ситуации. Впрочем и парите на граѓаните се трошат за нешто “видливо” како спомениците, а не за опрема која не носи гласови за партијата.

И самата мобилизација на институциите е доведена до совршенство кога треба да се обезбеди победа на ДПМНЕ-ДУИ, но не и кога институциите треба да се мобилизираат за да се стават на услуга на граѓаните. Затоа што ништо во оваа држава не е на услуга на граѓаните туку на партијата на власт. Чувме на вести дури и на режимските медиуми дека улиците кои биле реновирани биле без сливници.

Премиерот Димитриев му поднесе извештај на Груевски што презела Владата

Премиерот Емил Димитриев и претседателот на ВМРО-ДПМНЕ, Никола Груевски, кои поради синоќешното невреме ги прекинаа годишните одмори, попладнево беа во посета на најпогодените подрачја во Скопско, во придружба на министрите за здравство и за труд и социјална политика, Никола Тодоров и Диме Спасов.

Тие информираа за помошта што им се доставува на локалните жители во Стајковци, Економија, Инџиково, Сингелиќ и останатите критични точки.

– Заклучивме да направиме листа на сите потребни артикли веднаш. За таа цел на владина седница формиравме заедничка комисија на министерствата за одбрана, внатрешни работи и труд и социјала, како и Црвениот крст. Се обратија и неколку соседни земји за помош – информира Димитриев.

Груевски сугерираше да се реагира што поскоро за обезбедување повеќе пакети помош, а премиерот Димитриев одговараше на неговите прашања и му реферираше за мерките што ги презела Владата до сега во однос на санирање на последиците од поплавата.

http://fokus.mk/premierot-dimitriev-mu-podnese-izveshtaj-na-gruevski-shto-prezela-vladata/

Заев со граѓаните од погодените подрачја, се бара целосно обесштетување ВИДЕО

Претседателот на СДСМ, Зоран Заев и денеска е со граѓаните од најпогодените подрачја во Скопје и скопско, од населените места Инџиково, Сингелиќ, Црешево, Страчинци, Смилковци, Стајковци.

Претседателот Заев директно на терен ја предводеше акцијата за помош на граѓаните од погодените подрачја на коишто им е најпотребна.

Од утрово, екипите на Општина Центар, на Куманово и на Струмица продолжија со активностите од вчера. Неколку шлепери со вода и неколку комбиња со други прехрамбени намирници, беа распоредени по сите овие места.

Дополнително, покрај специјализирани возила, денеска беа донесени и 5 камиони со носивост од 2 до 5 тона и неколку скипери со цел непотребните и оштетени работи да може полесно да се исчистат.

⚔ William Wallace  ⚔
‏@WillWallaceJR
Како сакате речете.#Заев помага.Повеќе пати видов.Чистеше визби, креваше каучи. #Ж дојде со панцир и BMW  #поплава

ВИДЕО: Заев со лопата во рака, на помош во расчистување во погодените подрачја

Денеска продолжуваат активностите на СДСМ за помош на граѓаните од погодените подрачја на коишто им е најпотребна.

Претседателот на партијата, Зоран Заев, на терен, директно ги предводи активностите за помош на граѓаните од Сингелиќ, Стајковци и Инџиково, во реоните коишто не беа покриени во изминатите денови, известуваат од СДСМ.



Заедно со тимовите од волонтери и активисти на СДСМ, Заев помага на жителите со цел што побрзо да го нормализираат својот живот.

Се расчистуваат домовите и дворовите на жителите, се испумпува насoбраната вода, се дели вода за пиење, конзевирана храна и средства за лична хигиена.

Жителите се жалат на спорите реакции на надлежните институции и забележуваат што на самите граѓани е оставено пријавувањето на штетите во општините за дури потоа да излезат надлежните Комисии, велат од СДСМ.

Teo напиша:Pak si tresel zeleni Trendafile...No, dobro e shto konechno go pokazha tvoeto vistinsko lice...Shipo napagja i tepa makedonec koj pomaga na poplavenite makedonci ama toa za tebe ne e vazhno...Vazhno e shto shipo pripagja na bratskoto kriminalno zdruzhenie dpmne-uchk koe kako shto site znaat ima za cel da go raznebiti makedonskiot narod i da ja unishti makedonskata drzhava...Pa zatoa mora da go pravdash obvinuvajki gi makedoncite...Odlichno odraboteno za oskata Atina-Tirana-Belgrad...

