КЕ СЕ ОПАРИЛИ ДРЖАВАТА

СЛУЧАЈ ТИТАНИК
СЈО бара да им се конфискува имотот на Груевски, Димовски и Протоѓер во вредност од 2,2 милиони евра
Никола Груевски, Мартин Протоѓер, Илија Димовски и Леко Ристовски ќе треба солидарно да ѝ вратат на државата 2,2 милиона евра ако Кривичниот суд ги осуди за виновни во предметот „Титаник", бараат обвинителите на Специјалното јавно обвинителство.

На денешното судење за предметот „Титаник“ специјалните обвинители рекоа дека за финансирање на изборната кампања во 2011 година лидерот на ВМРО-ДПМНЕ, Никола Груевски, и поранешниот шеф на кабинетот на Груевски, Мартин Протоѓер, треба да вратат во буџетот 567 илјади евра. СЈО од Груевски, Илија Димовски и Леко Ристовски побарува дополнителни 673 илјади евра за кампањата во 2012 година.

Сите заедно, за изборната кампања во 2014 година, според СЈО, ако бидат осудени на државата ќе треба да ѝ вратат и дополнителни еден милион евра. Или вкупно - 2,2 милиони евра.

Се работи за обвинението на СЈО за случајот Титаник во кое пишува дека обвинетите како организатори на изборните кампањи користеле пари од неидентификувани извори. Според обвинението, парите во кеш биле чувани од поранешниот генерален секретар на Владата.

Делата за кои овие лица се обвинети се злосторничко здружување, злоупотреба од средствата на изборната кампања и повреда на избирачкото право, повреда на слободата на определување на гласачите и уништување изборен материјал.

od koj li dzeb ke gi vadi grujo ,a tek protuger,aj ne me smej

poleka no sigurno go stegat obrachot ,koj ke bide faten vo nego ke vidime