Македонско образование

Математика ќе полагаат само учениците од математичка насока,протестот продолжува

Непосредно пред најавениот втор средношколски марш кој е најавен за утре, Министерството за образование и наука и Унијата на средношколци денеска постигнаа договор предметот математика да не биде задолжителен за сите ученици во средните училишта, туку само за средношколците на математичкиот смер.

-По подолга дебата, се постигна согласност предметот математика да не биде задолжителен за сите ученици во средните училишта, туку само за учениците кои се запишани во гимназиско образование и кои на крајот од втората, односно почеток на третата година од средното образование, го одбрале природно – математичкото подрачје. За гимназијалците коишто го одбрале општествено – хуманистичкото подрачје, како и за сите ученици од средните стручни училишта, математиката ќе биде предмет со можност за избор, покрај странскиот јазик, односно ќе се полага само доколку ученикот го одбере, согласно личната волја, убедување и афинитети. За гимназијалците коишто го одбрале јазично – уметничкото подрачје, задолжителни предмети ќе бидат мајчиниот и странскиот јазик, се вели во соопштението од МОН.

И покрај овој договор средношколците утре ќе излезат на марш. Од Средношколскиот пленум велат дека барањата на нивниот Пленум и оние на Унијата на средношколци не се исти.

-Протестот утре ќе се одржи, бидејќи нашите барања и барањата на Унијата на Средношколци не се исти. Ние покрај математиката баравме укинување и на екстерното тестирање и враќање на стариот концепт на полагање на матура, односно да не се полага матурата електронските поради сите пропусти. Протестот е најавен во полиција и очекуваме утре во 12 часот средношколците масовно да излезат по што ќе се упатиме до Министерството за образование, велат за НОВА од Средношколскиот пленум.

http://novatv.mk/index.php?p=1&navig=8&cat=2&vest=21314

Политички поделби и на средношколците

Силното влијание на дневната политика и максималното ниво на политизацијата во мекедонското општеството, се покажува и со последните случувања околу воведувањето на новите реформи во образовниот систем во Македонија, велат експертите.
Ваквите ставови доаѓаат по последните поделби меѓу средношколците во Македонија. Додека оние ученици кои се дел од Средношколскиот пленум со денови протестираат против новите реформи во образованието, барајќи да се врати стариот концепт на полагање на државна матура и се против екстерното оценување, од друга страна се активираше Унијата на средношколци на Македонија, која најде заеднички јазик со Министерството за образование и наука и постигнаа договор околу новите реформи. Од Пленумот велат дека Унијата не постои, бидејќи нема активен статус од 2013 година.

Бојкот на наставата, почнувајќи од понеделник (06.04.2015), најавија поголем број училишта, по примерот на учениците од скопските гимназии „Орце Николов“ и „Кочо Рацин“.Тоа, како што најавуваат, е реакција на игнорантското однесување на надлежните институции кон нивните барања.

Бојкотот на настава ќе трае, се додека Министерството за образование не закаже дебата со претставници на Средношколскиот Пленум.

Додека трае бојкотот на настава ќе бидат организирани вонучилиши активности.

Интернет Средношколскиоот пленув од Куманово денеска напладне во центарот на Куманово,ќе постави свој штанд, со цел да ги промовира своите барања и да го промовира бојкотот на настава.

http://plusinfo.mk/vest/21005/srednoshkolcite-od-ponedelnik-kje-ja-bojkotiraat-nastavata

СОНК ќе се суди со Наставничкиот пленум

Советот на Самостојниот синдикат за образование, наука и култура на Р.Македонија ( СОНК ) ги задолжил своите регионални синдикати да откријат дали некој нивен член е во Наставничкиот пленум и согласно на одредбите на Статутот да биде соодветно санкциониран.

Притоа во низата одлуки на Советот на СОНК се вели дека „се задолжува највисокото раководство на СОНК да покрене соодветни судски постапки преку адвокатската канцеларија против сите поединци или групи од Наставничкиот пленум и од Мултиетничкиот синдикат за образование, за кои постојат докази дека направиле незаконски дејствија против СОНК и неговото раководство, со цел и на овој начин нашата организација да биде заштитена од ваквите незаконски дејствувања против неа, а исто така да се утврди и штетата што е нанесена врз СОНК со таквото нивно дејствување“.

http://plusinfo.mk/vest/21103/sonk-kje-se-sudi-so-nastavnickiot-plenum

Одлуката била донесена на интерниот состанок на Средношколскиот пленум од Битола, каде првично бојкот на настава по празниците ќе има во техничкото училиште, а потоа би се проширил и низ другите училишта од градот на конзулите

Средношколците сè уште во бојкот – министерот ги бојкотира нив

Средношколците од Скопје, Тетово, Куманово, Охрид, Велес, Битола, Прилеп, Струмица... и денеска го продолжуваат бојкотот на наставата. И утрово во повеќе средни училишта во целата земја нема настава. Од Министерството за образование иако ветија, и натаму одбиваат да се сретнат со нив и да ги слушнат нивните барања.

http://www.mkd.mk/makedonija/politika/srednoshkolcite-se-ushte-vo-bojkot-ministerot-gi-bojkotira-niv

Албанските паралелки од Тетово се приклучуваат во бојкотот на наставата

Учениците од албанските паралелки во тетовската гимназија „Кирил Пејчиновиќ“ и медицинското училиште „Никола Штејн“ од денеска почнуваат со бојкот на наставата.

Тие денеска на едночасовен протест на плоштадот во градот го искажаа револтот од лошите реформи во образованието. Со транспаренти „Стоп за екстерното тестирање“, „Не успеавте, нема да се предадеме“ албанските средношколци му посочија на министерот Адеми дека и тие се будни.

http://novatv.mk/index.php?navig=8&cat=2&vest=21627