EmptyPersona @darkhour_seeker
Ако му каже некој дека му се облечени наопаку, ќе лета од работа....
11:37 AM - 11 Aug 2016

Заев до АВМУ: Да се измени текстот за Методологијата, кршите закон!

Неприфатлива е примена на францускиот модел за постигнување политички плурализам надвор од изборни периоди и негово прилагодување, напишал Заев.



Претседателот на СДСМ, Зоран Заев испрати Барање до Агенција за аудио и аудиовизулени медиумски услуги за измена на Нацрт-текстот на Методологија за мониторинг на изборното медиумско претставување преку радио и телевизиските програмски сервиси за предвремените парламентарни избори во Македонија.

Во дописот претседателот Заев укажува дека неколку одредби од Методологијата се спротивни на договорот од 19.07.2016 година и на измените на Изборниот законик.

„СДСМ веќе укажа на неправилности и нелогичности во неа што мора да се корегираат, за да ја исполни својата цел - соодветен мониторинг на програмите на радио дифузерите во период од 100 дена пред денот на одржување на изборите.

Одредбата за утврдување баланс во известувањето, според договорот меѓу 4-те партии за измени на Изборниот законик почнува да важи 100 дена пред денот на одржување на изборите и тоа треба соодветно да се имплементира секаде во Методологијата, без да се раздвојуваат периодите од страна на Агенцијата. Секое такво постапување е спротивно на законот.

Неприфатлива е примена на францускиот модел за постигнување политички плурализам надвор од изборни периоди и негово прилагодување на практиката и регулативата во Македонија за изборни периоди.

Наместо примена на францускиот модел, времето во вестите издвоено за политичките партии од парламентарната опозиција треба да е еднакво со времето издвоено за политичките партии коишто ја сочинуваат власта во Парламентот.

Од времето врз основа на кое ќе се извлекуваат оценките за балансот, се иззема времето за прилозите за редовните активности на државните органи, органите на општините и на градот Скопје, државните институции и организации, правни и други лица на кои со закон им е доверено вршење јавни овластувања, во програмите на радио дифузерите и на Програмскиот сервис за емитување на активностите на Собранието на РМ, коишто не смеат да бидат во функција на изборно медиумско претставување на ниту еден политички субјект.

Исто така, во Методологијата е наведено дека примерокот врз основа на којшто ќе се извлекуваат оценки за балансот во известувањето е поставен на 10 дена. Бараме тој период да се скрати на 7 дена, бидејќи тој е природен период за извлекување на оценка (една седмица). Оценките за балансирано претставување од страна на радио дифузерите односно Јавниот сервис и трговските радио дифузни друштва, Привремената комисија ги дава за 7 дена.

Бараме најавите и меѓу најавите на определен прилог да се сметаат како составен дел од прилогот, а не да бидат изоставени бидејки искуството покажа дека честопати некои радио дифузери ги злоупотребуваат за политичко пропагирање.

Бараме, секое прекршување на Изборниот законик да се санкционира, а не како што е предвидено во Методологијата санкција да се изрекува ако за 10 дена се направат минимум десет прекршоци. Нема мало или големо прекршување на Законот. Не случајно Законикот предвидел Опомена за прво прекршување, а кај следните задолжително барање за поведување прекршочна постапка.

Многу е индикативно дека овие спорни одредби не беа во Методологијата што Агенцијата ги носеше за изборите предвидени во април и во јуни месец.

Наместо да се амнестираат прекршителите неопходно е да се обезбеди правна основа за соодветна санкција за секој којшто не го почитува законот.

Дописот од претседателот Заев до Агенција за аудио и аудиовизулени медиумски услуги е испратен до тројцата други потписници на договорот и до амбасадите во Р. Македонија“, напишал Заев.

http://plusinfo.mk/vest/83853/zaev-do-avmu-da-se-izmeni-tekstot-za-metodologijata-krshite-zakon