ПОТПИШАН ДОГОВОРОТ ЗА ИМЕТО

Во Преспа потпишан договор меѓу Македонија и Грција
17.06.2018 | 17:15МакедонијаПрочитано: 216




Преспански договор за историјата. Кренатите раце на Заев и Ципрас во Псаридис симболизираа ставање крај на на 27 годишниот спор за името. Во присуство на европскиот двоец Могерини, Хан и претставницте на Обединетите Нации, Нимиц и Ди Карло договорот го потпишаа министрите за надворешни работи Никола Димитров и Никос Коѕијас.



Со пораки за заедништво и пријателство двајцата премиери се обврзаа на нова ера во односите на двете земји. Од Грција со глисер делегациите заминаа за Македонија каде се одржа средба и заеднички ручек на оваа европско балканска дружина.

Chestitki za site uchesnici vo potpishuvanje na ovoj mnogu vazen dogovor za imeto ,so koj odime ko svetla idnina

mnogu ubavo objasni i obrazlozi g-din Taki Fiti ....sekoja chest ...

Таки Фити: Не е лесно да се промени името, но знаеме по кој пат одиме

Постигнатиот договор меѓу Република Македонија и Република Грција по однос на прашањето за името е компромисно решение, со отстапки на кои мораа да се согласат и двете страни, но Македонија нема развојна парспектива надвор од Европската унија и членството во НАТО, оцени денеска во Охрид претседателот на Македонската академија на науки и уметности Таки Фити, ја пренесе МИА неговата изјава.

– Ова е компромисно решение што наметнува отстапки и како такво предизвикува незадоволство и кај двете страни. За МАНУ и за сите граѓани на Македонија особено значајно беше да се зачуваат идентитетските прашања. Македонскиот јазик, националноста, нашата култура и традиции и фактот што Грците ја признаваат нашата посебност, посебноста на македонскиот јазик како дел од групата јужнословенски јазици, сметам дека е добро, изјави Фити.

Коментирајќи го договорот за името потпишан денеска во Псарадес, тој потсети дека МАНУ во однос на прашањето за името имала јасни ставови поместени на нејзината интернет-страна, како и оти Академијата учествувала во подготвувањето на аргументацијата околу преговорите на двете страни, особено по оние прашања што се третираа како црвени линии од страна на Грција.

Фити укажа на потребата Македонија да остане доследна на изборот да биде дел од евроатлантските интегративни процеси.

– Сите ние моравме да проголтаме едно горчливо апче, бидејќи не е лесно да ви се промени името, но на крајот на краиштата ние знаеме што сакаме и знаеме по кој пат треба да се движиме. Не можеме да останеме во оваа ситуација – 27 години заробени во однос на евроатлантските интеграции бидејќи Македонија не може и нема своја развојна перспектива надвор од ЕУ. Гледано економски, ЕУ е најголемата економска интеграција во светот со над 500 милиони луѓе, висок доход и пазар со голема апсорпциона моќ. Унијата креира 25 отсто од светскиот бруто доход, учествува со 33 отсто во светската трговија, 30 проценти од сите светски знаења се концентрирани во ЕУ. Македонија со два милиони жители каде ќе ги продава своите производи ако нашиот пат не е кон евроатланстките интеграции и воопшто кон големиот пазар, нагласи Фити.

Тој додаде дека сепак на крај одлуката по однос на договорот ќе ја донесат граѓаните на референдум.


https://novatv.mk/taki-fiti-ne-e-lesno-da-se-promeni-imeto-no-znaeme-po-koj-pat-odime/

bravo za potpisnicite na ovoj mnogu vazen dogovor za nas i nashata svetla idnina

chestitki za dvete drzavi ova ke pomogne za nadminuvanje na site problemi ,eve i Denko Maleski kolku ubavo im kaza na site onie koi se protiv ovoj dogovor deka se protiv svojata drzava
Малески: Со договорот за името се извлековме живи
17.06.2018 | 14:05МакедонијаПрочитано: 4422




Никому не му е пријатно од промената на името, но од таа емотивна ситуација треба да се извлечеме свесно и да тргнеме во една нова ера за поубава и просперитетна земја. Од таа убавина ќе се компензира тоа што сега го дадовме под концесија, вели Денко Малески, универзитетски професор и поранешен министер за надворешни работи, во неделното интервју на Радио Слободна Европа.